忙過返工既週末 (聖誕前)

星期六日, 真係辛苦過返工呀, 遇著有活動, 真係會好攰架...

剛過的星期六, 熊熊做兄弟, 6點就出左門啦... 於是我一個人帶瑤瑤豬返PG

出門look, 著左肚B媽介紹既雪靴, 係唯一影到既相 (買左24, 都太大, 成日甩, 著左一日之後, 小豬第二日見到就係咁nono... =.=", 好彩好平, 結果又買多對再細D既)

一個人帶住小豬搭的士返PG都幾辛苦, 係車上用餅餅氹佢坐係度, 不過最後5分鐘都有D扭。返到PG就好開心啦~ 果堂係為第二日既活動採排, 所以又係唱歌跳舞放電為住, 小豬依家真係聞歌起舞, 不過個舞姿真係好醜樣 XD, 唔知佢係邊度學返來架, 哈~~~

上完PG返左公司一陣, 就去左婆婆度。小豬只係的士上瞓左陣, 一去到婆婆屋企又精神晒, 我搞埋D野就同埋公公婆婆一齊返自己屋企。 公公婆婆幫我湊小豬(瞓覺), 我又出去買左D野, 準備埋小豬既晚餐, 就叫醒小豬出發去飲啦~

小豬係飲宴上又算合作, 見到朋友個囡囡(9個月大) 係地下爬爬好似好開心, 於是小豬又爬埋一份, 好搞笑呀... 基本上小豬都算友善, 見到都肯hi啦, give me five 啦同飛吻, 只係唔肯俾人抱 (其實都幾好~) 由於熊熊係兄弟, 所以當晚11點幾先走, 小豬都係返到屋企先瞓, 勁~~~~

第二日, 11點幾就出車去數碼港, 因為PG有份參加個籌款活動, 一個family 俾捐$50.00, 都OK啦~ 去到超超超多人呀, 都係D俾面派對, 捐$50, 拎張cert...

Lei 個大概係1/6 既人掛 (見唔見到瑤瑤豬呀~~~~) 其實係數碼港聖誕嘉年華既其中一個表演節目, 仲有好多攤位遊戲呀, 充氣城堡呀... 不過大部份都唔太適合瑤瑤豬LEI D小小朋友玩, 所以完成表演, 再行多左一陣就走人... (但開車時都差唔多3點半lu...)

瑤瑤豬係車上nap 左陣, 去到婆婆屋企, 又好精神啦~ 係婆婆屋企打左個邊邊就返屋企啦~

小豬當日真係好攰, 換上睡袋唔駛1分鐘就瞓著啦~ 不過熊貓都好攰呀, 結果全家唔到11點半就齊齊熄燈搵周公lu~~~

四週年快樂~~

咁就4年lu... 其實係8年, 因為結婚同拍拖紀念係同一日... 有人好慳腦力, 拍拖同結婚同聖誕節係同一日, 實唔會唔記得... :P

每年都會去hugo's 慶祝, 因為當年係果間酒店擺酒架
不過以為唔會改變既野, 原來都係變架.... 今年有人12月頭去book hugo's, 以為早左差唔多成個月, 實穩整啦~ 點知full左... 有人講到口水都乾埋, 都係waiting 都冇得wait... ops... 原來除左擺酒要早年幾兩年前book 定, 連anniversary dinner 都係要早個幾兩個月book 定架...
最後, 搞左一大輪後, book 左 Petrus...  (哈哈, 有時改變下都好既... XD)

當晚係食聖誕大餐, 每一個dish 都相當好味 (係開頭個包包差D), 氣氛同service 都好一流... 相比起Hugo's來講, 氣氛同service 都差唔多, 野食就勝一籌, 如果希望年年都book唔到hugo's 會唔會好衰lei... XD

希望熊貓家繼續飲飲食食, 開開心心啦~~~

進擊之小豬

前幾日寫到話, 小豬著左睡袋後似teletubbies, 不過冇影相, 於是琴晚臨瞓前放佢出廳... 影相...

俾個背面睇下先...

影左出來, 發覺原來似進擊之巨人呀...

我爬, 我爬, 我爬...

我係進擊之小豬.............

