紅酒健跑嘉年華

唔記得幾耐前, 熊熊話要報名玩紅酒健跑日喎, 咁我見有3K揀, 就一齊去玩下啦
來到星期日, 個天陰陰, 但又冇落雨, 所以照常出發... (9點出發, 早過返工呀...)

lei 個活動好似係第一年搞, 嗯... 同果D大型跑步活動係有D差別既, 號碼紙係到場先拎既, 又冇計時既chips, 3K當然冇水站, 不過以上一切對熊熊來講都冇問題, 佢既重點係紅酒 :P , 而我都有D天真咁以為, 會好似法國既紅酒馬拉松咁, 中途會有紅酒水站, 睇來係諗多左啦~

出發前紥返對包仔先, 希望睇落sporty D (係呀, 臨出門之前先發覺小豬係完全冇運動服架 XD)

契爺幫手影全家幅... 熊熊張號碼布是手寫架...

平時覺得小豬都唔算細粒, 不過企係爸B隔離, 即刻變左細粒豬 XD

(拎住手寫號碼布既熊熊唔開心, 死心不息咁去返大會度講數, 又俾佢拎返張正常號碼布喎)

開跑前既自拍全家幅

影多張先...

開始跑啦... 推車LEI個任務當然係熊熊負責啦~

沿路大家都為小豬打氣 (其實小豬坐係BB車上一D都唔辛苦), 至於熊熊, 由於用緊佢既龜速前進所以都唔算太辛苦...有時仲有人要求搭順風車添... XD

所以最辛苦果個其實係我... 雖然只係3K, 但我太疏於練習, 又要跑快D去幫2父女影相, 又要時不時應小豬既要求, 同佢手拖手咁跑... 

係折返處影多張相... 我就要努力跑跑跑, 冇氣再影lu... XD

小豬都唔係全程坐車車架, 係最後100米處, 都係落地跑返去沖線架 (不過我要推住架車, 終點又好多人, 所以冇影相... (後悔中)... anyway, 就咁樣, 小豬完成左佢第一個跑步活動啦~ 成績好似係205 /6XX人掛

跑完步, 就來到今日既重點, 紅酒嘉年華啦~ (不過由於行rain proposal, 搬左去室內, 地方好細下) 

我地行左圈就移師去左室外, 食下野飲下酒lu...

小豬都不甘示弱, 親手泡製左創新mocktail, 清水浸BB蝦條俾自己享用...

小豬話好好味喎... =.="

3點幾又開始落雨, 所以撇... 返到屋企後, 一家三口齊齊搵周公lu... 

後補, 官方照片3張...

最後果張既樣幾得戚... 好搞笑...XD

又面試... take 11

終於寫到take 11  & 12 啦, 估唔到最後真係in 晒12間喎...
其實最後2個面試都係2個星期前既事lu, 終於的起心肝寫埋佢啦~

3月14 日in 學之園
lei 間係心水之一, 因為係樓屋樓下, 超近... 雖然未in 之前都係諗住當玩下, 因為有係九龍塘既offer, 應該唔會揀lei間 (熊熊直頭冇出現), 不過超快咁去到間學校真係好方便呀, 即刻有D心動... 不過收先算啦~

in 1:50, 我1點半左右返到屋企, 99仲幫小豬著緊衫 (有隻小豬啱啱poo poo 著)。等小豬著埋衫, 再紥埋辮就出發。一出門, 小豬就勁喊喎... =.=" (應該係小豬以為去會所玩, 佢依家出門去玩好麻煩, 又要拎波波, 又要拎玩具狗, 又要揹袋袋, 又要帶帽帽... 今次咩野都冇, 所以勁喊... )而我仲諗住咁近, 連平時一定會放係度氹小豬既餅餅都冇帶, 今次真係滴晒汗... 於是去到大堂, 搵左個位坐低, 出動最後法寶... 電話... 幫小豬抹左眼淚再出發 (真係出師不利呀... >.<)

