年終篇

呵呵呵... 個blog 停寫左大半年呀... 要係2015年最後一日寫返個年終篇, 幫小豬總結下今年先...

瑤瑤豬, 44個半月大, 102CM 高, 38磅... (好耐冇度高, 但就啱啱磅左重...)

食野方面, 冇以前咁鐘意食菜同生果, 但就開始鐘意食肉, 特別係雞肉。識食左好多, 見到好野 (例如黑豚肉, parma ham (仲要係36個月或以上既), 鮑魚等) 就搶住來食. 平時食飯食一半就開始冇耐性要人餵 (唉, 以前覺得追住小朋友餵飯係好唔要得架..., 依家, 只可以做到唔追住咋... )
飲奶都係早晚一枝, 共16安士, 未戒奶樽, 因為朝早6點果枝奶仲係瞓住食... 不過我又覺得冇所謂啦, 一日24小時, 得15分鐘係用奶樽, 應該冇咩野影響掛...

瞓覺方面, 平時仲係瞓緊3個鐘晏覺, 所以夜晚唔肯瞓, 日日朝早都要剷佢起身返學, 係一個惡性循環...不過自己每日都起碼8點幾先返到屋企, 又要再做功課, 玩, 講故事, 又好難叫佢早D瞓既, 唯有希望遲D會好D啦...  小豬有得玩時係可以唔瞓晏覺架, 有試過直踩到夜晚12點, 跟住瞓到第2日11點半既記錄 (似足我=.=") 好消息係, 小豬由今年7月開始戒夜片啦, 到依家為止都幾成功, 只係失手左2-3次, 我覺得好好成績架啦...

返學方面, 間學校真係happy school, 雖然學校被稱為好商業化, 但小豬 (同埋佢D同學仔)都好鐘意返學, 每日都勁開心咁衝入學校, 返到屋企成日都會有新歌聽到, 我已經好满意啦... 上到K1, 每日都要做功課, 都幾辛苦D阿爸阿媽 (即係我), 今個月仲開始寫字添... 唉... 好想我幫佢寫左佢...=.=" 來緊1月中仲有考試呀... 不過hea 媽如我成個假期都帶住小豬週圍玩, 好似冇溫書... 希望佢有用心上堂啦 XD

6月尾, 愉快既PN學年終於完左, 家長一齊搞左個gathering  (其實係家長好想影相XD)

6月30日, PN 班last day, 當晚就飛左去布吉lu...

第一次搭送機, 第一次小豬係飛機上瞓覺=.="

個旅行冇行程, 主要係酒店泳池邊hea... 不過老公都幾辛苦, 陪住小豬跳涯跳足30-40次...

真係you jump, I jump... XD

8月中... 小豬第一次游船河...

玩得好開心, 都肯落海玩...

不過玩得太開心時... 趕唔切去VV呀 (失禮晒... :P)

學校既中秋節便服日... 同學仔都好可愛呀...

小豬件衫, 著左第2年啦... 小小緊... 

( 其實金魚燈籠都係第二年用啦... 上年阿囡唔捨得掉, 今年一玩完就bye bye lu)

某日, 單拖小豬同D PN同學仔一齊去左迪迪尼...

呢個係小豬第二次入迪迪尼, 識玩左好多 (第一次得個歲幾)

好勁咁係10點半入場, 玩到睇埋煙花先走... 小豬玩得好開心 (但就熱C我啦)

好彩地, 小豬冇因此迷上迪迪尼 (雖然佢間唔中都有提下要去玩)

國慶假期, 去左沖繩玩呀... 雖然只係4日3夜, 但小朋友都玩得好開心...

老公們, 就好開心咁偷得半日閒出海釣魚...

老婆們, 當然係勁開心咁shopping 啦...

(對上果次去沖繩, yen 係10算架, 今次係6.5算... 真係勁開心)

出發前, 老公話帶個紅白藍去.. 我=.="

不過最後個紅白藍win晒... 裝到超超超多野...

