陪爸B打波

星期日, 熊熊要去打波, 然後突發奇想地話, 帶埋瑤瑤豬一齊去喎...都好既, 隻小豬成日都係屋企, 係時候出下街, 感受下夏天既氣息啦 (即係熱....)
決定既時候已經10點幾, 11點就開波啦... 於是拿拿臨執野, 出門...  (雖然仲有1個鐘既時間, 但事實上, 自從瑤瑤豬面世後, 熊貓就冇試過準時/ 按計劃既時間出到門架)

天氣好好, 幾熱下, 但又唔算好曬喎... 瑤瑤豬有得出街當然係好開心, 好合作同好八掛啦~ 坐車既時候已經不斷四圍望, 落左車坐係自己既私家車上又係冇時停... 係球場登記既時候, 有個看更婶婶一路撩佢玩, 一路好認真咁講" 哎呀, 點解個BB咁醜樣架... 真係好醜樣呀... " (雖然, 貓貓知道有D上左年紀既婶婶見到BB係會講反話既... 不過.... ... ... ...  唯有同自己講, 佢講緊反話
佢講緊反話
佢講緊反話
佢講緊反話
佢講緊反話
佢講緊反話... 不過仲係不爽)

一開始, 個天都幾晴下, 但就冇咩野陽光, 只係覺得好熱... 隻瑤瑤豬熱到濕晒呀 (LEI樣野同熊熊係一樣架... 真係超怕熱, 超大汗... 不過小豬係女仔來架... 第時真係...) 但佢都係好好心情咁四圍望, 又好識做咁四圍對住D 哥哥(其實係叔叔)係咁笑. 一直玩到12點半, 都冇意思要食奶呀 (平時果餐應該係12點前就開始食架啦~) 不過貓貓都係"助"左奶先, 果然係差唔多"助"好既時候, 瑤瑤豬就開始發爛啦, 好彩好快就搵枝奶塞住佢把口...好意外地, 瑤瑤豬一口氣食晒成枝奶喎 (通常出街, 佢食到半枝奶已經叫唔錯架啦~ 今次可能真係肚餓掛~)

貓貓開始擔心面紅紅既小豬晒親/ 熱親 (明明就係冇太陽架, 不過可能有好強既紫外光掛) 於是又撐傘又撥扇咁...終於等到熊熊打完第二場波, 就決定走人LU (哈哈, 今次完全冇睇過熊熊打波呀... 不過都有拎過小豬隻手仔, 指住熊熊話, 爸B係果邊呀.....)

總結, 是次出街街都叫唔錯, 瑤瑤豬玩得開心 (佢係回程既車上已經走去搵周BB傾計LU), 貓貓都好開心 (因為小豬食晒成枝奶LU~ 睇下依家既貓貓幾咁容易滿足...)當然熊熊都好開心啦~ 只係貓貓低估左冇陽光既紫外光威力... 貓貓既手腳都晒到紅曬, 隔左好幾日先變黑呀而瑤瑤豬就變成左正宗既燒乳豬LU~ 好彩只係黑左(本來已經好黑架啦....) 冇曬傷, 不過就俾6299哦左一輪...

LEI張瑤瑤豬可愛既笑容, 真係哄到爸B鬼死咁開心... 成日都冇啦啦拎出來睇, 又冇啦啦話"真係可愛啦...你睇下佢幾得意..."
咁貓貓都覺得LEI張相影得好好啦 (係貓貓影架~)

四月針...

又到左去健康院, 打針針既日子啦~
其實每次去健康院, 都好似考完試拎成績表咁, 因為瑤瑤豬又要上磅啦~ 嗯, 14.3磅, 差唔多係出世時既一倍啦~ 都叫OK啦~ 姑娘話, BB一直都保持係50線, 而頭圍仔就一直係75線, 都叫好好, 所以下次去健康院就唔駛再度頭圍LU~ (其實頭圍係幾多貓貓又唔係好在乎, 不過好想知瑤瑤豬依家有幾長呀.. 可惜姑娘唔幫佢度, 要自己度, 所以大概係63CM掛...)
磅完豬仔又係時候同姑娘傾下計啦~ 姑娘話差唔多6個月既時候, 就可以開始俾瑤瑤試食糊仔啦~ 仲俾左幾本書仔做參考 (哎呀, 早知有得派, 果時係BB展就唔買果本又貴又冇用糊仔書啦~)見完姑娘, 就要打針啦~ 瑤瑤豬對上幾次打針都係咁E喊左幾下, 就收左聲LU, 所以貓貓對LEI part 都唔係太擔心... 果然...
瑤瑤打第一枝針既時候, 連喊都冇喊, 連姑娘都話佢好勁呀... 當然啦, 打到第二枝既時候, 都係漲紅左臉喊幾下既... 抱住出左打針房再搖左兩下就唔喊LU~ 不過隻傻小豬聽到其他BB係咁喊, 可能諗諗下覺得自己其實都幾痛下, 所以之後又再扁咀喊多幾聲 (個衰媽媽仲一路笑佢一路哄佢耶...)
返左屋企先係貓貓最擔心既果PART, 因為上次打2月針既時候, 瑤瑤豬有小小發燒呀, 搞到冇精神左成日... 所以今次都好擔心佢會發燒, 唔食奶, 不過好彩今次冇事.. 叻叻呀~~~

