怪獸熊貓

自問一向唔怪獸, 由讀中學到大學揀科, 到搵工都係隨遇而安 (即係完全冇上進心)
就算生左瑤瑤豬, 都同自己講, 唔好緊張, 唔好怪獸... relax~~~
可惜去到報名季節,依然... 隨波逐流之後, 原來都會變成怪獸家長架...

琴日走去迦南排隊交FORM...
well, 諗住LEI間只係收FORM, 唔會先交高D分, 應該冇事掛, 點知...
9:30開始收FORM, 我10:00去到 (係遲左小小..._) 條隊尾已經唔知去左邊... 再加上白痴貓零準備 (即係冇傘, 冇水, 冇太陽鏡)係太陽下乾煎1個鐘。校門在望既時候, 就截左龍, 派籌, 要下晝一點半再來過... 真係有冇咁誇張呀, 只係交form 俾錢就走得架, 點解排咁耐都交唔到呀..... 好彩 (定唔好彩), 貓貓張籌好早 (即係啱啱上晝交唔到, 俾人截左龍), 再去就排多2-3個字就交到啦~

龍年真係唔講得笑, 瑤瑤豬又只係得個樣 (個樣睇落都叫大個DD), 冇餡既 (即係又唔識講野, 又唔多聽指令, 又自由奔放....), 貓貓又覺得一出世去報名又有D誇張 (果時覺得誇張, 依家就悔不當初... ), 又懶勁咁走去報晒D九龍塘既PN (因為只想報TKO 同九龍塘既PN, 貪接送方便。可惜TKO報得好少, 原本諗住報果2間, 又因為要通宵排隊而嚇親冇報到...) 加加埋埋... 依家只求有人收小豬讀PN就算啦~~~~

怪獸熊驚死個囡冇書讀, D PN班係唔係都話報... 結果左報右報, 報左10間啦, 預計到15間就會收手 (到時怪獸貓會罷填FORM)。 諗起瑤瑤豬要去咁多個面試, 就覺得佢好慘, 所以同自己講, 唔會走去谷小豬做任何野, 當係帶佢去唔同既地方玩就算啦~

暫時, 知道有2個interview,死左既有1間...

刷牙lu~

早在瑤瑤豬13-14個月既時候, 我就買左牙刷, 諗住開始幫小豬刷牙
小豬對於LEI個新玩意好有興趣, 因為D蜜瓜味啫喱牙膏好味道, 又有得用杯子飲水(係呀, 小豬唔識吐返D水出來, 所以係連埋D牙膏一齊吞落肚架~)
不過, 其實都幾幫佢刷, 下面果D仲OK, 上面果幾隻次次都好勉強先可以刷2下, 所以通常刷完牙都係要用紗布再抹多下, 由於幾麻煩, 所以, 貓貓又變左隻懶貓... :P

自從上個月小豬一下爆左5個牙出來, 就知道唔懶得呀, 所以刷牙活動又下開始啦~~ 今次幫小豬刷完之後, 仲會順手俾枝牙刷佢玩下, 希望佢可以早日自己刷牙啦~

自己拎住牙刷刷刷刷 (其實係食食食就真) ...

中秋節快樂~

中秋節快樂!
要為自己寫返個BLOG, 因為係第一次整冰皮月餅呀~~~

事原係會所見到有教整冰皮月餅喎, 隻熊就話不如一齊上堂, 然後今年送自製既冰皮月餅俾四大長老啦~ 貓貓當然OK啦...
去到上個星期日上堂時, 隻熊係全程抱過隻瑤瑤豬, 一D都冇動手架...而貓貓就整左4隻, 覺得超容易, 所以即刻去左二德惠買材料

二德惠真係好pro, 一包包pack 好晒D材料, 冰皮月餅既package 係有A到K架 (應該係個餡唔同), 不過貓貓去既時候, 得返A,B 同K啦, 求其揀左K, 買多包芒果餡, 就OK啦~

返到屋企一睇... ops... 同會所教既冰皮唔同既... 會所用既係免蒸皮, 只要加凍水, 搓2搓就OK
二德惠果D又要加熱水, 又要蒸, 又要再搓, 好似麻煩 好多呀... 不過都冇計啦~又買左材料, 又冇後備月餅可以送俾4大長老, 唯有頂硬上啦~好彩都只係蒸皮果下有DD煩, 其它都OK, 個幾鐘之後, 熊貓牌冰皮就完成啦~ 雪多12個鐘就食得...