雖然左搞右搞之後先去到學校, 但都早左10分鐘喎 (所以我被LEI個超近既勁大優點深深吸引)
入到學校, 有好幾架車仔俾小朋友玩, 小豬當然老實唔客氣就衝上前玩啦, 做為家長都冇咩野做, 只係企係度叫佢玩完一架, 送返車車返屋企再去玩另一架...
就係LEI個時候, 99係學校門口出現喎 (明明同左佢講話我搞得定, 唔駛佢幫手, 佢自己都明明話要煮飯架...) 小豬一見到嫲嫲就開始喊 (我就係內心不斷地爆粗...), 想行出學校搵嫲嫲, 我當然要捉返佢返去啦... 然後99就離遠(中間隔住N個老師)問我佢係咪要返屋企...而小豬見嫲嫲要走仲喊多幾下, 當時我真係想一邊爆粗一邊搵窿瓹... O... 果下真係頭都大埋... 係咁E答左99之後, 就即刻抱起小豬去入面見唔到門口既地方, 好彩學校開放左好多地方俾小朋友周圍行下, 小豬見唔到嫲嫲但見有好多野玩, 即刻唔喊lu...

等左陣, 終於叫名啦...  第一個課室係group in, 一組6個人, 由個net帶住個interview。輪流講返自己個名, 再同老師玩"give me ten" 小豬都做到 (隔離個小朋友, 英文名超長, 起碼4個音, 老師講左2次, 媽媽講多1次, 小朋友都冇講到, 而我聽完3次後, 依然唔記得佢叫咩野名:P)
講完名, 老師叫小朋友自己揀一個顏色既圈圈(小豬揀左黃色), 聽音樂扮開車。有音樂時要起身跳舞, 音樂停就要坐低 (我係後面提左次水之後, 小豬之後都基本識得咁做)
音樂停左之後, 老師就叫顏色, 拎住果個顏色既圈既小朋友就要行出去企係果個色既地方。lei part 場面混亂, 基本就要出去果D就C都唔肯出, 唔駛出去果D(即係小豬)就勁想衝出去.. 幾round
之後終於叫到黃色, 佢第一時間衝出去, 不過企錯色, 老師提左水之後就企啱左... 下一round既時候叫紅色, 小豬又衝左出去,將個圈放係紅色果度 (最搞笑既係, 另一個拎住黃色圈既小朋友又衝埋出來, 見小豬放係紅色度, 又放埋一份, 大家一齊笑左)

玩完一輪後, 轉課室, individual in. 小豬一見到自己張相, 就指住叫瑤瑤, 所以(我諗)冇再問名
老師拎左個公仔出來, 例牌地握手同埋問五官, 小豬都答到
之後拎左牙刷, 毛巾, 杯, 碗, 蠟筆出來, 首先問牙係邊 (指到), 牙刷係邊(拎到), 邊樣用牙刷刷牙( 唔識, 因為隻牙刷係新架, 未開, 我估小豬係因為咁而唔識掛),
然後, 叫小豬拎毛巾幫公仔抺面 (識), 叫佢拎個杯餵公仔飲水(識), 見杯係咩野色 (小豬答pink, 啱), 問個碗係咩野色 (小豬答yellow, 錯, 應該係橙色, 老師話唔啱再問過, 不過小豬依然話係yellow, 最後老師提水話係橙色, 小豬先跟住講)
之後, 老師拎左2本書出來, 問小豬想睇邊本, 小豬指左本動物既書, 老師就叫我同小豬一齊睇。見到D貓狗, 小豬就扮佢地叫, 講得到fish 同 monkey, 見到熊貓叫貓貓 (其他唔記得lu)
睇完書, 就完成lu, 老師叫小朋友自己推返好張"登", 小豬都有做, 再同老師講bye bye 同飛吻, 等埋其他小朋友一齊去part 3 課室

part 3 係小朋友自己玩玩具, 家長填form (問對個interview既安排有咩野議建, 同埋何為家校合作... 亂咁寫左幾行... ) 填完form 就輪流將form交俾校長, 順便見下校長... 小豬見到自己張相又係指住叫瑤瑤, 校長就問媽媽lei? 小豬就望住我叫媽咪, 校長話指俾佢睇, 小豬唔肯指, 不過就指住校長叫嫲嫲... =.=" 雖然我估校長都應該過5字掛, 不過...