---

第二朝變左隻眼瞓豬...XD

又面試... take 8

lei 一 take 終於係過年前最後一take 啦~ 就來自己都唔記得左係第幾take~ =.="

面試前幾個星期, 就有講座, 講者都係間學校既校長... 個講座幾"有趣", 校長講下點樣教英文, 我見身邊D家長釣晒魚咁, 不過, 我又覺得真係幾有趣。 明顯地, 間學校係勁谷型, 標榜D學生可以考到幾張oxford 既cert. well... 我仲係happy school 同勁谷中掙扎中, 但會覺得如果係谷, 有D cert 好似又好D... 另一樣野就係, lei 間學校既am 班仲要分為2個時段, 每個時段2個鐘.... 好似有D少, 唔知去到K1會唔會正常返LEI...

講返個interview

Lei 件衫勁LOR, 入面著多左1件爬爬和2個樽領, 換衫既時候, 隻手CLICK住左, 拎極都拎唔到出來 XD

入到去, 仲in 緊上一個time slot, 所以可以係戶外玩... 瑤瑤豬都好唔怕醜咁四圍爬, 好彩當日有太陽, 可以係出去玩呀。間幼稚園好勁呀, 拎埋個充氣城堡出來俾D小朋友玩, 不過可以家長都嫌麻煩 (包括我), 費事又除鞋又著鞋, 所以冇人玩

唔知點解跪左係度喎...

玩sir滑梯時, 好多靜電呀, D頭髮竪起晒~

玩左輪, 見冇人叫mic, 又唔知開始in 我地個time slot未, 於是四圍望下啦, 點知已經到我地去waiting room 啦~ 係waiting room, 老師講解左面試過程, 又分批幫家長拎左貼紙 (過程都幾混亂)

然後就去禮堂circle time

成2X-3X 個小BB一齊 circle time , 由 幾個net 帶唱歌跳舞, 俾大家warm-up 下 (校長都係隔離一齊玩) 成個circle time 既高潮係.... 拎左隻兔仔出來俾小B摸... 哇... 好開心呀, 不過瑤瑤豬勁驚, 唔肯過去摸喎, 唯有唔勉強... 

circle time 完左, 分批去interview 既waiting room等叫名。 間waiting room 好多野玩, 有一個area 玩大lego, 又有得畫畫, 仲有播緊PG既電視睇喎, 不過小豬既注意力俾放係籠入面既兔仔吸左去啦 (頭先跟佢摸又C都唔肯), 依家隔住個籠係度勁搞, 又伸手指去摸, 摸摸下又插眼, 仲諗住餵隻兔仔食手指... =.=" 帶佢去第二度玩其他, 玩左陣, 又走去搞兔仔, 想爬上張枱再爬上個籠度... 

玩左一大輪終於叫名啦~ 帶小豬走既時候, 小豬十萬個唔願意, 係咁nonono , 想行返入間房, 不過好彩冇喊...

同埋另外2個小朋友一起入去interview room, 以為係group interveiw添, 其實都係遂個in...分別見家長同小朋友... 問家長幾個例牌問題 (不過唔知點解, 我好似答得好奇怪咁 =.=")

小朋友就in 3個問題 (係waiting room 度預先講左6個問題, ball, fruit, stacking cup, matching game, transportation & body parts, 叫家長自選3個), 同熊熊一輪討輪後, 揀左ball, stacking cup 同body parts

Ball

老師叫小豬推波, 拋波同踼波 (唔識拋波, 踢波係之前果晚啱啱學既) 都叫OK啦~

Stacking cup

老師叫小豬疊杯 (估到係考LEI個, 係屋企最鐘意玩既, 所以OK)

之後, 問大細 (之前係明慧考過, 唔識, 返去冇教, 所以繼續唔識, 撞彩俾左個細既老師, 不過轉頭唔識俾個大既老師)

之後, 問顏色 (呆左... 媽媽一時間唔記得要提水... >.<)

Body parts

問五官, 手指, 頭髮等, 一開始用英文, 見媽媽用中文提水, 就改用中文, 識晒

之後, 送左兔仔公仔俾小豬, 有講謝謝~

考完可以繼續係間房度玩, 直到3個小朋友都考完 (小豬對套清潔玩具好有興趣, 係咁拎住個拖把四圍走, 好搞笑) 

考好晒, 老師仲送左popcorn coupon 俾小朋友去拎野食...

有得食, 好開心 (不過媽媽唔記得幫小豬消毒雙手先食添...)

