2014年7月28日 星期一

峇里親子遊... 5

O... 咁就最後一日

第五日, 我地好早起身, 諗住食完早餐, 再遊多個水先走... 小豬又係冇心機食野, 一心諗住餵魚魚...
去左BB池先~ 又係勁好陽光, 但係勁凍既水...
玩左陣, 決定移師去大人池, 因為太陽照住好小小... 小豬KEEP住要去池邊, 係果度望落去, 就係BB池既滑梯, 小豬不斷同D準備玩滑梯既哥哥姐姐SAY Hi...

小豬自己係水玩多陣, 我就抱佢上水lu... 
可能D水真係凍到小豬都頂唔順, 所以佢拒絕再落水玩 (好少有架), 所以我地就返房執野lu

返到房, 小豬好開心咁同爸B係個圓型浴缸度玩多陣水(都有半個幾鐘架), 我就努力咁執執執... 終於要同酒店講bye bye lu...
我地LEI日book 左半日車, 可以去Kuta行一陣, 買D手信先去機場... 我覺得最後一日book 車都幾方便, 可以check out 左之後再出去玩下, 又唔駛煩D行李放係邊...

我地叫司機介紹野食, 佢介紹左LEI間食雞既地方, 有D似快餐店... 而最重要, D雞都係炸完先加汁... 個人覺得普通... 反而條炸魚同炸豆腐就幾好味... 雖然整體普通, 不過我地都叫到成枱都係野食...


食完野, 本來諗住去discovery mall 行下, 點知間mall冇野行, 朋友稱之為羅湖商業城既峇里版.. XD
所以行左出去, 影左張相就走人... 搵左間supermarket, 放里D印尼盾, 就去機場lu...
小豬係我地行街途中就去搵周公玩lu, 叫極都唔醒 (因為本來想佢係飛機上先瞓), 我地出動到雪糕, 塞落佢個口度, 佢都依然堅持要同周公玩, 咁就冇法啦~

去到機場, 臨入閘前先發覺, 每人要俾Rp200,000既離境稅, 連小豬都要, 結果大家都冇晒印尼盾, 唯有俾美金... 咁先順利入到去咋...

上到飛機, 小豬就瞓醒lu... (ops...) 結果全程機, 5個鐘, 小豬都冇瞓過... 一直係度玩 (我就勁攰啦), 不斷係度搞事, 當大家食好晒飯, 熄燈瞓覺時, 小豬就係度勁大聲咁唱ABC Song... =.=", 仲有就係, 係3個鐘內痾左2次poo poo,真係史無前例呀...

晚上11點, 終於返到香港啦... 小豬都仲有電係機場跑跑跑, 一直到坐車先開始瞓 (都話, 對於小豬來講, 飛機係遊樂場, 點會浪費時間係遊樂場瞓覺架....)

就咁樣, 今次旅行順順利利完成啦.... 不過我發現我又再大頭蝦左...
係第二日游完水, 食緊lunch既時候, 發現唔見左電話... 好彩問返D Staff 拎返
係第四日游完水, 又搵唔返睇緊既小說, 雖然唔貴, 但追緊架ma...  仲要留左係ayana, 之後又冇時間去搵... 結果... 原來有拎到返房, 但被一堆野遮住左... :P
去到機場, 過左安檢同海關後, 係免稅店先發覺, 將hip seat 留左係安檢度 =.=" (雖然個hip seat 係TB貨, 唔貴, 但都係第一次出trip , 小豬又剛剛開始接受佢....) 最後走去同海關講, 佢又肯放我去安檢到搵... 
總之覺得自己勁大頭蝦lor, 但又好彩地都搵得返... XD

小豬就來開學啦, 要等放假先可以去旅行lu...










2014年7月22日 星期二

峇里親子遊... 4

勁快就係第四日啦...  如果有機會再來峇里, 要留多日, 5D4N太短lu...