味道方面, 都OK啦~ 初時好驚會好甜, 因為蒸皮既時候又落左好多糖,個餡又超甜。不過雪完之後又唔係好覺甜喎 (所以真係唔好食咁多月餅呀, 真係超多超多糖啦, 只係食落唔覺咋...) 反而會所教整既冰皮就好麻麻, 個皮好lum, 冇口感 (免蒸真係差好遠呀...)

所以LEI個初嚐試真算成功啦~~ 隻熊說下年不如挑戰下奶黃月餅呀... 嗯... 隻熊只會點貓做野Lor...

anyway, 中秋節快樂呀, 好期待今晚將D螢光棒掛晒落瑤瑤豬身上, 然後一齊食月餅同賞月呀~ XD

入伙第一篇... 17個月

新BLOG入伙... 唔識用... 同埋點解冇emotion icon 既...
唯有用住先... :(

話咁快瑤瑤豬已經17個月啦~ 係呀, 由於懶, 又覺得16個月冇咩野特別發生, 又忙, 又多籍口, 諗埋D C橋, 諗住GROUP埋一齊寫, 結果, 造就左LEI個入伙第一篇啦~

17個月大既瑤瑤豬, 今朝一早俾我拎左去稱豬, 第一下稱有25.5磅, 開心得我呀... 不過諗下又唔啱喎, 小豬病左成個星期, 冇理由可以重左咁多架, 於是再稱... 原來個磅冇歸零呀... 再稱多2次, 都係23.8磅... 應該冇錯啦, 都叫OK啦, 剛剛先病好, 體重依然有DD增長, 收貨~
身高, 好難度, 大概79-80 左右啦~ ops... 唔知點解, 小豬好似高得好慢咁, 原本係90B架, 跌下跌下差唔多變左25B添, 下個月去健康院要問下姑娘...
牙仔方面, 瑤瑤豬係最後10日發力, 一下出左5隻, 上面果4隻摸得到, 但未見到, 下面果隻就見到啦~ 琴晚小豬食粟米, 食得好乾淨呀...XD

食野方面, 同之前差唔多, 早晚2枝5安奶, 11:30同19:30 就會食主食, 粥粉面啦, 99好有心機, 朝早食粥, 夜晚就會粉, 總之日日唔同, 到星期六日自己湊既時候, 就一煲粥食2餐, 好彩小豬都食得開心。奶粉方面, 轉左3號啦~ 本來見小豬食2號食幾好就冇諗住轉, 不過朋友極力說3號既營養會比較適合D. 所以就轉左3號。不過美素佳兒既3號真係唔多好, 一沖就勁大陣Vanilla 味, 每次熊熊行埋來都要講句 "都話食2號架啦~" 終於未食晒一罐就轉左牛欄3號, 轉左過程順利, 冇因為食左幾日勁香既美素而唔肯食牛欄, 不過LEI幾日D poo poo 好似冇以前咁順, 唔知有冇關LEI...

Potty traning... 冇進展, 基本上應該叫冇開始過... =.=" Poo Poo 就1-2日一次, 好臭... VV大包左好多, 依家用緊既平片片XL碼, 有時都係漏啦... 係時候轉返H OR P牌啦~  (隻平片片其實都幾好, 瑤瑤豬由細用到依家, pat pat 都冇出過事, 只係細個D poo poo 間唔中會漏, 不過都好間唔中, 而最大既好處, 當然係平, S碼片唔駛HK$1.00條, XL片就HK$1.60條。可惜最大得XL碼咋)

動作方面, 終於聽到下指令啦~ 可以及時同人揮手hello, 同埋bye bye, 心情靚時就會飛吻 (之前都做到, 不過要慢10秒先做, 做既時候人地都走左啦~) 識得係地下執D垃圾, 然後放入佢覺得係垃圾筒既地方。識得拎野俾唔同既人, 不過最本事都係見到有人食野, 就9秒9咁沖到佢面前 (雖然, 熊貓都好為食, 不過, 瑤瑤豬既為食樣真係青出於藍呀...) 心情好既時候, 終於識得指眼耳口鼻手腳同pat pat, 不過大部份時間都係費事睬你...