成個過程差唔多成個鐘呀, 就好似返左堂PG, 整體來講, 小豬都係玩得好開心~ 我地幫小豬揀啱左題目, 雖然D延伸問題唔識, 不過表現都算可以啦~

收唔收就唔理lu, 反正咁多人去考, 收既機會都好微架啦~

---

題外話, 小朋友既表現真係控制唔到架, 好似同小豬一齊考試既其中一個小B,  同小豬其實係同一間PG, 唔同班, 補堂時見時, 當時覺得佢勁醒, 所以記得佢 (另一個原因係, 佢個髮型同小豬係一模一樣, 但對眼就好大, 好靚女好cute) 不過, interview 既時候真係好扭計, 原本佢係小豬前面in, 老師都叫佢warm up 下先, 叫小豬in 左先, 點知之後in都係繼續扭...

又但係, 佢扭計, 又唔係冇機會, interview 時老師睇既同家長見到既係唔同架...

---

放榜成績更新
共in 左8間, 有6間出左成績, 1間1月10日出, 啱啱in果間就6個星期後出
有2間rejected, 係呀, 係reject letter 連後補都冇
有1間waiting list （剛剛收到信，後補到下午班lu, 不過應該唔留位啦）
另外留左位既3個offer, 其中2個係am, 1個pm
暫時最想讀既係俾pm offer 既am 班, 希望轉得到啦~
Hit rate 有增長， 如果可以保持就笑C我啦~~~ :P

第一個二字頭... 二十個月...

又一個月... 時間真係過得快啦~

25.5磅 / 84 CM高 (大約)

食飯方面大致都係咁, 早晚飲奶 (每餐5安左右), 依然係奶樽飲(其實係我懶, 冇幫瑤瑤豬戒奶樽, 不過見佢用杯OR水樽可以飲水呀, 湯呀, 藥水呀, 只係飲奶係要奶樽, 都由佢啦~ 不過主要都係我懶) 一日2餐飯仔, 食量好飄下, 可能有D食厭左99果D超極好餸既"白"飯仔, 要改食面呀, 字母粉OR好純淨既冇餸白飯仔 (呵呵, 我真係做少好多~~~) 中間還係下午茶, 湯, 水果, 芝士, 乳酪, 餅乾之類啦~

Poo Poo方面, 都正常, 不過potty training 都係未開始。之前未凍時, 想叫99幫佢train下架, 不過, 9962又話佢一唔著片就搞到四圍都係, 我又冇得話"potty training 係咁架啦, 教多幾次就會識架啦~" 始終果度唔係自己屋企, 拖地果個又唔係我...星期六日我地又通常會出街, 再加上依家天寒地凍, 大條理由著片~ XD 目標係入學前可以自己去到啦~ (希望唔算係個大目標啦~)

瞓覺... 繼續係夜鬼... lei 輪日日要係床度爬返半個鐘先會有小小想瞓既意慾, 有時見我出房拎D野, 就係第一時間爬落床去廳玩 (lei 輪著住個厚身睡袋, 成隻teletubbies 咁好搞笑, 不過影唔到相...) 由於夜晚夜瞓, 又天寒地凍, 所以朝朝都係瞓住換衫去99度... 日頭個nap 就依然係2-3個鐘...

牙仔, 第13同14隻, 一齊蒲頭啦~ 可以出牙有D痛, 所以瑤瑤豬有時係突然指住個咀喊幾下, 要你幫佢吹幾下氹返喎.. (其實都好搞笑 XD)

講野方面, 特多BB話, 聽得明既都多左小小, 開始鐘意跟人口水尾, 會自動將你講既詞語變成疊字講返出來, 所以我地都開始多D同佢講大人話, 等佢早D可以習慣 講詞語  (其實, 疊字都好, 以前同熊熊講野都係講疊字架啦~) 有時自己會數數字, 由一數到十, 通常中間會冇左"七" 唔知點解, 又會肯同我一起數字母, 由a數到z。有時數數下, 會唔等我自己講埋之後果2-3個字母, 算係好大既進步, 所以我好满意啦~~~ :p

行為方面, lei輪唔鐘意行路, 係屋企行到冇時停都好, 出左街, 就行10步要你抱一抱, 抱完一輪又行返10步左右又要抱... 真係手都斷... 不過好處係肯坐返bb車啦, 唔會好似以前抱佢上bb車好似打仗咁... 其他動作都靈活左好多, 識得自己搬櫈去第二度拎自己想要既野, 最常見係見到爸B有野食, 就第一時間搬櫈去搶野食 XD