完成interview後, 去返入口處, 小豬想玩車, 有個老師行埋來同小豬講, 依家可以去搵嫲嫲啦... (ops...)

其實小豬lei 個interview 都算唔錯架啦, 只係不斷係嫲嫲既陰影籠罩住者...
4月11日先會通知第一批錄取者, 5月XX日就會通知第二批錄取者及waiting ... 即係如果4月11日收到唔通知就唔駛諗lu...

扭計豬

Lei 輪有隻扭計豬經常係我屋企出沒... 真係想打獲佢... 哼...

LEI輪, 小豬出門前都會要求餅餅, 通常都會俾塊梳打餅佢拎住, 有時佢會食, 有時只係拎住

果日出門前, 見到前果日開既蘋果乾, 就諗住拎埋俾小豬食左先... 咁就出左門口先啦... 點知小豬已經係度喊, 仲要狂喊喎... =.=" (只係出門前俾餅同出門後先俾蘋果乾既分別者... 駛唔駛喊成咁呀...) 等電梯時, 將蘋果乾放入佢個口都唔要喎... well ... 咁就算啦... 由得lei 隻扭計豬喊啦, 我係一邊拍片... :P

於是者, lei 隻小豬就由自己屋企,一路喊到嫲嫲屋企既大堂... 為免小豬係電梯度繼續喊, 嚇親人, 我又拎返包蘋果乾出來, 利誘下佢...

Lei隻扭計豬見有野食, 即刻唔喊, 拎左包蘋果乾係咁食... =.="

一早俾你食又唔肯, 依家咪食得幾開心, 但對眼已經喊到腫晒LOR... 本來果朝幫小豬紥左個包包頭, 好可愛架ma, 點知只係影到D喊包樣...

於是, 我係小豬嘆緊蘋果乾既時候, 不斷哦下佢, 問下佢係咪喊完先食特別好味D... 當然... 小豬係佢由佢食, 你由你哦啦~~~ =.="

來緊就係Terrible Two 啦, 希望小豬俾下面, 唔好太terrible 啦~

陳年舊相

其實都唔算陳年既, 係過年前後既相, 不過依家再寫返過年BLOG又好似有D遠喎 XD

年三十晚, 即係熊貓係沙巴返來既第二日。帶左小豬去維園行花市... 熱到LEI... 熊熊不斷咁話我地將沙巴帶左返香港 XD

小豬對花市麻麻 (因為好多人, 全程要揹住, 所以唔鐘意), 反而去到草地就好開心, 四圍跑. 又撩人玩, 見到人地玩緊波波槍, 就衝過去玩埋一份, 最後人地唔好意思, 成枝槍借俾小豬玩, 但小豬又唔要喎, 真係失禮晒 =.="

年三十晚, 食完團年飯, 爺爺照舊帶左小豬出去行下玩下... 小豬好鐘意坐lei 架車,而且好慳家地唔駛入錢, 齋坐, 架車郁既話, 小豬就會喊住走架啦~ 果輪影相要伸出手指yeah~

年初一, 去左山頂行大運, 然後又入左赤柱... 勁熱... 好彩條中式裙子唔厚 (買既時候仲擔心太薄添), 熊熊買既中式褸就著唔到lu...