左去健康院, 隔多幾日仲去埋私家醫生度吃輪狀病毒的疫苗同打HIB既疫苗。同上次一樣, 瑤瑤豬唔鐘意食疫苗, 食到皺晒眉咁, 到最後仲喊左幾下添呀... 打針針就照樣喊左幾下, 出到門口就冇事LU... 好有心機既蔣醫生仲一路打針, 一路係咁同瑤瑤豬話" BB對唔住呀..." 貓貓覺得蔣醫生都真係幾好, 雖然唔係兒科專科, 但係對BB都好有心機 (LEI頭實在太多BB啦...)

就咁樣, 瑤瑤豬就完成佢既四月針啦~ 打六月針既時候就慘慘啦 (因為要打3枝政府 加1枝私家呀...)

BB大得真係快呀... 轉眼間, 張PLAYMAT就快可以收工LU~

4個月啦~

哎呀, 今日好多野呀, 不過, 都係要寫左先, 費事又好似之前果幾個月咁... 生左BB之後, 真係真正體會到時間過得好快呀... 
話咁快, 瑤瑤豬係4個月豬仔啦~

身高體重都未知呀, 因為未去健康院

食奶方面, 1日食5餐, 除左朝早埋身加樽仔果餐唔知食幾多外, 其他果4餐都係食4-6安左右啦~, 不過食奶既習慣依然好差, 一定要暗佢瞓左覺先肯飲奶奶, 醒左既時候, 已經學識左不停反抗, 抓臉, 頂奶咀, 拍奶樽, 推開奶咀食手指, 激喊等等, 99好有心機咁餵, 要餵成1個半鐘先食得完果6安奶(貓貓都冇咁好心機, 通常都係死暗爛暗隻小豬瞓覺先), 但係瞓左覺食奶奶既時候, 就可以15-20分鐘食完 (試過最快係5分鐘...) 真係頭痛...

LEI個月, 瑤瑤豬學識左好多新野, 係剛剛過3個月既時候, 學識左抬頭
去到3個半月既時候, 開始對鏡入面自己有興趣, 每次照鏡都會笑, 有時笑笑下又會好怕醜左挨係貓貓度呀 (鐘意既程度係, 就算有小小喊, 抱佢去照鏡, 佢都會流住眼淚咁笑返呀...)
到差唔多4個月既時候, 瑤瑤豬終於識轉身啦, 一識左轉身就好開心咁不停轉轉轉, 有時仲會開心到咔咔聲呀...
另外, 又學識左食腳趾, 本來好鐘意既食手活動, 變左食腳趾活動LU~
瑤瑤豬亦都開始玩 (咬)玩具,對 新買左既紫色象仔係愛不釋口啦~~~
講野方面, 當然係未識講野架啦~ 不過就多左好多BB話, 但又唔識之前成日講 um gu 同 ar woo... 依家係真係唔知講緊咩野架, 不過就好多野講, 你同隻小豬講野, 佢又會即刻笑, 有時仲係笑到咔咔聲呀~~~

瑤瑤豬, mami希望你每日都開開心心咁過, 做隻健康又肥美既小豬... 如果你肯乖乖食奶就最最最好啦~~~~ ^3^

抬起頭來...

LEI 篇其實應該一早就寫架啦 (一早係指差唔多一個月前既7月19日)

話說瑤瑤豬一出世, 條頸仔就幾有力, 成日左轉轉右轉轉 (唔肯食奶既時候就最好力, 挺直一直咁唔肯食), 所以貓貓一直以為瑤瑤豬玩趴豬仔一定冇問題, 點知隻小豬只係趴係度, 又唔抬頭, 只係顧住食手喎仲要拎開隻手就喊, 俾返佢, 佢又會好悠閒咁繼續食喎...
於是就咁樣過左3個月啦~ 隻小豬仔仲係咁樣喎。7月19日, 熊貓帶住瑤瑤豬去STUDIO影相, 有一PART 通常係影BB趴係度既相 (好可愛架) 貓貓仲打定輸數,因為小豬未識抬頭MA... 點知攝影師哥哥捉住瑤瑤豬既手仔, 放係佢心口度, 然後隻小豬就自然抬起左頭呀... 貓貓係隔離見著覺得好神奇呀...