天氣凍左, 病多左, 發現婆婆樓下既兒科幾好, 睇過2次, 每次都食到第二日藥就好得七七八八啦~ 不過瑤瑤豬勁驚個醫生呀, 未入去就喊定先, 好彩醫生度有好多好玩既野分散小豬既注意。 食藥方面, 瑤瑤豬叻左好多, 唔駛好似以前咁夾硬來, 出動幾個人先餵到藥。 依家會同佢講道理 (食完藥就唔咳咳啦~) 同埋利誘 (大量星星餅), 就可以一個人輕鬆餵完藥啦~ 希望LEI招可以繼續有用啦~~~LEI輪D 病菌咁勁, 所以都的起心肝同小豬去打流感針啦, 同埋不斷提醒自己要幫小豬消毒 (依家成日唔記得 =.=")

俾媽媽惡搞的片片頭 XD

去飲... 著得咁靚女, 坐著咁粗魯... =.="

 

繼續唔望鏡頭... C都唔望... 哼...

朝早起身前...

朝早起身中...

朝早起身後...

 

玩完之後, 仲有得食popcorn, 正.....

愉快週末

每個愉快既週末都由返PG開始

今堂已經開始慶祝聖誕啦~ 課室擺左好多聖誕裝飾俾大家影相, 而全堂主要都係唱歌, 跳舞, 同埋... 等, 等派禮物, 等一齊拆禮物, 等數一二三一齊出去執禮物... 基本上小豬都玩得好開心, always跟住音樂左扭右扭 (之後係街聽到jungle bell都會好開心咁左扭右扭)

well... Lei張野既重點, 係冇一張係望鏡頭架, 無論係企定定俾你影, 定係玩緊既時候, 都係好有性格咁唔望... 哼............

PG之去左婆婆度玩, 公公婆婆買左聖誕禮物俾小豬呀... 不過唔記得影相, 小豬玩得好開心~ 返屋企時, 已經開始凍....

俾人抱到成隻糉左, 唯有玩下條脷啦~~~ 我伸, 我卷, 我舔... 不過搞到成面口水, 風一吹凍凍地添, 都係舔返乾先... XD

星期日, 瑤瑤豬被迫瞓到十一點幾 (由於我唔肯起身, 小豬見我唔起身, 佢又繼續瞓喎... 我見佢瞓緊, 又一齊瞓多陣, 結果齊齊瞓到十一點幾, 爽~~~~) 食完午餐, 出發去IKEA玩

熱賣助學公仔當然係賣晒啦~ 不過有其他野玩.... 睇下熊熊幾興奮, 小豬就一臉茫然, 唔知發生咩野事... 去IKEA想買個櫃, 不過想要既顏色唔會再出啦~~~ ops... 咁唯有去食下野啦~~~食完野就入左深井探朋友仔... 堡仔好可愛, 又好大個仔呀... 可惜掛住玩, 返到屋企先醒起一張相都冇影呀~~~ 唯有下次補返啦~~~ :P

-- 

今朝起身, 好凍呀... 拎返件熊仔衫出來俾小豬扮爸爸...

朝早起身, 未瞓醒, 面冇表情, 不過都係唔望鏡頭...

lei 個角度, 幾有肉底喎... 幾好~~~

突然諗起上年既相, 果時圓碌碌好可愛呀, 咁就一年lu...

  

又到聖誕...

又到聖誕又到聖誕...
聖誕節一向係熊貓家最重視既一個節日,  因為熊貓家就係四年前既聖誕節誕生架... (其實係熊熊怕自己日後唔記得會被扭耳仔, 所以揀左個全世界都會記得既日子...XD)
上年湊住8個月大既瑤瑤豬, 覺得自己好忙, 所以好求其咁放左棵聖誕樹就算 (連相都冇影到呀...) 今年, 小豬識行識走, 諗住早D擺返D野出來, 等佢可以感受下聖誕氣氛...