本來紥左孖辮仔架, 不過一陣就俾小豬拆晒 =.="

 

初二去左太婆婆度拜年... 8個小朋友跑來跑去好開心...
我好鐘意條裙, 夠浮誇, 但小豬都carry 得唔錯... 只係對鞋仔唔多襯, 不過我係唔會因為條裙而買過對鞋架 :P

初三返大陸探太嫲嫲, 今年廠既桃花開得好靚, 99 好開心~ 

初四去左探契公公, 又去左上年果間東北菜度食lunch... 今年小豬都可以食埋一份, 好開心...

拎埋張 car seat 返大陸, 所以返香港後LEI個小朋友搭的士都可以有car seat 坐, 幾勁 XD

之後做左幾日FTM, 其實都幾開心... 有一日帶左小豬去婆婆樓下既公園玩...

唔知點解, 小豬已經唔鐘意玩尿片swing 啦, 要玩sir 滑梯, 爬上爬落好開心

又有一日同小豬係屋企玩水彩, 點左顏色後, 係紙度篤篤篤... 不過好明顯, 小豬鐘意玩完水彩之後既抹枱工作...

又試過帶小豬去返平時玩開既會所玩, 見到D朋友仔好開心, 不過, 玩完之後就扭抱呀...

FTM既生活其實幾開心, 只係比返工更少自己既時間 (有一日我好好咁接熊熊放工, 但佢就話我係因為FTM太無聊先會接佢喎.... 哼... 無下次... ) 不過FTM之後, 小豬就有一段時間變成嚴重痴媽B, 99話難湊左 :P

搵相既時候, 見到D熊貓相, 應該係今年12月或1月時(即係20個月左右), 某日幾凍既日子, 係婆婆樓下BBQ時影架...

即刻搵返上年12月影既熊貓相... 當時唔到8個月呀...只可以話時間真係過得快啦~

件熊貓衫著埋今年就退役lu...

剪頭髮

小豬一向係多髮既B, 留冬菇頭好可愛 (戀囡既媽媽 XD), 不過個陰就不時都要修下
之前去過幾次髮型屋, 又覺得唔係剪得特別好, 所以都係自己來啦

過年時已經見小豬陰長到去眼lu..

於是自己出手, 修一修 

當日, 小豬心情普通, 剪左咁多次頭髮, 第一次扭計唔俾我剪 (唔通係對媽咪冇信心??? =.=")

結果除左出動星星餅同電視外, 仲要公公婆婆輪流抱住, 先肯俾我剪小小..

嗱... 真係小小咋... 

其實我都唔敢剪太多, 驚一個太重手, 去面試時就醜樣豬lu...

於是者, 因為剪得個小小, 一個月之後, 個陰又長啦

已經將長果d陰紥起，仲係好長

今次小豬似乎心情好d,因為媽咪準備充足

飲住smoothie，d頭髮就可以任剪啦

你由你剪，我由我玩

完成...

今次可以剪多小小，咁去到復活節返上海就啱啱好，yeah~

媽咪覺得剪得幾好呀 (當然，d陰啱啱到眼眉係可愛d既 XD)

23個月...

哇, 話咁快就23個月啦~ 時間真係過得好快... (由其係22個月時偷懶冇寫成長紀錄...)

23個月27.5磅, 86CM高, 著緊L碼輕鬆穿同XL既片片

食野方面同之一樣, 2奶3餐, 99服侍得好好, 所以平日基本上係唔停口架, 星期六日去公公婆婆度, 又係無窮無盡既野食, 小朋友就有LEI樣唔好, 就係食極都唔肥 (如果俾我就好啦...) 見到大人食野依然係9秒9咁衝過來搶食, 不過如果話佢知果樣野辣辣, 佢就會唔食...
去旅行果幾日開始自己主動筆野食, 之後就基本上不俾我地餵飯, 要自己食。結果當然係天一半地一半啦~ 不過我都好少出手, 係食完之後麻煩D, 不過食既時候我就可以安樂DD啦~
另外, 鐘意用一般水杯飲水, 不過, 就口飲一啖, 個身就飲埋其餘果D, 所以LEI樣野我真係會望實D, 通常係個水杯度倒少少水俾佢...