旅行返來... 仲係好鬼熱...

搵左一日去BBQ... 同放風箏...

小豬第一次BBQ, 佢好開心, 但就唔食野, 只係狂食腸仔...

另一個某一日, 單拖同同學仔去左海洋公園...

玩得好開心... XD

期待左好耐既學校旅行

今次既行程緊湊好多, 小朋友又個個大左D, 互動多左好多

但個lunch就比上年差左好好好多... 

小豬仲勁好運咁抽中到全車最大份禮物添... (瞓覺都要攬住 XD)

最後散水時, 小豬驚覺唔見晒D朋友仔, 竟然開始喊...

某日去左玩渣打嘉年華 (如果唔係有小朋友, 肯定唔知有呢樣野)

小豬第一次玩畫面, 又肯俾去面人地畫喎...

雖然個個攤位都多人排隊, 又唔係檔檔啱小豬玩. 不過有朋友仔一齊玩點都好開心

係横風横雨既星期六, 小豬第二次去露營, 第二日朝早仲要係全年最凍既朝早=.="

阿囡玩得好開心, 好快就同隔離營既小朋友混熟左

我就覺得張充氣床墊真係唔多舒服... (可能我太重, 郁唔到=.=")

不過小豬都應該瞓得麻麻, 第二朝11點幾就自動補眠左成個鐘, 1點幾又夾硬被我拉住瞓覺, 瞓左一個晏晝

小朋友既重頭節日, 聖誕節

同上年一樣, 小豬超極期待

今年學校有4日便服日, 日日都著到紅噹噹咁返學...好開心

聖誕假期最後一擊

採士多啤梨, 餵小動物同BBQ

可能天氣太熱, D士多啤梨已經爛左好多, 好少收穫 (雖然都好好味)

至於餵小動物, 小豬已經好熟手, 知道要met 開D菜, 慢慢餵, 所以買左一包菜餵左好耐

夜晚去左另一個場, 釣蝦釣魚同BBQ, 朋友好勁, 釣左6條魚, 即刻燒來食好好味呀...

勁開心既一日, 玩到11點幾, 一次過满足晒大人同小朋友

超極濃縮咁寫左小豬2015年既下半年... 希望2016年可以寫多D啦...

2016年希望小豬繼續健健康康, 開開心心啦... 

(就來做家姐, 唔好呷醋呀, 要鍚住咩咩呀 XD)

大阪親子遊... D4

龜速遊記中... =.="

第四日既早餐係... 超好味既一蘭拉麵

我地朝早9點左右去到, 已經有D人排緊隊 (熊熊之前仲話邊有人會早餐食拉麵架...)

前面有10多個人, 排左半個鐘左右, 終於到我地啦(由於我地要3個位X2, 所以排得耐D)

碗麵同隻蛋都勁好味呀...

不過, 由於我碗麵要分俾小豬食, 所以冇得加辣...

小豬就勁鐘意隻蛋, 麵就食得普通啦~

我地好勁, 分開左2個3人位來排, 結果都係坐係隔離...

有隻熊想自拍, 但冇人理佢... XD

到我地食完走人既時候, 間舖出面條龍已經好長啦.. 我估起碼要排2個鐘=.="

食完早餐, 就check-out 啦~

Cross hotel 整體來講都幾好, 位置非常方便, 我地又被免費(加冇通知地)upgrade,所以覺得非常正, 個人最鐘意佢個廁所+浴室 :P

之後就離開左大阪市, 向和歌山出發

中途搵左間採士多啤梨既地方(農園紀の国), 小休一陣

果度可以放題, (1600 yer /40 min)或者採完磅重, 而我地揀左放題...

D士多啤梨好味呀, 同埋原來唔同品種D味會好唔同架...

食左半個鐘左右, 就已經食到一肚水, 要放棄啦...

唯一唔好既係, D士多啤梨係種係架上既, 所以2個小朋友都唔夠高自己採呀, 只可以負責食...

