2013年4月30日 星期二

扭瞓覺

瑤瑤豬瞓覺, 一向都叫過得去, 半夜唔多醒, 醒左既話通常都係一俾奶咀就瞓返。不過由準備開始瞓覺到瞓著覺LEI個過程, 就越來越漫長

以前既瑤瑤豬, 由於厭奶, 所以會氹左佢瞓先食奶。慢慢冇再厭奶時, 就會食食下瞓左。再大大下, 識得自己食奶時, 就會食完枝奶都未瞓覺, 於是貓貓會將佢塞落睡袋, 同佢唱下歌仔, 然後小豬就會瞓左覺

不過LEI D美好既時間已一去不復返啦~依家就算塞佢落睡袋, 小豬都可以 連人加睡袋爬起身,跳跳跳 又或者係爬去拍電視。將佢抱返平瞓, 唔俾佢郁就會喊到好似打緊佢咁, 係都要反身爬起。有試過熄燈扮瞓唔理佢, 佢就會一個人坐左係度玩, 又或者係貓貓身上爬來爬去, 又試過開住燈, 由佢自己碌來碌去, 結果碌到成1點先瞓 有好幾次貓貓氹佢瞓, 氹到自己都就來瞓著, 佢都未瞓... 唉, 熊熊稱之為每日最溫馨時刻(不過佢就係隔離房打緊機)


 Lei 日, 瑤瑤豬幾經反抗, 係都唔肯睡覺, 係都要爬起身玩, 結果爬左2步就成個趴左係度瞓著左


琴晚, 繼續反抗, 結果爬起身, 笑笑口咁攬住隻兔仔, 拍左兔仔兩野, 然後就趴左係度唔郁, 再望下又瞓著左...

到底係因為之前佢已經反抗左成個鐘, 所以成功左就可以瞓覺呀, 定係佢鐘意入睡果下要趴係度呀, 定係佢都覺得每日扭玩扭瞓覺係同媽咪最溫馨時刻, 所以不容有失,呀~ anyway, 希望今晚小豬可以早D 瞓啦, 咁先會長高架MA~~~



2013年4月29日 星期一

榮休

媽媽奶終於榮休啦~ 所以一定要寫返篇BLOG紀念下先~

貓貓LEI個奶媽一向都唔算太辛苦, 初時好彩地遇到個好陪月, 係頭果幾日上奶既時候, 教&幫貓貓按摩, 然後又識得煲D湯水俾貓貓通乳線同上奶, 所以貓貓LEI個奶媽, 幸運地冇試過塞奶, 乳線炎等痛楚, 都算當得順順利利, 唯一既痛就係瑤瑤豬頭幾日出力咁啜個未係好有奶既奶媽, 攪到2邊都損左, 但又冇時間俾佢地復完喎, 於是又啜又損又再痛過 (果下真係幾痛下架)所以貓貓好快就開始轉為半泵半埋身, 好彩小豬又肯埋身又肯食奶樽, 令到貓貓可以繼續做奶媽。

剛剛出世既瑤瑤豬一日大概食8餐, 每次係埋身15分鐘再補奶樽, 而貓貓就將其他既泵出來, 留做下一餐。一早一晚果2餐都係全奶樽 (都係全泵奶), 朝早泵係因為陪月話一早既奶水最充足, 泵多D有多D成功感 夜晚就希望小豬可以食飽D, 唔好半夜嘈醒熊貓 (當然, 係LEI方面, 瑤瑤豬絕對係隻乖豬, 除左頭個月半夜係貓貓叫醒佢食奶奶外, 滿左月之後就冇再起身食夜奶LU, 連夜奶都唔駛戒 自動波咁由12點前食完最後一餐奶, 就瞓到朝早6,7點啦, 真係超鍚媽咪)

返左工之後, 就變為一日泵4次, 而埋身就變為朝早起身既親子活動LU, 每朝埋身10分鐘, 再補奶樽。之後一日五餐, 小豬最高峰時, 每餐8安, 即係每日飲1 lit幾奶, 好彩D奶都算跟得上。由於瑤瑤豬自小就有飲下冰奶, 所以都唔算太有追奶既壓力。到瑤瑤豬6個月, 開始食固體食物時, 貓貓就改為泵3次, 過左農曆年後就變為2次, 係瑤瑤豬11個月大既時候就只泵朝早一次, 小豬一歲時就唔再泵奶, 只係朝早埋身20分鐘。過渡左10日後, 終於可以榮休啦~