Potty training, 零進展, 唔知幾時先會開始 ( 不過我都唔敢想像之後去街要週圍搵洗手間既日子...)

瞓覺方面, 依然好瞓得, 但依然好爛玩, 琴晚叫小豬睡覺, 由iron man 開始播至播完都仲未瞓, 真係想打暈佢算啦... =.=" 日頭nap 既時間都算正常, 有2-3個鐘, 夜晚一般11點左右瞓 (琴晚係唔正常既日子)都依然係好夜, 希望過多幾個月可以早D啦, 如果唔係都唔知佢點返學...

講野方面, LEI 2個月有幾明顯既進步, 除左叫人之外, 自己既中文名(瑤瑤), 英文名 (Iris) 同歲數都會講; 英文字母就差M同N, 其他可以隨意抽讀; 數字中英都可以一時時地由1數到10; 可以講到五官; 顏色就紅黃藍綠同粉紅; disney識得mickey, minnie, donald, daisy 同汪汪(pulto); 動物有monkey, lion, elephant, fish, 貓貓(熊貓), 汪汪, 其他BB話既有, 米米(粟米), 子子(提子), 飯飯, 菜菜, 肉肉, 包包, 餅餅等... 仲識得唱歌啦, 可以基本完整咁唱晒一首ABC songs (除左最後果句, 自從佢識唱之後, 就日唱夜唱, 一日起碼唱30-40次 =.=") 其他既歌就只係唱俾我聽, 因為其他人聽唔明, 佢只係唱頭果句之後就要我接落去, 例如twinkle twinkle little star, make a circle, Happy birthday 等等... 都可以唱到啱音唔啱詞既第一句...

動作方面, 繼續向馬騮方向發展, 最鐘意就係爬到好高既地方, 然後跳舞=.=" 嚇到我6299 CC下...
前輪小豬臨瞓前唔聽話, 係都要落床玩, 我就拎走左俾佢爬上床既小椅子, 小豬玩左陣發現爬唔返上床就企係床邊喊住罰企, 然後前2日, 佢又係咁樣, 我又想罰佢, 點知小豬已經可以一邊喊一邊爬上床lu (又要諗過第2個方法添:P)

面試方面, 終於完成左12個面試啦 (要為自己拍拍手), 雖然聽落好怪獸, 但我覺得帶住小豬去唔同既地方玩, 佢都係玩得開心架。 暫時仲有2間未出錄取結果, 10間中有6個offer, 我地留左3個位。等果2間出埋成績, N班大作戰就正式告一段落啦, 然後小豬就要返學啦 (其實, 媽咪有D唔捨得 XD)

下個月就係2歲啦, 媽咪希望你繼續開開心心, 健健康康 (唔好成日病啦), 做隻愉快小黑豬XD

依然係媽媽至愛既瞓覺樣

過緊年既時候, 試下紥孖辮. 後面既頭髮太短掉晒出來

早輪去太公公屋企玩, 有間大屋俾小朋友通屋跑, 超開心 (頭髮長左好多啦)

影相時會主動伸2隻手指出來, 加埋就係"V"啦~

唔... 唔知小豬做緊咩野

又剪頭髮啦... 不獲好評... >.<

其實媽咪覺得都OK呀 XD

又面試... take 9 & 10

漫長既PN面試, 接近尾聲, 今個星期六就係最後一個啦~
為左記錄完整, 所以都係繼續寫埋LEI 2間

2月19日in德寶

德寶係將軍澳區都算唔錯,有2間, 我地in 婆婆樓下果間 (好明顯我係分唔到邊間打邊間架... :P) 校舍都幾大,成幢有3層, 婆婆果邊有好多小朋友係去德寶架, 所以婆婆好鐘意LEI間, 幻想第時可以接瑤瑤豬放學...XD
可能我好遲先交表, 所以10月果輪interview冇小豬份

