打敗戰

係未搵到新屋前, 都係繼續係度寫下先

可能星期日下晝游水時凍親掛, 瑤瑤豬又打敗戰啦~
星期日晚已經見佢有小小鼻水同幾聲咳, 不過抱住唔好下下去睇醫生既想法, 所以都係觀察下先
到星期一, 繼續有鼻水同咳咳, 體溫就係37.3-37.7中間浮游, 所以諗住, 第二日都係去睇下醫生啦, 胃口方面好馬馬 (因為熊貓星期四晚出遊成個星期, 本來就已經好掛住小豬架啦, 再加上佢病左就更加放心唔落啦~
點知, 琴晚小豬成晚都唔係好肯瞓, 又坐起身, 又咳咳, 半夜3點幾量體溫, 有38.1左右, 去到5點, 已經係38.8啦~ 於是起身貼退燒貼 (喊到咩野咁)餵藥 (喊得再勁D ), 第二朝  (即係今日)一早去睇醫生

病病既瑤瑤豬口腫鼻腫, 冇晒精神...

醫生說, 係上呼吸道感染, 只係初發, 不過發得幾勁下... 暫時唔駛食抗生素, 可以試下自己打低D病菌 (加油加油...) 貓貓都有同醫生講會出遊成個星期, 醫生就話唔駛太擔心既... 希望啦~ 瑤瑤豬, 快D好返啦~~~

哇, 好多藥呀... 又係一場戰爭既開始...