我記得係韓國, D士多啤梨係種地下架...

離開左士多啤梨園, 我地既下一站係... 繼續食...

來到超正既白濱市場啦... 不過我地有D趕時間 (未食lunch), 所以只係行左陣, 仲要分頭買酒+看住小朋友(1 group) 同埋買海鮮同魚生(另一group)

買左幾款魚生, 以海膽最最最好味 (不過唔記得影相...)

海鮮方面, 就有大蝦, 大蜆, 唔知咩野螺, 珍寶帶子, 再買左pack 和牛... 樣樣都好好味

以珍寶帶子最正, 同香港街市買既完全唔同級數, 好彈牙

原本諗住買個飯俾2個小朋友share, 點知D飯只可以堂食, 唔可以拎走喎...

再加上好多覺得佢地食得既野都賣晒 (當時大概4點左右啦), 結果買左一條魚蛋條, 同埋年輪蛋糕俾佢地. 點知, 佢地都唔係好食, 反而每人隊左4-5舊壽司白飯...

有D趕, 係因為我地趕住去酒店check-in (原本說4點架, 結果5點半先去到 XD)

我地住白濱既三樂莊, 頂樓, 所以有私人風呂, 一泊兩食, 差唔多46,000 yen /room, 係我地今次住得最貴既一晚 (其實, 包埋兩餐, 都唔算太貴)

第一次住和式房, 好正呀... 果日又幾好天, 上到房差唔多6點, 仲可以見到個海

酒店介紹, 有playhouse, 所以一放低D野就去睇下... 不過冇咩野玩... 玩左2玩, 就走lu...

因為... 係時候食晚飯啦~~~~ XD

我地係房食... 哇哇哇, 真係好大陣張呀...

4個人既份量, 放到成枱都係, 之後仲有幾個餸係等我地食完先上架

味道來講, OK啦, 又唔算非常之好味, 朋友話之前去箱根同有馬時, D野好味D喎...

哈哈, 小豬又幾襯和服喎 :P

食完野, 移師去我地間房飲酒, 吹水... 

2個小朋友都病病呀 (雖然玩埋一齊既時候, 2個都好精神)

我估冬天既室內外溫差太勁啦...

玩到12點幾, 休息瞓覺啦 (其實熊熊一早就瞓著左) 小豬就一熄燈就瞓左...

而我, 就浸左陣溫泉先瞓, 好爽呀...

31個月...

終於進入3字頭啦~~~ (其實應該上個月寫, 不過上個月冇野得來又好似好忙, 結果就... hehe...)

2歲半既小豬, 身高體重都冇再度啦, 應該繼續係個中碼B啦, 唔係, 應該話中碼小朋友先啱...

脾氣方面, Lei 輪佢D脾氣越來越臭, 不斷咁試緊我地既底線, 所以嬤嬤既地位就越來越高啦 (只限我地見唔到時, 見到既時候就會出聲阻止嬤嬤打救佢)一唔順意就會喊, 仲要喊得勁大聲, 我通常唔理佢 由得佢喊到自己收聲, 而小豬見我唔理佢, 就會走來我身上典來典去咁喊, 我都係唔理佢, 再然後佢就會自己收聲啦...
不過, 我覺得小豬由於平時爺爺嬤嬤湊, 已經寵到壞晒, 嬤嬤帶佢去會所玩, 都仲要抱住去, 話唔捨得佢行喎... (聽到真係想爆粗...)唯有自己執正D, 做下衰人, 希望小豬唔好變成港童啦...