年年棵聖誕樹都係果棵, 所以會諗下D主題/ 主色。 今年揀左紫紅色 (不過熊熊稱之為見唔到綠色既聖誕樹 =.=") 露台門本來最好係用七彩既啫喱貼, 不過驚小豬係走去搞, 又驚佢放落口, 所以就改用雪花條 (做左媽媽之後, 連屋企docration 都要諗下, 會唔會有潛在既危險...)七彩啫喱貼就留返俾廁所既鏡啦~ 雖然簡簡單單, 但都幾有聖誕氣氛呀~ XD

小豬對於屋企新添置既聖誕樹好有興趣, 成日走去搞, 一開始仲成棵俾佢整跌添... 小豬當然冇事 (因為棵樹好輕), 不過棵樹就傷啦 (其實係我傷就真)

最傷係LEI D 係迪迪尼買返既吊飾, 好靚架MA,仲好貴添 (買既時候諗住之後都可以用架) 點知棵樹跌一跌, 就爛左4粒 , 其他平平吊飾又冇事喎... 唯有收起幸存者(4粒), 留返幾年後用啦~~~ 

--

同場加映, 呆豬一隻

Lei 個小朋友, 近期瞓覺好唔乖, 係咁同我玩, 到11點都唔肯瞓, 熄晒燈都仲要爬上我個身度跳跳跳。第二朝又唔肯起身, 基本上都係瞓住來換衫架, 有時瞓住抱上車去99度添...

今日出門前, 見新聞話有20度, 諗住唔駛著太多, 就加左件背心出門, 一出門, 大風到lei... 下次出門前都係去露台feel 下先... lei 期D菌好多又好強呀, 真係好驚呀...

面試... take 7

十二月既面試又開始啦, 幸好今個月只有2場面試, 熊貓都係以去玩既心情, 睇下互相適唔適合

今次係老牌(名?)幼稚園- 樂基 , 不過問過下D朋友,到底出名係邊, 又唔係好答到. 熊熊仲問我, 間學校係咪樂基兒開既... =.=" anyway, 報左名就去見識下啦~
去到 , 應該真係有好長歷史, 係學校幫手既舊生應該仲大過我...好多... :P

好多人去面試呀, 我地係第一日朝早11:45果批, 叫號碼已經叫到500幾啦... 咁in 2日咪in 成2千幾人?  學位好似得87個...  Ops... 當玩下啦~

排左陣隊, 有得入去學校啦 (不過全程唔俾影相) 入到學校有D露天既地方俾小朋友玩, 學校都搬左D益智遊戲出來, 不過, 瑤瑤豬剛剛坐低諗住玩, 就俾人叫左號碼去第二個地方排隊...  係呀, 又係排隊。 排隊既地方, 可以見到另一個露天既playground, 有D戶外遊戲, 同埋D車車, 可惜封住左,冇開放俾小B玩, 一班家長同小B只有得個望同等字 =.=" 瑤瑤豬有幾次都突破重圍衝入去, 都係熊熊捉返來,, 等左15分鐘左右, 終於有得入去啦, 不過入到去繼續係等... (in 左咁多間, 真係第一間要小朋友係冇玩具既情況下呆等咁耐啦~ 雖然D miss 同 helper 不時同我地講要多小小時間就得...)

等既過程中, 搵野同瑤瑤豬玩... 我地同小豬仲玩緊指五官既時候, 隔離既小朋友分別用中英普數1-10... 哈哈, 仲以為自己去錯左考K1既地方添... 依家D小朋友真係好叻呀...
又等多起碼10分鐘, 終於有得去interview 啦, 係group interview, 由一個NET帶住小朋友玩遊戲, 另外2個老師負責俾分掛...
task 1, 要家長係flash 卡度, 揀一款覺得小B最有興趣既交通工具, 小B就係個玩具籃度揀返一款交通工具玩具, 睇下一唔一樣... 結果係唔同架, 個gp 有6 pair, 得小豬同隔離個小朋友係match 唔到架 (係考家長了唔了解小朋友?)
task 2, 拎架van 仔出來, 舉高 ... 做到
task 3, 拎架的士出來, 放在大脾上... 拎到, 不過冇放係大脾上
task 4, 輪留出去放好個玩具籃... 做到
task 5, 家長輪留答, 小B鐘意睇咩野故事書 (亂咁講左... =.=")
家長答緊時, 小豬已經冇耐性啦, 聽到隔離房有音樂, 就自己起身跟住音樂搖來搖去
task 6, 輪到我地唱歌啦, 瑤瑤由於剛剛跳完, 所以冇反應 =.="
task 7, 唱goodbye song
全個過程, 幾似一堂濃縮左既PG, 不過對於小B既耐性係一大考驗
結果會係1月10日以書面通知...
應該不抱希望, 好似明慧既校長咁話, 唔錄取唔係小朋友唔好, 只係學位唔夠多啫...

