今朝六點起身沖奶時, 見個天勁黑, 又行雷咁, 心諗唔係又紅雨下... (小豬返學後, 總希望日日晴天...) 好彩7點半起身時已經落左黃雨lu...
總括LEI個星期, 小豬除左上個星期四(即係黃雨之後果日) 係校門口見到人地喊, 佢又喊埋一份, 仲唔肯入學校(結果俾個外籍老師一把抱走左)之外, 之後都冇再喊LU, 今日去到校門口仲fing 開左我隻手添 (勁傷心lor...) 基本上都肯自己行去課室, 連老師都唔駛拖住佢...
接放學時 (可能每次我都排好後), 所以去到課室時, 小豬已一早企係門口等緊lu... (再影唔到佢係課室入面D相), 當然小豬一早就知道我會去接佢, 所以第一日接放學時果種期待同開心既樣都冇埋 (又係好傷心lor)
每日接放學時, 都會問下老師小豬果日係點樣... 一開始老師話佢叻... 因為唔喊, 不過就坐唔定...
呢幾日已經冇左個叻, 變成"走走走, 跑跑跑" lu... =.=" 唔知幾時先可以改善到LEI (唔知點解, 老師對住其他家長都可以分享到1-2件上堂既事, 但小豬既分享永遠都係果6個字lei... 唔通小豬真係走足2個鐘? =.=")
每日一出課室, 第一件事就係除左件外套
然後就會俾我捉住影張相... 笑得幾勉強...
呢幾日朝早都整D簡單既野食俾小豬做早餐. 不過, 佢通常都好唔俾面咁食好少 =.="
好彩, 小豬一放學就好似勁餓咁係咁問我拎野食, 可以掃左一大半早餐, 所以都係要俾心機諗下整咩野可以又快又有益又擺得
我成日都好奇, 學校有茶點架, 點解小豬會咁餓既... 於是有日問小豬, 老師請佢食咩野... 小豬諗左陣, 好認真咁答我... 食野... =.="
希望你日日返學都好開心啦~不過最好坐定定, 唔好成隻馬騮咁啦~