返學方面, 小豬勁鐘意返學, 每日去到校門口, 未落車就已經係咁同門口既老師打招呼, 落左車直頭想自己衝入學校... 當然啦, 返到學校咪又係玩, 仲有人陪玩添... 之前未入LEI間學校時, 以為係勁谷型, 但係返左3個月學又覺得唔係喎 (起碼冇功課), 小豬又玩得好開心, 都唔錯呀...  唯一唔好既係, 返左學真係成日病呀... 3個月病左4,5次啦, 發燒都發左2次, 不過, 可能小豬太鐘意返學, 所以病親都係星期五放學後, 高峰期係星期六日, 星期一通常得返2聲咳, 又可以返返學喎... =.="

講野方面, LEI2個星期講野老積左好多... 例如問佢想唔想瞓, 以前佢係點頭OR搖頭, 琴日佢答, 想瞓呀 (然後繼續玩), 扭抱唔成功時, 又會同我講, 抱一下啦... 最好笑既係, 叔叔作狀想飲小豬既奶奶時, 小豬同叔叔講, 辣辣呀, 唔好呀... (笑死... 可能平時唔俾佢食既野, 都會同佢講辣辣掛, 所以佢又有樣學樣啦~) 小豬30個月去健康院跟進講野, 終於pass啦, 姑娘話佢進步得好快, 追返晒個進度, 下次去健康院就係四歲眼科普查啦

戒片方面 自從9月開始唔著片返學後, 都算戒到片, 只係換過2-3次底底... 依家出街就算著左片片, 就會示意要去廁所, 一條片可以著成日都唔濕架... 瞓覺片就可能10次濕1次啦 (不過濕親就好大包... :P), poo poo 片就係冇進展, 依然係要企係度痾, 小豬有時會同嬤嬤話要著返條片痾poo poo。 我有問過老師可以點樣處理, 老師都係話由得佢, 可以得閒提下佢, poo poo 係要坐係度痾架, 等佢自己ready 就得啦... 連老師都咁講, 我唯有由佢啦~

意外方面, 小豬由於太過好動, 真係意外頻生... 小則俾花生醬樽打到腳指, 俾廁所門既裝飾夾到手指, 俾洗手液打到塊面, 瘀左成個星期, 大至唔知點樣係房跌到個頭, 前額起左個好大個瘤

小豬係果晚(事發時係夜晚9點左右)被嚇親, 唔肯落地, 成晚要抱住同埋唔俾人碰佢個額頭, 我都被嚇親, 因為見到佢個前額起左個大過5蚊銀既瘤... 本來想即刻同佢去醫院照, 不過熊熊又咁啱果晚唔係屋企, 佢又用電話指示再觀察觀察, 我見小豬雖然唔肯落地, 但係抱住睇電視都仲係精靈, 飲水食野都冇嘔, 所以就再睇睇, 到去夜晚瞓左覺再睇, 個瘤已經退左, 只有紅紅青青咁, 但篤落去有D淋淋地... 再過多幾日就散晒lu... 真係嚇C...

再仲有就係, K1 面試啦 (8日in 左6間都幾誇張), 不過小豬都係當去玩者, 玩完又有糖食

同埋, 返左1年10個半月既PG終於唔返啦... 小豬有D唔捨得, 仲成日問起係唔係返PG呀... 好啦, 遲D有機會再去玩啦~

最後po 相... 原來越大影到既相就越少... =.="

lei 個look 唔錯, 可惜又係冇張望鏡頭...

去到太婆屋企玩, 勁多小朋友, 勁多玩具呀...

同朋友仔玩, 好開心...

開始有聖誕燈飾啦, 可惜又係唔望鏡頭

前幾日返學, 凍左好多呀, 但仲未轉冬季校服, 唯有著住私家褸先啦~

29個月

遲左一日寫, 不過都要寫下, 因為係最後一個2字頭月份...(時間總係飛逝, 覺得自己飛咁快地老緊... =.=")