講野方面, 進步得好慢, 雖然我99堅稱, 小豬平時成日爸爸媽媽咁叫, 不過, 我地聽得最多既依然後BB話, 好彩都開始有D加小小想像可以聽得明既音, 例如 apple, 婆婆... 咁, 不過整體來講都係慢... 係PG, MISS叫小豬講謝謝, 一開始咁幾次小豬冇反應, 之後果幾次肯講野, 不過係BB話, 最近果次, MISS叫佢講謝謝, 佢走去鍚鍚MISS, MISS話係謝謝唔係鍚鍚, 然後就佢飛吻, 最後MISS話佢係個輕挑B.. XD

9月頭熊貓去左法國玩8日, 係小豬咁大個女第一次冇爸爸媽媽係身邊咁長時間呀, 再加上熊貓臨出發前, 小豬就開始病, 結果就係不斷半夜起身搵媽媽

就快歲半啦~ 媽咪希望你每日開開心心, 健健康康啦~ 媽咪鍚晒...

放break

這個break 早在瑤瑤未出世時已經plan左架啦,話說當時神之水滴講到主角去法國medoc跑紅酒馬拉松, 搞到熊熊心CC好想去玩埋一份
於是, 就約埋小豬契爺同另一個朋友一齊去。貓貓當然都有份去飲飲食食, 馬拉松就唔好預我啦~

未生小豬時, 真係有D低估BB的吸引力同自己既母性, 依家要放低瑤瑤豬8日, 真係唔多捨得呀 不過都應該俾個break 自己都係要既, 所以帶住又興奮又不捨既心情, 今晚飛lu...

買左熊貓版既monchichi做travel buddy,  好似帶埋瑤瑤豬一齊去旅行咁 (瑤瑤豬見到佢都好開心, 拎住玩左好一陣

可能小豬知道媽咪爸B要出去玩, 又唔帶佢, 唔捨得,  所以變身成為病病豬呀 雖然日頭都還算精神, 不過就好扭抱, 又唔係好有胃口, 夜晚就晚晚燒餐勁既, 已經連續3晚半夜要起身餵退燒藥啦~ 所以今日都係要帶佢睇多次醫生~
瑤瑤豬乖, 要飲多D水水, 快D好返呀~ 媽咪會好掛住你同埋好快返來架啦~

打敗戰

係未搵到新屋前, 都係繼續係度寫下先

可能星期日下晝游水時凍親掛, 瑤瑤豬又打敗戰啦~
星期日晚已經見佢有小小鼻水同幾聲咳, 不過抱住唔好下下去睇醫生既想法, 所以都係觀察下先
到星期一, 繼續有鼻水同咳咳, 體溫就係37.3-37.7中間浮游, 所以諗住, 第二日都係去睇下醫生啦, 胃口方面好馬馬 (因為熊貓星期四晚出遊成個星期, 本來就已經好掛住小豬架啦, 再加上佢病左就更加放心唔落啦~
點知, 琴晚小豬成晚都唔係好肯瞓, 又坐起身, 又咳咳, 半夜3點幾量體溫, 有38.1左右, 去到5點, 已經係38.8啦~ 於是起身貼退燒貼 (喊到咩野咁)餵藥 (喊得再勁D ), 第二朝  (即係今日)一早去睇醫生

病病既瑤瑤豬口腫鼻腫, 冇晒精神...

醫生說, 係上呼吸道感染, 只係初發, 不過發得幾勁下... 暫時唔駛食抗生素, 可以試下自己打低D病菌 (加油加油...) 貓貓都有同醫生講會出遊成個星期, 醫生就話唔駛太擔心既... 希望啦~ 瑤瑤豬, 快D好返啦~~~

哇, 好多藥呀... 又係一場戰爭既開始...