呵呵呵, 就咁樣, 瑤瑤豬就抬起了頭... 返到屋企再練多幾次 (即係要幫佢將手仔放好D) 就OK啦~  自此之後, 隻小豬一趴係度就自己抬頭啦~仲要每次都好開心咁係咁笑呀...

時間又fast forward 大半個月啦...  瑤瑤豬差唔多4個月啦, 不過仲未識後轉身喎, 試過1,2次由趴係度轉返平躺, 但平躺就最後只可以變為側身(LEI個動作早係佢未到3個月既時候就已經識做啦~), 都唔知點解會CLICK住左... 直到星期日既時候, 第一次BB GATHERING, 晉媽好有心機咁教瑤瑤豬轉身喎... 到星期一貓貓返工前又同小豬玩左幾次轉身喎, 然後下晝99就話俾貓貓知, 瑤瑤豬識轉身啦~~~~~~~ 仲要一放係床就轉, 轉左十幾次呀, 搞到佢餵完奶唔敢將隻豬仔放落床, 驚佢嘔奶...
可惜將瑤瑤豬接返屋企後, 佢只係不停咁表現食腳趾公既絕技, 而唔轉身喎~ 希望今日有得睇啦~

講起食腳趾公絶技, 真係要講下BB既學習能力真係好高, 明明之前果日唔識既野, 第二日就突然識左...  星期五晚, 貓貓接左瑤瑤豬返屋企, 返左去之後見佢腳仔有D凍就幫佢著左襪仔,  點知隻傻豬係咁拉襪仔, 仲玩得好開心添 第二日既時候, 瑤瑤豬已經差唔多可以將腳仔放落口啦 (不過係差唔多, 未真係食到, 通常係食住捉住腳仔既手仔) 琴晚接返屋企後, 小豬已經好純熟咁表演食腳趾公啦~ (不過見我拎住電話想影相既時候,就好似好醒咁放低腳仔, 唔通佢咁細個就知道影左相就會留芳百世? , 不過Mami又點會咁容易放棄呀, 今晚要影VIDEO先~ )

睇下我幾俾心機學食腳趾? hohoho~~~~

戀上BB

本來有好幾篇BLOG想寫的 (例如, 瑤瑤豬第一次會趴, 返工媽媽的心聲, 有關揹帶的種種 等等), 但貓貓還是覺得要先寫這一篇

在生BB之前, 貓貓是個對BB完全沒反應的貓, 記憶中好像只抱過一次BB, 還是熊熊硬塞給貓貓的, 而貓貓也從來沒覺得BB可愛過, 幻想著生好BB後, 住院的晚上聽著小魔怪們大合唱是多麼可怕的事... 但沒想到生了瑤瑤豬後, 體內的母愛(也不知道是真是假啦~)一下子就爆發出來... 
住院的時候, 竟然覺得小魔怪們的合唱聲音柔柔的, 好好聽耶...
然後, 在馬路上, 看見別人的BB, 就會很想很想去看看BB的樣子, 還要跟熊熊討論一番... 十足十一個金魚婆... 
當瑤瑤豬大點點的時候, 再看見剛出世的BB, 就會不斷地跟熊熊說, BB好小好可愛耶... 熊熊的反應是...

對著別人的BB是這樣, 對著自己的瑤瑤豬就可想而知了...
除了不斷地幫瑤瑤豬拍照外,
幫她做了一百日的相簿,
安排在3個多月的時候就去拍照,
將公司電腦的桌面換成了瑤瑤豬的照片
打算今年用瑤瑤豬的照片做日曆
最後連GMAIL都不放過, 見到可以自訂背景, 就二話不說地換上她的豬豬照

如果這就是愛的話.....
那貓貓一定是跟BB在談戀愛了...

瑤瑤豬的百日宴

瑤瑤豬的百日應該是7月26日的, 但是星期四, 同一個星期的星期六又是熊熊的生日及朋友的婚禮, 所以瑤瑤豬的百日宴就擇日再戰, 改為8月4日舉行了。(其實也不過是跟親戚們一起吃餐飯啦~)

地點方面, 原本想去九龍灣皇上皇, 因為那里有一間挺漂亮的玻璃屋, 但地點真的是有些偏遠, 而且最少要擺6圍 (熊貓打算只擺3圍), 所以就轉去尖沙咀了。本來準備在isquare找間酒樓的, 但原來8月4日是好日, 很多酒樓已被訂了押攞婚宴了, 其餘的不是太貴, 就是要在廳里, 所以也放棄了。 最後決定在尖沙咀中心的海都, 因為有一間挺大的房間, 餐單的價錢也不太貴。

這個百日宴基本上是挺順利的, 瑤瑤豬當日很識相的, 任何人抱她都可以,而且還不時會對著人笑嘻嘻的, 哄得大家都很開心。開始吃飯後沒多久, 瑤瑤豬更是自己睡覺覺了, 所以個個都說她很乖。(她不乖的地方, 大家沒看見啦, 那餐奶奶, 左哄右哄地, 也只吃了一半耶...) 那天除了瑤瑤外, 還有好幾個BB耶, 每個大人都很開心地左抱抱右抱抱地...