第四日, 我地留守酒店, 去ayana 游水, 契爺同朋友T就出去Kuta玩...
LEI日, 又係好好太陽呀... 又好彩地D水唔算太凍, 所以小豬玩得好開心


玩左陣大人池, 就移師去BB池lu... 小豬玩得好自在...
兒童池有2條滑梯, 俾5-14歲既小朋友玩, 一條好短, 但幾斜, 另一條就九曲十八彎既... 熊熊話要俾小豬試玩喎, 於是 我地試左好短果條, 因為可以一個帶小豬上滑梯, 一個係下面接住佢... 小豬玩得好開心, 上上落落左10次有多...
之後熊熊話要去試長果條喎....  第一次, 小豬係中間click 住左 (因為小豬唔識要瞓低先sir), 最後要熊熊去救返小豬上去, 第二次, 聽講(因為我係下面接果個, 所以睇唔到)又係click 左一下, 最後係背對住我咁sir 左落來.... 小豬似乎唔多欣常LEI條滑梯, 主動講bye bye 滑梯, bye bye 水水喎... 之後連果條玩得好開心既短滑梯都唔肯再玩.... Lei D咪係拔苗助長 lor... 下次唔好啦~~~

晏晝我地係泳池邊叫左pizza, 都OK好味, 小豬又好賞面地食左差唔多2塊

可能玩左陣水, 真係好肚餓掛...

再之後, 我去左做massage, 本來想試下ayana 出名既水療 +spa, 不過最短都要3個鐘, 再前前後後等下停下, 就會差唔多4個鐘啦... 原來帶住小朋友,想做spa 都唔係幾得, 希望遲D小豬再大DD, 可以交俾酒店baby care, 咁我同熊熊就可以去做spa 啦~ 
不過講返轉頭 個hot shell massage都幾特別, 幾舒服架....

做完massage, 係massage pool 搵返佢地, 原來, 下晝BB池冇咩野太陽照住, 開始有D涼啦, 所以就移師去左溫水池 (即係massage 池)

Ayana既主泳池係望住海岸線架, 所以睇日望真係一流...

只係峇里既太陽, 收工收得超快, 基本由開始落山到收工係5分鐘都冇架.... 我地差D趕唔切影相... XD

睇完日落, 我地返房梳洗完, 就去Kuta 會合朋友食晚飯... 熊熊跟旅遊書揀左間餐廳, 原來係酒店入面架... D野食OK, 不過冇咩野特別, 連契爺部機都冇影到相呀... 至於小豬, 當然係的士度就已經去左搵周公玩啦~

食完飯, 我地推住瞓左既小豬係酒吧街行左陣, 不過四圍都好嘈, 驚嘈醒小豬, 所以好快就打道回酒店lu...








2014年7月18日 星期五

27個月

26個月時冇寫到 (好似係掛住上網睇峇里既blog). 27個月點都要寫下, 如果唔係就會由月記變季記lu...
寫27個月前, 我走去睇返25個月時既週記, 哈, 話進步又好似冇咩進步, 但又同之前唔同左...

體重... 係冇唔同既, 依然未衝破13KG, 不過就已經經常地12.9KG啦 (由於LEI輪熊貓減肥, 所以個稱常擺廳中, 仲時不時稱豬仔 XD) 身高, 有90 cm 啦, 我覺得都叫OK啦, 唔駛再靠紥噴泉頭來扮高 :P

食野方面, 都係差唔多, 我地帶既時候, 小豬基本係食大人野架, 99帶時仲會將D野煮得軟身D俾小豬食。不過, LEI幾日小豬唔知點解唔多肯食生果, 以前食好多架。lei 輪只食藍莓, 西瓜同火龍果。 香蕉, 橙同車厘子就失寵lu... 飲水就飲得幾好, 有時會俾杯子佢, 有時會俾水樽, 小豬都肯飲。 飲奶都仲係用奶樽, (應該係我懶, 冇幫佢轉, 朝早果餐小豬係瞓住飲, 所以用奶樽方便D, 不過遲D開始返學就應該要佢起身先飲奶, 到時轉掛)

Potty training, 同之前差唔多...  vee vee 基本都冇失手, 但大部份時間都係大人睇住時間帶小豬去vee vee, 問佢駛唔駛, 小豬永遠都係答"NO", 有時, 會同我們講"濕濕" 即係要去vee vee, 都忍得到我將佢放上廁所既... poo poo 方面, 冇進展, 唔肯坐係廁所上poo poo, 就算唔著片, 都會poo 落底底度 (有一輪仲每晚都係返到屋企先poo poo,  我每次都要掙扎下, 到底係成條底底丟左定係洗左佢...) 有樣要記底既係, 小豬LEI輪夜晚條片真係超爆, 仲試過有一次連床單都濕左一大片。以前小豬一個星期都有1-2日, 睡醒覺, 條片係好乾呀, 今個月肯定一次都冇試過。 睇D專家講, 要夜晚D片開始唔濕, 小朋友先可以開始戒片架, 點解小豬好似行返轉頭既?