身高體重.... 好耐冇度, 應該29磅以上, 90+ cm 掛

食野, 同之前差唔多。返左校之後, 我係返學路上俾小豬食D早餐, 通常都係蒸D饅頭, 燒賣, 或係粟米或自家製面包(不過小豬超唔俾面, 食面包時都食好小... >.<) 最鐘意食淨饅頭... 放學後, 會俾小豬食D生果 (小豬依然係餓鬼上身咁... :P) 近期新寵係奇異果, 日日一上車就話要食奇異果...  午餐晚餐都係99搞既, 聽講都食得可以, 週末我地出街既話, 就會俾小豬係街食野, 通常都係食中菜, 因為小豬既至愛係白飯, 最勁果次係冇餸既情況下, 食左大半碗白飯 (係茶樓果D堆到成座山既白飯) 早晚奶都繼續係每餐6安, 依然用緊奶樽, 我仲未諗到如果唔用奶樽,  朝早6點果餐奶要點搞...所以都係用住先啦~

瞓覺... 返左學之後瞓少左好多呀... 因為小豬依然夜晚夜一夜先瞓 (起碼都要11點), 朝早就8點俾我叫起身, 下晝nap 就要nap 2-3個鐘, 根據99既講法, 係叫極都唔肯瞓, 瞓左就叫極都唔肯起身... 週末同我地出街玩, 就可以skip左個午睡時間, 夜晚就8點瞓到第2日9-10點... (似足我呀... :P)

戒片方面, 今個月開始就冇著片返學啦, 至今都算OK, 好少失手, 99話瞓完晏覺後, 好多時條片都係乾架, 出街 (就算著住片)都會同我講濕濕/ 急急, 等我同佢去廁所(當然有時係報流料, 只係想出去行下) poo poo 片都仲係零進展, 可能開始有D習慣係夜晚poo poo, 所以99又好少同佢戒poo poo 片,.小豬又C係要企係度先會poo poo, 呢個問題都幾頭癢..

返學方面, 好鐘意返學, 每日都係笑住入學校, 笑住等我去接佢。 最近幾日, 入左學校會轉身同我講bye bye 啦 (望住小豬大得咁快, 真係有D唔捨得) 係屋企成日都係提住miss choi 同 miss yoki (小豬既班主任), 問小豬miss choi 同佢講咩野, 佢會話 " Iris, 唔好走, 坐定定... " (俾佢笑死...) 不過老師話小豬有進步 , 呢個我都覺得... 一開始返學時, 小豬見到我, 就會不顧一切咁衝出來, 依家佢會坐係自己個位度同我揮手, 等老師叫先出來 (仲會推埋張櫈添)

講野方面, 返左學之後都講多左野, 係屋企會唱D我冇聽過既歌, 最勁果次係打風係屋企果日, 佢瞓醒, 一坐起身, 就係度講" good morning miss choi, good morning miss yoki, good morning classmates, i'm iris, how are you, i'm fine, hahaha..." 哈哈, 第一次聽佢講咁長既人話, 都幾surprise 架, (雖然有D字都係我估下既), 不過之後叫佢講次俾熊熊聽, 就唔肯lu...  我估小豬果下係發夢返緊學呀...

好耐冇影既瞓覺相, (因為通常我都同小豬一齊瞓左lu... XD)

今期大熱既兔仔耳頭cool, 小豬都好鐘意, 指明要帶呢個先出門...

小豬既另一至愛頭飾, 就係帶帽啦...

中秋節, 學校要求著唐裝, 臨時臨急咁, 本來想TB, 又驚趕唔切, 

最後係深水埗既檔仔搵到佢...

中式得來, 又有D活潑, 最緊要係只係$39.00咋, 著一次都唔肉赤... 

點知真係著得一次咋, 返學返來就已經爛左DD啦, 要補返先可以著來夜晚賞月...

有得玩就成隻甩繩馬騮咁... 

雖然只係樓下超細遊樂場(得一座野咁大把), 不過都可以玩到身水身汗咁...

最鐘意都係見到小豬開心笑 (lei 張笑得有D假)

下個月就係2歲半啦...

媽咪希望你每日都健健康康開心笑啦... 

返學唔好俾老師投訴就OK啦~ XD

27個月

26個月時冇寫到 (好似係掛住上網睇峇里既blog). 27個月點都要寫下, 如果唔係就會由月記變季記lu...
寫27個月前, 我走去睇返25個月時既週記, 哈, 話進步又好似冇咩進步, 但又同之前唔同左...

