影影影影

生菇菇既blog, 繼續生菇菇... 有好多野要寫呀.. 唯有寫summary 啦...
今年多左隻咩, 小豬既每年一影被逼推遲同分散左... 結果今年變影影影影XD

咩咩出世時影既第一輯NB相

本來唔打算影, 因為咩咩係年頭出世, 驚住會好凍, 唔著衫影相就更加凍... 所以完全冇做過research...

到佢差唔多一個月大時, 發覺又唔係好凍喎... 而且D NB相好得意咁...所以又變掛影下啦...

可惜影得靚果D俾人book 晒lu...

呢輯影得普通啦...

小豬都好乖, 雖然自己唔係主角, 但都好興奮咁睇住妹妹影, 冇扭計...

咩咩就... 哄左好耐都唔瞓, 仲要得閒嘔幾啖奶奶 =.="

冇耐之後, 搵到咩咩既同年同月同日既媽媽谷...

組團再影過

己經唔係NB既咩咩 (當時係5個月), 俾媽媽繼續扮NB... :P

當然係影唔到NB既感覺啦...

不過今次咩咩好合作, 笑得好開心... 

笑笑下突然間就瞓著左 (係個攝影師拎住咩咩隻腳影左2張, 再諗住影返個樣時, 己經瞓左)... 

笑C個攝影師...

同一次都有得影家庭照... 

咩咩真係好合作, 識得望住鐘頭笑...

我覺得呢間影得幾好... 

主要係... 影得我唔太肥... 

終於到小豬影返輯自己既相...

見到FACE係中秋做免費promotion, 只係要小朋友身份證中左815其中2個數字就可以免費影一次造型相... C9如我當然唔執輸啦...

最後收到10張相... 都OK啦 (不過之後睇返人地D相, 先見到個好靚既帳篷景, 冇影到

影相果日, 小豬十分hyper... 影到個攝影師哥可想喊咁滯...

最後係10月頭影既室外相

第一次影室外, 再加上第一次同朋友仔一齊影, 小朋友玩得好開心呀...

呢輯相小豬影得好大個啦.... 成個少女咁... (其實我唔想佢大得咁快囉...)

是日咩咩心情唔多靚, 又可能小B真係唔多啱影戶外, 而且佢當時連爬都未識...

雖然係咁... 戀女既媽媽覺得佢既喊相都好可愛... =.="

好啦... 一次過寫晒今年影既4次相... 重點係4次加埋, 只係$2100 (重點要寫低俾老公睇)

下年又會變返每年一影啦... 影邊間好lei...

入伙第一篇... 17個月

新BLOG入伙... 唔識用... 同埋點解冇emotion icon 既...
唯有用住先... :(

話咁快瑤瑤豬已經17個月啦~ 係呀, 由於懶, 又覺得16個月冇咩野特別發生, 又忙, 又多籍口, 諗埋D C橋, 諗住GROUP埋一齊寫, 結果, 造就左LEI個入伙第一篇啦~

17個月大既瑤瑤豬, 今朝一早俾我拎左去稱豬, 第一下稱有25.5磅, 開心得我呀... 不過諗下又唔啱喎, 小豬病左成個星期, 冇理由可以重左咁多架, 於是再稱... 原來個磅冇歸零呀... 再稱多2次, 都係23.8磅... 應該冇錯啦, 都叫OK啦, 剛剛先病好, 體重依然有DD增長, 收貨~
身高, 好難度, 大概79-80 左右啦~ ops... 唔知點解, 小豬好似高得好慢咁, 原本係90B架, 跌下跌下差唔多變左25B添, 下個月去健康院要問下姑娘...
牙仔方面, 瑤瑤豬係最後10日發力, 一下出左5隻, 上面果4隻摸得到, 但未見到, 下面果隻就見到啦~ 琴晚小豬食粟米, 食得好乾淨呀...XD

食野方面, 同之前差唔多, 早晚2枝5安奶, 11:30同19:30 就會食主食, 粥粉面啦, 99好有心機, 朝早食粥, 夜晚就會粉, 總之日日唔同, 到星期六日自己湊既時候, 就一煲粥食2餐, 好彩小豬都食得開心。奶粉方面, 轉左3號啦~ 本來見小豬食2號食幾好就冇諗住轉, 不過朋友極力說3號既營養會比較適合D. 所以就轉左3號。不過美素佳兒既3號真係唔多好, 一沖就勁大陣Vanilla 味, 每次熊熊行埋來都要講句 "都話食2號架啦~" 終於未食晒一罐就轉左牛欄3號, 轉左過程順利, 冇因為食左幾日勁香既美素而唔肯食牛欄, 不過LEI幾日D poo poo 好似冇以前咁順, 唔知有冇關LEI...