貓貓覺得自己好叻, 堅持左一年, 超額左成倍時間完成左LEI個任務。然後, 都要多謝熊熊既支持同唔反對 (頭果6個月, 熊熊係支持架, 不過, 每日要泵4次奶真係好唔方便架, 要限時限刻返屋企OR搵地方泵奶真係好麻煩。餵夠左6個月, 點知貓貓話要加碼喎~ 熊熊唯有黑住面咁唔反對啦, 不過, 對外, 佢依然係表示支持既, 所以都係抵錫) 媽媽同99既湯水都好重要, 貓貓自從生左之後就變成湯水怪lu, 每餐通常都係3碗。貓貓覺得餵母乳雖然睇落係媽媽做既事, 但起實都係全屋企一齊做既事, 屋企人既支持或者唔反對, 唔會講埋D唔等駛既野, 又或者偶然一,兩次係其他人面前既讚賞, 都係好重要架。
最重要既都係瑤瑤豬既識貨, 又肯埋身又肯食奶樽仲要肯食冰奶 (冰奶真係好難食...但小豬都好乖咁飲左500包既冰奶, 真係乖豬)出左牙仔之後, 都好少咬媽咪, 等媽咪可以一路親子, 一路安心釣魚 小豬既身體都算係OK (touchwood), 成年中只係病過2次 (再touchwood), 都係俾人傳染架, 雖然唔係小肥豬, 不過媽咪都收貨啦~

雖然交接既過程唔太順利, 小豬唔肯食奶粉, 不過都進步緊, 所以媽媽奶決定榮休啦~雖然有D唔捨得, 雖然其實仲可以餵多幾個朝早, 但費事小豬又記返起美味既媽媽奶, 再擺食奶粉啦~

冇左媽媽奶既保護, 小豬你要繼續健健康康, 食多D野呀~





2013年4月26日 星期五

第一次生日飯...

瑤瑤豬既第一個生日, 媽咪冇搞到任何生日會呀, 因為熊貓都覺得小豬咁細個, 其實唔知發生咩野事, 搞生日會又會打亂小豬既作息時間, 而最重要既係... 懶
所以小豬既第一個生日, 就係屋企附近食左餐飯。

揀左紫粵軒, 其實都冇特別原因, 只係想食好D。酒店入面既中菜廳, SERVICE真係唔錯, 小豬又有自己既餐具, 又有一張坐得舒服又fit size既BB櫈, 所以成晚小豬都好合作, 自己坐係度, 望住我地食佢既生日飯~

食左D咩野? 嗯... 瑤瑤豬出世後, 貓貓已經冇再影食物相LU, 有時間都食多2啖啦~ 記得有個醬烤骨相當唔錯, 仲試左龍蝦湯泡飯, 都幾得意 啦~ 不過小豬就好開心啦~ 因為係生日, 所以好多餸都可以試左1-2啖, 仲有得食雞脾添 (本來只係諗住做下樣, 點知小豬真係咬左落去, 食得到之餘, 仲咬左好多啖呀~) 見係生日, 就由得你啦~~~

生日蛋糕都係酒店訂架, 因為自帶蛋糕要HK$200.00既切餅費呀, 但係酒店訂都係HK$200.00一個, 咁當然係酒店訂埋啦, 唔記得叫咩野名啦, 係一個雜莓MOUSSE蛋糕~ 估唔到個蛋糕真係好好食呀~~~小豬都好欣賞咁食左好多,貓貓就更欣賞咁食左更加多~ 真係相當唔錯~



至於生日禮物, 當然係一歲針啦~ 仲要係生日當日打針, 不過貓貓已經好好咁幫小豬減左枝MMR針, 改為遲D打四痘針。
四大長老加太婆既利是, 同埋爸B媽咪既三輪單車仔... 我諗小豬都係鐘意掛(小豬超鐘意利是... 封, 一見到就會即刻拎住不放手~ 叻女..., 只係要利是封好啦, 入面既$$記得俾晒媽咪啦~)
三輪單車仔要五月尾先到貨呀, 快D就好啦~~~~


2013年4月17日 星期三

12個月~~

小豬一歲啦~~~~



生日快樂呀~~~~
媽咪爸B希望你每日都健健康康, 開開心心~

2013年4月12日 星期五

影相

瑤瑤豬細細個開始就不斷幫佢影相, 不過貓貓貪方便, 用iphone 影。
以前都仲可以既,每日都總有1,2 張幾OK既相, 依家唔得啦~ 小豬活潑既時候, 完全影唔到, 影到既時候, 只有側面樣, 背脊樣, 瞓覺樣同埋呆樣
唔通真係要出動大機影? 但係大機影完既相, 要入返電話, 又有D煩喎, 而拎住部大機週圍走真係...


難得影到張笑得好開心, 又唔算太濛, 只係暗左DD...收貨啦~
BTW, LEI張相小豬真笑得好可愛呀~~~