當然由於準備匆忙,席間又要照顧瑤瑤豬和玩別人的BB, 所以百日宴還是搞得很麻麻啦... 一開始準備給親戚看的瑤瑤豬相簿由於E-print漏單了(講起LEI件事就一把火), 所以最後要曬相頂替。開席後, 熊熊才覺得要買些FOV和紅酒, 於是又匆匆去買, 幸好是在尖沙咀, 一下子就買回來了。原來訂了一個雙層蛋糕給大家拍照的, 怎知大家好像沒什麼興趣, 冷落了那可愛的蛋糕。(而且為取蛋糕還有點遲到了呢...  ) 然後, 熊熊覺得蛋糕太小, 不知道怎麼分給客人, 最後決定不切蛋糕, 將整個蛋糕帶了回家令小朋友失望之餘, 貓貓還不斷地被四大長老投訴 成為了這次百日宴的最大污點...(而且熊貓還要回家KO那6寸加8寸的蛋糕) 幸好瑤瑤豬還不知道這些, 過了一個愉快的晚上

看著懷中的瑤瑤豬越來越大, 真的是很開心耶...
希望瑤瑤豬繼續健健康康, 開開心心咁成長, 做隻開心小豬豬~ (最好飲奶奶反抗既時候, 唔好踼媽咪踼得咁大力, 踼爸B好啦~ 

(自從瑤瑤豬出世後, 熊貓家的買蛋糕頻率真的是很高耶... 看來熊貓家的身型也會越來越像熊貓啦~~~)

Mami 去左邊呀?

O... 原本諗住盡量每日都寫小小野既貓貓, 又拖左幾日lu ... 寫返幾行字補返先~

對上果個weekend, 對於熊貓囡來講真係有小小慘架, 因為熊熊生日 (仲有係30而立之日喎)所以貓貓當然要安排慶祝生日飯啦~ 再加上朋友既婚宴同其他慶生活動。結果, 星期五晚熊貓囡係嫲嫲屋企留到11點幾, 星期六晚熊貓囡係婆婆屋企留到12點半, 星期日成個下畫又留左係婆婆度喎...

可憐既BB, 星期五晚都仲叫OK, 雖然有D呆呆地, 有小小搵mami, 但總算唔係好喊。 星期六晚就慘lu, 貓貓11點打返去既時候, 婆婆仲話BB冇野, 幾乖, 點知到左11點半就開始勁喊爆喊, 個頭仔係咁擰來擰去搵mami, 又肚仔餓但又唔肯食奶(一枝6安既奶只係飲左一半咋), 連平時好少用, 但萬試萬亞既奶咀都冇用呀 仲嚇親公公婆婆添 喊左成半個鐘喊到臉仔紅晒,攰到瞓著, 婆婆先餵埋果半枝奶咋...真係陰公LOR... 下次去街都唔好去咁夜呀... 不過接返個囡返自己屋企, 佢又好開心咁, 自己係度玩下叫下, 搞到1點幾先覺豬豬咋...星期日就冇咩野事,貓貓6點先就趕返屋企LU, 而熊熊就自己同班FRD 去HAPPY HOUR... D老人家說, BB一到夜晚就會周圍望搵mami, lei d係天性, 就算日頭同其他人玩得幾開心都好, 夜晚都係要搵返mami架 (哈哈, 雖然冇晒自由, 但係聽落都好sweet架 ) 要好好珍惜囡囡痴住mami既日子, 好快佢就會唔痴mami, 痴住男朋友架啦 (貓貓就係好例子  )

lei幾日夜晚, 熊貓囡都會係9點幾10點的時候, 小睡片刻,養精諸銳地在之後的時間, 玩到12點多先肯再瞓。通常11點幾既時候就瞓住咁食埋每晚最後果枝奶奶, 食完就精神晒, 就算你唔同佢玩都好, 佢自己都會一路玩(自己雙手), 一路叫下咁到12點幾 就算開住床頭燈, 播埋音樂, 熄左房既大燈都好, 都係要到12點幾... 雖然知道bb太夜瞓唔好, 但係貓貓又會覺得放左工都8點幾先返得到屋企, 每日都只係得幾個鐘對住熊貓囡, 就由得佢同佢玩下(其實係俾佢玩) 遲d要開始返學先再調整下d時間啦~

 

夜晚12:30時, 熊貓囡仲係眼仔碌碌咁望住你... 真係想咬啖呀....