Potty traning... 冇進展, 基本上應該叫冇開始過... =.=" Poo Poo 就1-2日一次, 好臭... VV大包左好多, 依家用緊既平片片XL碼, 有時都係漏啦... 係時候轉返H OR P牌啦~  (隻平片片其實都幾好, 瑤瑤豬由細用到依家, pat pat 都冇出過事, 只係細個D poo poo 間唔中會漏, 不過都好間唔中, 而最大既好處, 當然係平, S碼片唔駛HK$1.00條, XL片就HK$1.60條。可惜最大得XL碼咋)

動作方面, 終於聽到下指令啦~ 可以及時同人揮手hello, 同埋bye bye, 心情靚時就會飛吻 (之前都做到, 不過要慢10秒先做, 做既時候人地都走左啦~) 識得係地下執D垃圾, 然後放入佢覺得係垃圾筒既地方。識得拎野俾唔同既人, 不過最本事都係見到有人食野, 就9秒9咁沖到佢面前 (雖然, 熊貓都好為食, 不過, 瑤瑤豬既為食樣真係青出於藍呀...) 心情好既時候, 終於識得指眼耳口鼻手腳同pat pat, 不過大部份時間都係費事睬你...

講野方面, 進步得好慢, 雖然我99堅稱, 小豬平時成日爸爸媽媽咁叫, 不過, 我地聽得最多既依然後BB話, 好彩都開始有D加小小想像可以聽得明既音, 例如 apple, 婆婆... 咁, 不過整體來講都係慢... 係PG, MISS叫小豬講謝謝, 一開始咁幾次小豬冇反應, 之後果幾次肯講野, 不過係BB話, 最近果次, MISS叫佢講謝謝, 佢走去鍚鍚MISS, MISS話係謝謝唔係鍚鍚, 然後就佢飛吻, 最後MISS話佢係個輕挑B.. XD

9月頭熊貓去左法國玩8日, 係小豬咁大個女第一次冇爸爸媽媽係身邊咁長時間呀, 再加上熊貓臨出發前, 小豬就開始病, 結果就係不斷半夜起身搵媽媽

就快歲半啦~ 媽咪希望你每日開開心心, 健健康康啦~ 媽咪鍚晒...

15個月

話咁快就已經15個月啦~

身高唔知 不過好似高左唔少, 體重, 好似都係23磅 (再一次證明, BB係唔讚得架)係出世到依家, 第一次沒體重方面既增長... 不過進步既地方係, 瑤瑤豬可以自己企係個磅度磅重啦... 係14個月既最後一日, 小豬既第七隻牙仔蒲頭啦~

食野方面, 每日2-3餐奶, 4-6安左右, 2碗厚粥. 軟飯, 另外, 有湯, 生果, 面包, 餅乾, 基本上個口都係唔停既, 見到大人食緊野, 就係沖返來, "ar..m, ar.. m"咁狂講, 直到你俾d佢食。第一啖總會擺個好難食既樣, 然後, 就會再問你拎來食...  暫時都鐘意食野, 咩野都肯食... POO POO 方面都幾正常, 一日通常都有一次, 間唔中有一日冇, 但第二日就會有2次。POO POO 越來越似大人果d啦, 仲好好好臭... 雖然99話要幫瑤瑤豬戒片, 不過睇來佢都係唔識戒架啦 (雖然貓貓都唔識) 所以戒片係0進度, 不過lei d野又 急唔來...