講野方面, 進步左, 有時可以講到一句簡單既句子, 講得比較多既係"爸爸返工lu"同"爺爺打波波" 間不中又會講D搞笑野, 例如佢自己爬上枱拎餅食, 99見到話佢危險, 佢會搖住頭話" 唔好鬧唔好鬧" 數字同顏色都只係講英文, 但PG又話幼稚園係考中文, 講英文冇分喎, 真係好麻煩... 但都有同小豬講多幾次中文, 另外, 名, 年紀, 性別同住邊都識講 (不過好多時出到去問佢, 就會好怕醜, 唔肯講OR講得超細聲)

動作方面, 繼續係馬騮, 再加上去峇里曬黑左, 真係成隻馬騮咁。 好鐘意玩水, 去到沙灘勁大膽, 自己行入海, D水差唔多去到下巴既位置。我係隔離真係望到實...

返學方面, 下個月就要開始返學啦 (雖然只係返2個鐘) PG提前俾學生試下自己上堂... 20分鐘咁多...小豬都算係班入面好鎮定果個, 望住人喊 自己冇喊, 只係放家長入去課室後, 見個個同學仔攬住爸爸媽媽, 佢都會攬埋一份。我幻想緊小豬返學唔會喊, 係開學前, 應該仲可以幻想下既... XD

依家影相, 叫小豬笑, 佢會搵手指篤住塊面 (應該係99教架)


lei 個樣有D老積...


每朝都要食住餅餅先肯坐BB車, 但總會留返一塊去餵魚...

LEI張相NG左10次有多, 先影到一張企係度既...


LEI隻小豬, 應該都幾自戀, 最鐘意見到自己同睇自己D相
lei張semi-自拍相, 笑得幾開心...

我同佢影相, 就變成咁樣
明明想影下新買既泳衣, 結果冇啦啦說要睇書, 仲擺個好認真既樣... =.="

2014年7月17日 星期四

峇里親子遊.... 3.2

第三日, 我地食飽飽, 離開餐廳時, 小豬都瞓醒啦~ 唯有去下個景點先俾小豬食飯啦~

下個景點係烏布既梯田, 我地去左果個都係旅客常去既梯田 (遠小小有個少人去D既梯田, 好似被評為世界遺產之一) 不過我地Lei D 到此一遊既, 來LEI度都覺得幾靚...

搵左間有涼亭既餐廳坐低, 咁啱隔離又係帶住小朋友既一個日本family, 哥哥大過小豬D, 妹妹就細過小豬D。小豬同妹妹都叫有D好搞笑既互動, 例如人地睇iphone, 小豬就第一時間沖過去睇埋一份, 小豬睇iphone, 妹妹又行埋來睇, 然後仲拎住小豬既水樽飲水添... 總之好搞笑... 不過要3個小朋友一齊影相就好難lu...
合照一張, 主要想講, 我好鐘意個炸香蕉呀, 不惜成個行程只係食過一次, 而小豬見到有雪糕食, 就唔食飯, 狂食雪糕 (都唔知點解, 佢會識得ice-cream, 仲會要求買添, 明明係香港, 我地好少好少俾佢見到雪糕架)

同可愛既日本娃娃say goodbye 之後, 我地就出發去下個景點
就係咖啡園啦... lei 間係司機帶我地去架,  都幾得意幾好。
去到會有專人帶我地行個圈, 睇下猫屎咖啡既果隻猫, 果D屎同埋果D咖啡, 圖下個阿叔係示範炒咖啡...
然後又係坐低飲野既時間啦, 以上果行都係免費架, 不過2個人去又係咁多, 1group 人去又係咁多... LEI度既飲品都比較甜, 我地都係share 下試左2啖, 反而小豬就好欣賞第1杯既檸檬茶, 1個人成杯飲晒... 如果想試猫屎咖啡就要俾錢, 好似係Rp50,000 一杯, 我地都叫左2杯試下...  嗯... 我唔係好識咖啡, 所以唔太識欣賞 (影左張相唔知去左邊...) 最後買左D猫屎咖啡同一包峇里咖啡豆返屋企孝敬阿媽

飲晒檸檬茶既小豬好快就要求放電...玩得幾開心...
其實LEI度個景都幾靚, 又可以望到梯田, 個人覺得可以直接skip 左梯田, 來LEI度都差唔多.. (當然, 帶住個小朋友就會對景點既要求好低啦... :P)

咖啡園之後, 我地去左烏布行左陣街, 搵到果間好味既果jam 舖...買完果jam, 就順手行下大街2邊既手信店。 由於條街好窄, 驚小豬係突然衝出馬路, 所以全程用hip seat, 都幾辛苦...行左唔夠一個鐘就投降...