體重... 係冇唔同既, 依然未衝破13KG, 不過就已經經常地12.9KG啦 (由於LEI輪熊貓減肥, 所以個稱常擺廳中, 仲時不時稱豬仔 XD) 身高, 有90 cm 啦, 我覺得都叫OK啦, 唔駛再靠紥噴泉頭來扮高 :P

食野方面, 都係差唔多, 我地帶既時候, 小豬基本係食大人野架, 99帶時仲會將D野煮得軟身D俾小豬食。不過, LEI幾日小豬唔知點解唔多肯食生果, 以前食好多架。lei 輪只食藍莓, 西瓜同火龍果。 香蕉, 橙同車厘子就失寵lu... 飲水就飲得幾好, 有時會俾杯子佢, 有時會俾水樽, 小豬都肯飲。 飲奶都仲係用奶樽, (應該係我懶, 冇幫佢轉, 朝早果餐小豬係瞓住飲, 所以用奶樽方便D, 不過遲D開始返學就應該要佢起身先飲奶, 到時轉掛)

Potty training, 同之前差唔多...  vee vee 基本都冇失手, 但大部份時間都係大人睇住時間帶小豬去vee vee, 問佢駛唔駛, 小豬永遠都係答"NO", 有時, 會同我們講"濕濕" 即係要去vee vee, 都忍得到我將佢放上廁所既... poo poo 方面, 冇進展, 唔肯坐係廁所上poo poo, 就算唔著片, 都會poo 落底底度 (有一輪仲每晚都係返到屋企先poo poo,  我每次都要掙扎下, 到底係成條底底丟左定係洗左佢...) 有樣要記底既係, 小豬LEI輪夜晚條片真係超爆, 仲試過有一次連床單都濕左一大片。以前小豬一個星期都有1-2日, 睡醒覺, 條片係好乾呀, 今個月肯定一次都冇試過。 睇D專家講, 要夜晚D片開始唔濕, 小朋友先可以開始戒片架, 點解小豬好似行返轉頭既?

講野方面, 進步左, 有時可以講到一句簡單既句子, 講得比較多既係"爸爸返工lu"同"爺爺打波波" 間不中又會講D搞笑野, 例如佢自己爬上枱拎餅食, 99見到話佢危險, 佢會搖住頭話" 唔好鬧唔好鬧" 數字同顏色都只係講英文, 但PG又話幼稚園係考中文, 講英文冇分喎, 真係好麻煩... 但都有同小豬講多幾次中文, 另外, 名, 年紀, 性別同住邊都識講 (不過好多時出到去問佢, 就會好怕醜, 唔肯講OR講得超細聲)

動作方面, 繼續係馬騮, 再加上去峇里曬黑左, 真係成隻馬騮咁。 好鐘意玩水, 去到沙灘勁大膽, 自己行入海, D水差唔多去到下巴既位置。我係隔離真係望到實...

返學方面, 下個月就要開始返學啦 (雖然只係返2個鐘) PG提前俾學生試下自己上堂... 20分鐘咁多...小豬都算係班入面好鎮定果個, 望住人喊 自己冇喊, 只係放家長入去課室後, 見個個同學仔攬住爸爸媽媽, 佢都會攬埋一份。我幻想緊小豬返學唔會喊, 係開學前, 應該仲可以幻想下既... XD

依家影相, 叫小豬笑, 佢會搵手指篤住塊面 (應該係99教架)

lei 個樣有D老積...

每朝都要食住餅餅先肯坐BB車, 但總會留返一塊去餵魚...

LEI張相NG左10次有多, 先影到一張企係度既...

LEI隻小豬, 應該都幾自戀, 最鐘意見到自己同睇自己D相

lei張semi-自拍相, 笑得幾開心...