瞓覺方面, 同之前差唔多, 通常11點前會瞓, 瞓到第二朝7點幾就會開始典, 7:45飲完第一枝奶後, 有時就會再瞓過, 有時就已經好精神咁搞兩老啦... 日頭瞓1-2次, 每次2個鐘左右

動作方面, 心情好既時候會同人HELLO, BYE  BYE , 飛吻 (同一時間做齊咁多樣), lei輪會不停咁同人BYE BYE 。最鐘意就係將d cd dvd拆件 (拎隻碟出來, 將cd既封面拎埋出來, 有時仲會拆埋個盒)屋企always都係亂到飛起...lei輪仲係扲住隻cd, 走去電視前, 係咁隊部dvd機, 應該係想播碟睇掛... 試過拎住貓貓既手袋, 然後, 同晒所有人講BYE BYE , 然後自己就走左去門口啦, 笑死貓貓... 行路就行得穩左又快左, 但係出街唔肯俾人拖手, 試過幾次係街度"Lur"地, 非常之唔要得,不過仲係互相摸索階段, 希望遲D會好D啦 ~

講野方面, 仲係只識BB話, 連爸爸媽媽都未識叫bor... 99既14個月理論 (過左14 個月就會突然識講野架啦...) 已經變成15個月理論啦 雖然只係識講BB話, 不過瑤瑤豬絕對係個唔怕醜, 好鐘意講既小豬, 佢會自己走去看更果度, 對住個看更係咁講野 (不過講野好大聲, 人地以為係罵他呢...)

後面既頭髮長左好多, 終於可以紥辮啦~~~


希望小豬可以繼續健健康康, ,開開心心啦 ~ 媽媽鍚鍚..

14個月...

遲左DD既十四個月月記...

十四個月既瑤瑤豬, 23磅重, 未度身高 (2個月重左3磅呀, 不過, 對自己家企磅重通常都重D既...

食野依然係3奶2粥, 不過D粥仔已變左軟飯仔lu... 奶就每餐4-6安不等, 軟飯仔就每餐1碗大人碗, 中間仲有零食, 芝士, 生果, 湯水等。So far. 小豬都鐘意食野, 通常一餐飯仔都可以係3-4個字之內食完, 不過,貓貓成日覺得佢唔咬就咁吞左落肚, 所以好似食得好快咁... 暫時都有對任何食物有敏感既反應 而LEI個月, 小豬陪大人出行食飯時,都會開始食下街外野啦

Poo poo 方面, 都算好正常架啦, 基本上每日2次, 不過有日試過4次, 但D poo poo 都好正常, 所以貓貓都唔太擔心。
瞓覺方面, 依家需要奶咀瞓覺, 咬住奶咀, 係床典返1-2個字, 就會瞓左架啦, 不過睡姿依然好似打風緊。將佢放入睡袋都叫好少少, 有時見佢熱, 放佢出睡袋果晚, 瞓醒隻腳一定係貓貓塊面隔離

動作方面, 最sweet 既係識得"錫錫"啦, 仲要係嘴對嘴呀~ 貓貓既成功率係85%, 熊熊係10%, 嫲嫲既85%, 爺爺係20%, 婆婆係50%. 公公係10%, 所以小豬係鐘意女仔多D架~ 通常小豬係張口俾個濕吻你, 所以錫完通常都係成面佢既口水... 其他既仲係停溜係hello, bye bye, lei D動作, 好似比較慢D, 不過, 嫲嫲都成日有教, 貓貓決定睇輕D, 反正急又急唔到, 無謂俾太多壓力大家啦... 行路方面, 穩左好多, 可以由嫲嫲屋企行返自己屋企啦 (不過行得超耐, 平時10分鐘既路程, 起碼要行30分鐘, 不過都好既, 當係飯後散步啦~)

講野方面, 見到鴨鴨識講 duck 定係" 得" , 唔理啦, 貓貓當係" duck "啦, 其他都係冇進展, 不過BB話真係一大堆, 聽得明既幾乎冇 都係果句啦, 盡左力去教架, 不過都係睇輕D, 反正急又急唔到, 無謂俾太多壓力大家啦...

其他方面, 熊貓每星期都會去游水, 小豬已經變成左小黑豬啦~ 不過佢都好鐘意玩水, 一D都唔驚水, 上個星期去galaxy既人造海灘玩沖浪, 小豬玩得超開心, 每次有浪過來, 佢就會跟住D浪係度"wooo wooo wooo" 咁叫, 好搞笑。

瑤瑤豬, 你依家每日最緊要既野, 就係食食食, 玩玩玩, 瞓瞓瞓 (poo poo 最好留俾嫲嫲啦~)
希望你每日都健康快樂, 媽咪love you~

13個月

13個月既瑤瑤豬, 身高體重都冇度 (12個月時, 重20磅, 高77CM左右, 係隻中碼豬) 唔知點解, 係健康院磅重會輕過醫生度咁多 不過算啦, 總之健健康康就OK啦~