轉戰今日最後一站, 走去食出名既dirty duck. 可能都算比較夜, 差唔多8點先去到, 所以唔算好多人... LEI餐超好味...
中間既鴨當然地好味 (我地最後叫多碟), 左上既黃薑雞都唔錯, sate 係峇里式既, 即係免治魚肉/ 雞肉/豬肉, 冇牛架,肉中香料, 我鐘意... 不過基本上所有既野都係辣架, 小豬除左白飯之外, 咩野都食唔到。 直到加單時, 有個女侍應先suggest 我地叫雞湯飯俾小豬, 可惜來既時候, 小豬已經冇心機食野lu...
LEI度既甜品都好味, 小豬食左好多...
整張大合照先... 食完就返酒店lu... 小豬係車上就去左搵周公, 返到酒店都冇醒, 一覺瞓天光... yeah...




















2014年7月9日 星期三

峇里親子遊... 3.1

第三日有今次親子遊既重頭戲 (我覺得), 就係去動物園啦~ 今日我地包左車, 約左8點半去酒店pick-up (不過司機遲到, 9點先到), 諗住去動物園, 睇梯田同埋去鳥布行下...
包車其實都幾抵, 我地要左架7人車, 最後用左14個鐘, 再加BB car seat, 同埋小費, 用左Rp800,000 (即係HK$550.00) 左右, 雖然我知LEI個價係當地都算貴, 不過我唔得閒搵司機, 朋友就係tripadvisor book 左個, 都算OK啦...司機手車都幾好, 車都乾淨, 冷氣都好夠...

峇里有好似有4個動物園, 較出名既係Bali Safari and Marine Park, 不過個動物園太大, 我地又冇諗住係動物園逗留太長時間, 所以最後揀左去Bali Zoo, 門票好似係USD2X.00 (唔係我去買飛架) Bali Zoo 其實有得騎大象, 可以行好遠啦, 不過我地當然冇玩啦~
細細既動物園,行一圈大概2個鐘左右, 小豬對D動物都好有興趣 (但唔肯落地lor) 
Warm-up 完, 肯落地
去左個新區,D動物會係身邊行來行去, 不過主要都係D孔雀同火雞... 

然後見到有動物介紹, 就即刻坐低睇, LEI隻野好可愛呀... 不過唔知係叫咩野...
另外, 仲有D雀仔既介紹都好精彩, 不過揸機果位掛住自己睇完全冇影相...  小豬都睇得好開心

最後我地去左餵動物...
有得餵鹿同埋山羊同埋兔仔, 不過得鹿可以自由咁行來行去, 所以主要都係餵鹿
D鹿其實都很溫順, 不過會主動過來食菜, 所以我都係好驚咁拖住小豬走來走去, 最後熊熊話, 叫我影相, 唔好拖住小豬, 費事本來唔驚既小豬以為有野要好驚喎... (well , 好啦, 我都鐘意影相... )
係爸B既指導下, 小豬又真係唔驚喎, 又肯餵鹿仔, 又肯摸鹿仔呀...

之後仲俾小豬發現到bunnie (即係兔仔), 小豬好開心咁追住兔仔, 又餵佢食野, 又摸摸...
仲好合作咁同bunnie 影相呀...
LEI個餵動物活動好抵, 我地4大1小, 玩左20分鐘有多, 真係逐條菜葉咁餵架...  Rp20,000

之後熊熊去左餵老虎... 半隻雞, Rp50,000
不過, 熊熊話以後都唔餵老虎獅子啦, 佢話老虎食佢隻雞咁下, 覺得老虎變左做猫仔, 好可悲喎...

餵完老虎, 剛好2個鐘, 我地就走啦... 我覺得Bali Zoo幾適合小B去, 都算有野睇有野玩, 小豬一上車就瞓左覺lu...