面試當日, 係小豬病病之前果日, 不過見佢又冇野, 所以就照去面試。去到學校, 撞啱下晝班送返學, 可能過左年後開學冇耐, 都幾多小朋友係度勁喊, 然後見到D老師就好快手咁將喊到2行鼻涕既小朋友一個一個咁接入班房, 都幾搞笑... 我估小豬當時唔係好知發生咩野事掛, 所以佢冇咩野反應
原來我地係in 後補出來果D位, 所以一個time slot只係in 一個小朋友。負責interview 既係Mr. Kenji, 係一個好nice, 但只講英文既阿Sir... (Ops,  第一次全英文, 仲要係男人... 小豬對住男人通常都係得個呆樣, 比較鐘意年輕的姐姐... ) 面試內容
1. 同公仔握手, 再指五官 (指到, 但唔肯講... 係屋企, 小豬一日起碼要講10次)
2. 之後, 係生果, 香蕉, 蘋果同提子, 要求講banana , apple 同grape (當然唔肯講, 係屋企都只係識講apple, 另外2款只識講蕉蕉同子子), 然後, 將XX俾媽媽, YY俾老師之類, 又撞到手神, 俾啱晒喎
3. 油顏色,. 俾左個波既空白圖片 同埋3枝唔同色既蠟筆, 要求講顏色 (係屋企識, 出到去唔講)要求用某隻色油個波既其中一格(拎啱老師要求既顏色, 不過當然係亂咁油啦~)再要求, 將唔同既顏色俾返老師, 識...
4. 形狀, 長方型, 圖型, 三角型 (完全唔識)

之後就同家長(即係我)吹左幾句, 說小豬好怕醜, 仲問我係屋企要同佢講下英文, 等小豬唔好驚英文 , 我唯由好面懞咁同老師講, 其實小豬係屋企都成日睇英文電視架, 識講既單詞大部份都係英文, 不過出到來佢又唔肯講喎=.=" 不過, 老師都好好人既安慰我, 話小豬既英文聽力非常之好 (其實成個interview,我都係隔離不斷用中文提水...)

3月3日收到結果, 有國際部既上午班既offer, 不過我地冇留位呀...


2月21日in St. Cat

lei個interview, 我真係要承認自己好怪獸, 到依家都仲有D內疚

當日小豬仲燒緊, 所以餵完藥先出門, 搞到好趕先去到。去到要量體溫先可以入去, 食完退燒藥既小豬, 當然冇問題啦 (量到只有36.2度咋, 證明果D度額頭既槍真係好唔準)
入到去, 先玩左陣玩具, 一張枱6個小朋友 (可能個個家長都知, 面試係果陣已經開始, 所以個個都好俾心機咁同個小朋友玩玩具), 然後就叫名入房lu...

入到房係group interview, 小朋友坐前面, 家長坐後面, 要一邊睇左個B, 一邊填問卷
一個老師講故事, 另一個老師觀察
講故事既老師會叫小朋友輪流講自己既名( 小豬講到), 吹風車(小豬都識吹), 輪住出去拎一樣指定既玩具, 放入指定顏色兜 (小豬拎到隻鴨仔, 第一次放錯兜, 老師講多次個顏色, 就放啱左), 之後叫小朋友起身跟老師一齊行一個圈, 扮游水 (小豬係果組2個肯起身行既小朋友之一, 不過行行下行得快過老師, 但就唔識扮游水),  游完水老師要小朋友講指定既食物名 (小豬果個係餅, 所以佢講到), 最後, 老師送左包餅俾每個小朋友, 小豬拎左之後都有講謝謝
小豬一出課室就話要抱, 當然唔抱得啦, 唯有分散佢注意, 行多陣又想抱... 唯有話爸B俾出面, 行到出去又想抱, 唯左met走貼紙然後抱啦~

對於小豬既表現, 其實我好满意, 不過小豬係gp interview既成績一向都唔好, 所以lei 間連2nd in既機會都冇 (因為gp interview 好多時要大家輪住來做某D task, 小豬冇野做既時候就周圍搞, 好似LEI個interview 咁, 小豬冇野做, 就不斷轉過頭來叫媽咪, 我估係咁樣衰左掛)

今個星期仲有最後2個interview, 而其中一個仲要係正99樓下既學之園, 希望順利完成啦~

面試果2日完全冇影相, 所以放D近照上來先~

LEI排開始俾小豬飲維他奶, 大愛...