食方面
係差唔多1歲既時候轉食奶粉啦, 一開始唔肯食奶粉喎, 係點都唔肯果隻, 一啖都唔肯, 果時既貓貓想盡辦法, 試左唔同既牌子, 又將奶粉溝落D粥仔度, 都唔得, 唯有食下芝士, 食下乳酪, 直到有一日婆婆沖錯奶粉, 6安水只放左2匙奶粉 (正常要放6匙), 小豬竟然肯食4安喎, 真係錯有錯著。就咁樣隔幾日加上匙奶粉, 過左冇耐,小豬就食返正常既濃度啦~ 依家一日3餐奶, 每餐5-6安, 基本上係自己拎住奶樽食架, 不過食食下就冇心機想玩, 就要出手幫下佢 (OR拑住佢)食埋枝奶, 通常都要食剩1安所以沖奶時會沖多安, 等佢食剩 (真係浪費...)
一個2餐粥 (已經好接近軟飯啦), 99依然好好餸, 每餐都有菜有瓜有魚有肉。小豬可以食大半碗至一碗, 不過LEI輪隻豬好鐘意食食下, 伸手將口入面粥拎出來睇一輪, 再放入口 搞到成地都係...未試新野呀, 不過今個月應該會試下牛啦~ 生果方面, 就有新嘗試, 食左橙, 榴槤, 芒果同西瓜。好愛橙, 榴槤都會食2啖, 芒果同西果就會拎出來玩LU... 依家每日食2次生果, 每次半個至1個。另外, 就係得閒會食下面包, 餅乾, 芝士, 湯水, 大人食飯時, 佢就會坐係隔離食下飯呀, 菜心呀, 魚呀... 總之, 小豬醒既時候就不停咁食野啦, 覺得佢仲食得多過貓貓, 但又唔見佢肥返D喎 

Poo Poo 方面
唔知係小豬既腸胃終於開始適應固體食物, 定係因為開始食橙, 今個月既POO POO終於開始正常D啦, 每1-2日就會有一次, 有時1日2次 講多次, 做左媽媽後, 先會覺得便便真係好重要架

做休時間LEI2個月, 小豬除左病病既果個星期外, 其他的生活都係好定時, 朝早8點左右起身飲早餐奶, 然後就送去99度。係99度食小小野, 就去會所/公園玩, 玩1個鐘左右就返屋企, 沖涼食粥瞓覺。 瞓2個幾鐘後, 就起身玩玩玩, 3-4點係下午茶, 飲奶食生果食包, 再玩, 再瞓覺。7點幾起身, 又食粥, 玩一陣, 熊貓就返屋企啦, 大人食飯時, 小豬又坐隔離食下野, 玩下, 然後就返屋企LU。返到屋企, 玩多陣, 就飲瞓覺奶, 然後就瞓覺啦~ 總括來講, 每日既活動就係食, 玩同瞓 (真係好開心呀, 搞到貓貓都好想做返BB呀...)

語言及動作
講野方面, 依然好多BB話, 講得到既依然只得baba 同mama, 有時, 有D 類似 mum mum 同bye bye 既野...
鐘意唱歌, 對住小豬唱歌時, 有時小豬會跟住個節奏配返D BB話歌詞
動作方面, 小豬過左1歲生日之後果日, 就肯俾人扶住行啦, 然後慢慢又肯自己放手行幾步, 再然後係13個月既果日, 小豬已經可以係屋度自己走來走去啦~不過, 唔知點解, 小豬係唔肯俾人拖住行架, 一拖過就變軟皮蛇lu LEI幾日仲識得自己爬櫈呀, 超危險...
除此之外, 手指指(雖然唔係成日咁做), give me five, hands up, 舉手, 拍手, hello, bye bye, 點蟲蟲都識過一輪, 不過唔知點解, LEI輪叫佢做又冇咩野返應LU, 淨係鐘意拍手,係咁拍手
不過, 玩搖控, 手機, 電話就一路都記得架喎, 依家仲識"禁"熄電腦, 開抽濕機, 開冷氣呀... 總之見到搖控就第一時間冲過去啦~

 行行行

 仲係唔多鐘意騎馬馬, 所以最叻係爬返落來
 如果個頭擺正D, 你話幾好LEI...

 

媽咪希望你日日都好開心啦, 快D做隻肥肥白白既小豬啦~
唔識既動作遲早都係識既 (早DD就好啦~)