難得既食物相... 因為小豬瞓左MA...
我地去左食燒豬飯... 真係超好味呀... 食之前熊熊仲係度講, 應該都冇燒豬整得好食過香港既做法啦~ 食過之後就自打嘴巴, lei 間真係超好味, D豬肉好好好滑又入味
特別影下碗湯, 好味, 入面仲有好多蔬菜, 係跟某個餐送既, 最後我地單點左個湯, 打包俾小豬瞓醒食...
LEI間舖應該好好生意, 上菜上得勁慢,(其實間舖只得燒豬賣架咋, 都唔知點解可以咁慢) 所以枱面放左好多蝦片同花生俾客等緊既時令食 (係收錢既), 蝦片又係好味, 我地走既時候, 又買走左幾包蝦片
整體來講, LEI間燒豬飯舖頭真係好得, 依家望住D相都有D流口水呀...




















2014年7月8日 星期二

峇里親子遊... 2

第二日, 一大早熊熊就同契爺出發去潛水啦~ 我同小豬同朋友T就留係酒店泳池玩


晨早起身, 仲好眼瞓呀 (梗係啦, 琴晚差唔多成點先瞓, 朝早9點就俾我整醒啦~)
不過都好快裝好身, 準備玩

酒店早餐, OK啦, 每日都係幾款鮮搾既果汁, 椰青水, 各式香草水, 有一款好味但應該好肥既鮮果smoothie, N款生果... 其他既面包,粥粉面飯都有...  (不過我一張相都冇影到 XD), 網上見話有得叫main menu上既野食, 不過現場睇又好似冇喎, 總體來講都可以, 不過冇驚喜
小豬當然係食得唔多啦... 不過好彩每日都食左半碗仔既青菜蘑菇雞肉米粉, 有士多啤梨既日子就會勁食士多啤梨, 其他生果都唔多食... 蛋呀, 包呀都係食幾啖就俾返我啦~ 雖然係咁, 但相比起上次去沙巴已經算係食得好D啦~ 
小豬食完, 其他人未食完時, 只可以靠iphone 啦... 不過都係第一餐有用, 之後果幾日, 小豬都係拉住爸B, 要去餵魚...

食完早餐就去游水啦~

果日既天氣好好, 好猛太陽, 但係D泳池水就真係超凍...
小豬玩左陣水, 就上水飲水... 
由於落水又驚佢凍親, 上水又勁曬, 最後係溫水池玩左陣, 玩到1點幾, 就執野走人去食lunch 啦 (原本諗住係pool side 食架ma...) 果餐lunch (都係冇影相), 小豬好曳, 自己
唔食野 (食左幾條長通粉) 就係咁要餵魚魚, 朋友T話見到小豬咁既樣, 令佢唔想生B喎... =.="

食完lunch, 熊熊同契爺已經話潛完水回程中啦~, 所以啦啦聲返房同小豬沖涼。係房hea 左陣就出去金巴蘭海灘睇日落同食晚飯啦~

影張全家幅先, 可惜小豬係搭的士時, 已經去左搵周公玩啦.... 我地趁機係後面果檔粟米檔買左枝辣既粟米食, 不過我都係鐘意唔辣既

行行下, 小豬瞓醒啦~
可惜LEI個時候, 熊熊已經行得好遠,去搵地方開餐啦~
唯有同小豬2個人影張相啦~

我: 太陽伯伯就來收工啦, 快D同佢講bye bye 啦~
小豬: 太陽伯伯bye bye, 聽日見啦~


然後, 太陽就勁快咁插落海lu~

係餐廳叫左set, 有蟹有蝦有魚有蜆有串燒, 唔貴但同之前果日差好多, 之前果間真係又平又靚又好味呀... 初時以為係set dinner 先係咁樣, 所以再多左碟大蝦, 都係唔得呀...  相對之前果日真係有D失望呀... 食完野就打的返酒店lu...
峇里係好得意既地方, 佢地每個景點/ 餐廳都同的士司機夾埋架, 無論你想去邊, 的士司機都會介紹都會有佣收架... 相對, 出每個景點/餐廳, 都有司機係度, 可以盡情講價

返到酒店, 再沖涼, 然後朋友就來我間房飲酒叫room service...  小豬冇份食, 因為沖完涼冇耐佢就瞓左lu...