---
放榜成績更新
共in 左7間, 有5間出左成績, 1間聽講出左, 但我未收到信, 1間1月先出
有2間rejected, 係呀, 係reject letter 連後補都冇
有3個offer, 其中2個係am, 1個pm
暫時最想讀既係俾pm offer 既am 班, 希望轉得到啦~

---

hoho, lei 輪識做小檬哥哥既招牌動作啦~ 不過通常要媽咪係隔離做埋一份, 瑤瑤豬先肯做...

 

星期六搭港鐵入屋企時, 可能冷親呀, 又係咳到冇朋友... 星期日啦啦聲帶小豬去睇醫生, 好彩只係普通感冒, 肺同氣管都冇問題...
LEI輪小豬成日都病呀, 所以都係俾佢著多幾件衫...
個頸巾圈好好用呀, 應該都幾暖, 可以護住D氣管, 希望唔好成日都咳咳啦~
淘返來, HK$10.00 有找...

第一次迪迪尼之旅... 下集

迪迪尼酒店都幾好瞓, 我同瑤瑤豬都瞓得唔錯, 熊熊就慘D, 因為佢唔慣小豬瞓隔離, 仲時不時被小豬既旋風腿伸左幾下... 不過佢好早就要起身啦~ 是日重點係迪欣湖既半馬...

而我同瑤瑤豬都比平時早起, 去迎接爸B衝線 (ops... 太早起身... 個樣真係嚇死人... =.=") 原本諗住返去再補下眠, 不過小豬醒左又點會咁容易可以俾我地補眠呀, 都係食個早餐, 再去玩啦~

 


食自助早餐, 都幾好, 早餐通常都有好多野啱BB食, 粥, 面包, yogurt, wuffle, 河粉, 蛋, 生果... 數數下, 分分鐘小豬食得仲多過我... XD, 而最緊要就係, BB係免費架...

仲有mickey 同佢一齊影相... 開心C...

再入場, 當日天氣好好呀, 仲又曬又熱添 (不過天文台話果日係凍喎...)

入左場之後, 搭左2程小火車... (因為要留低架BB車先可以搭火車, 但當日係星期日, 所以到站後唔可以唔落車, 要落車再排過隊, 先可以搭返去拎車... Lei 個安排真係幾滴汗架, 好彩唔係好多人排隊咋)

 

去左反斗奇兵大本營, 迷離莊園同灰熊山谷度, 行下... D 遊戲好似唔太啱小豬, 所以最後決定行過就算
本來打算去玩winnie the pooh,  不過超多人排隊呀, 所以放棄, 改玩小小世界...  吸取左第一日抱到手軟既教訓, 拎埋揹帶去排隊, 點知...

瑤瑤豬不敵揹帶既催眠效用, 係就來排到既時候, 變成左咁樣喎... 仲要點搞都唔醒... 咁一場排到, 都要上船睇下架... 熊熊跑完半馬又話好攰喎, 閉目養神, 留返我一個係度 "世界都係小小小, 小得真係妙妙妙..."

由於瑤瑤豬瞓左, 熊熊說佢可以自己睇住佢, 俾我去玩迷離莊園... yeah... 想玩左好耐呀...

排左差唔多九個字, 嗯... 我覺得mama 地, 相比係東京同LA既幽靈公館差好多呀... 幽靈公館真係好正架, 如果香港迪迪尼有就好啦~ 玩完之後去同熊熊同小豬會合。見小豬醒醒地, 但又剛剛過左花車巡遊既時間, 於是諗住去睇多次小小世界 (係呀, 估唔到去迪迪尼玩2次既遊戲係小小世界呀...=.=")

 

由於巡遊緊, 所以好少人排隊, 抱住小豬上船果下, 佢仲未醒晒, 不過之後就睇得好開心啦~

玩埋之後, 就走lu... 今次都叫幾成功呀~~~~
再一次證明熊貓係幾好彩架, 因為到屋企出地鐵時, 又落緊大雨lu~