某個熱到冇朋友既星期六, 要紥夠4條辮先好D, 不過一陣就俾小豬拆晒lu...

望到定一定, 因為爺爺拎住部電話引佢MA... 都好, 難得影到小豬對眼咁大 XD

懶洋洋遊沙巴... 終結篇

快樂既時間話咁快就過左lu...  (好彩影左好多相, 可以係返工既時候回味一番 :P)
咁就最後一日lu, 為左慳返D時間, 熊貓換好晒泳衣去食早餐 (因為個泳池係正餐廳隔離)

熊熊依然食all day breakfast, 我就試左椰子包。椰子包都好味, 不過相對於之前果日既鱈魚薯餅就好似冇咁抵食 XD

小豬見到個泳池就好想衝落去啦, 所以食左幾啖包包就扭地 (再講多次, 成個trip, 小豬最唔乖就係食野, 可能周圍既野都好新鮮, 好好奇, 所以唔得閒食野掛)

食完早餐, 熊熊去玩左陣獨木舟, 我就同小豬係泳池度玩多陣。熊熊玩完獨木舟後, 我地就去左碼頭餵魚魚。本來我想玩多次浮潛架, 不過工作人員說當時D海水唔係太好,要我小心... 所以我都係放棄左, 同小豬一齊係岸邊餵魚魚... 餵完魚魚就返房執野走lu...

坐船返去... 本來想叫熊熊抱住小豬坐船架, 不過睇下佢個掙扎樣, 都係媽咪抱啦~  雖然著住救生衣依然一臉不爽, 不過起碼冇喊呀... XD

回程坐左隻大小小既船, 真係穩好多呀...

返到岸上後, 有特優既車送熊貓去機場 (真係要讚多次特優既接送, 真係好好, 除左來回機場同轉酒店時都會接送之外, 途中如果想去邊樹玩既話, 又可以同司機講) 我地就去左富源做最後衝次

熊熊同小豬都好欣賞富源既炒米粉喎 (=.="), 但麻麻地佢地出名既咖吷多士, 好彩有我欣賞 :P

試埋拉茶和桔仔冰, 真係大满足呀~~~ 係附近既榴槤王手信店買埋手信就去機場lu...

去到機場後, 有隻豬開始坐係BB車上扭計喎, 咁熊熊就不以為然地俾左佢部電話俾小豬喎... 小豬玩左2野就後就"啪"一聲丟左落地, 執返起, 見到個mon已經四分五裂Lu (可惜當然冇影相, 因為熊熊塊面黑到lei... :P )而小豬又再扭多幾下... 再然後就瞓著左...  哈哈點會諗住, 成個tirp 都唔駛瞓晏覺既小豬, 可能知道冇野玩, 所以頭先係度扭眼瞓呀...

如果搭飛機既時候, 小豬可以瞓多陣就好啦~ 可惜起飛後半個鐘左右, 小豬就瞓醒lu... 所以又要開始一場惡戰lu... XD

一連五日既沙巴遊係好hea 既情況下開心渡過啦~ 小豬除了食飯同搭飛機時有D令人頭痛, 大部份時間都算幾乖, 下次係復活節既上海探親trip啦, 到時小豬就有自己個位lu... 

最後, 係媽媽覺得成個trip 影得最可愛既相 (雖然唔知小豬點解要跪係度, 同埋對手唔知點解要咁擺 :P)