我同佢影相, 就變成咁樣

明明想影下新買既泳衣, 結果冇啦啦說要睇書, 仲擺個好認真既樣... =.="

25個月

咁就又一個月啦~ 寫成長記錄其實都幾好, 以前以為一定會記得既小豬既第一次, 其實隨住時間, 係會唔記得架, 所以寫低就實冇問題啦~

25個月既小豬... 依然係得27磅左右, lei 個12-13kg既重量已經徘徊左3-4個月啦~ 唔知幾時先會有所突破lei... 高度係88cm 左右啦~

食野方面, 同之前都係差唔多, 1日2餐奶, 2-3餐飯/面/米粉/ 字母粉等, 餐與餐之前有數之不盡既小食同零食。我有同99講話, 健康院姑娘話餐與餐中間只可以做一次茶點, 如果唔係對D牙唔好架... 99好讚同, 不過讚同還讚同, 小食同零食依然係數之不盡 =.=" 食飯方面, 小豬基本上都係自己"筆"來食, 都算"筆"得唔錯, 比之前既成地都係好左D架啦~又識得自己捧住個碗來飲湯(超愛湯), 通常都係自己飲一半, 請件衫飲埋另外果半... 超超超愛飲維他奶, 我本來以為小豬只係鐘意飲紙包(可能見到大人有得飲, 所以又想飲), 有次買左包韓國草莓牛奶俾佢飲, 點知飲左2啖就俾返我啦, 但飲維他奶真係勁快, 細包果隻2啖就飲晒lu...

瞓覺方面, 我99成日講, 小豬依家最唔聽話就係瞓覺, 要氹好耐好耐先肯瞓... 我都覺得係貪玩左... 我以前夜晚一邊開住電視(但冇聲既), 一邊同佢唱下歌, 拍下佢就OK啦, 但lei 輪小豬係要坐係度同我一齊睇電視, 仲要睇到好入神, 我唯有熄左電視陪佢一齊瞓啦~ 結果, 我瞓左小豬都仲係跳緊... 所以lei 輪我晚晚都好早瞓 (11點左右啦)

Potty training 方面, 小豬從上海返來之後就正式開始左potty training 啦... 99話, 每次vee vee 完就會同99講"嫲嫲濕濕, 嫲嫲濕濕..." 但就唔肯坐potty, 要vee 係地上/ 片片上 =.=" poopoo 方面, 有試過一次成功既... 唔心急, 慢慢來啦, 唔好俾壓力大家 (主要唔係我洗褲既... :P)

動作方面, 繼續向住馬騮方面發展, 帶佢出去放電真係放埋自己D電咁, 不過放電工作大部份時間都係62來做, 每日朝早就99帶小豬去會所, 瞓醒晏覺就叫爺爺帶去公園, 一日出去玩2次係唔係太多lei? 依家識得自己上落樓梯, 如果拖住佢一隻手 (如果佢肯俾你拖既話), 行樓梯就好似大人咁連住行架啦~ lei隻豬出街仲係唔多肯俾人拖手行 (lei 樣真係最頭痛). 有時拖住手行得果一陣, 就要你抱 (好多時仲要指明要我抱), 真係抱到手都斷, 所以依家出街仲係要帶住BB車 (但隻衰豬好多時都唔肯坐BB車, 要用餅, 維他奶等引佢坐一陣) 依然會瞓地下, 所以我同熊熊既共識係瞓地下, 數3聲都唔起身既話, 就要打pat pat ... 試過一日打左4次patpat...其他唔乖既地方會講道理, 只係唔可以瞓地下...

講野方面, PG話要識講全名喎, 小豬仲係唔多識, 不過維他奶奶就講得好標準, 好明顯係小豬唔肯講啦~ 其他單字比之前都多左好多, 雖然主要係食物, 都好呀... N+V既簡單句子, 係見完健康院姑娘後都明顯多左... 識唱既歌除左完整ABC song之外, 仲有好幾首超級無敌估歌仔, 包括twinkle twinkle little star, thank you song, happy birthday, which way we should go, number song, I love my family等 (well, PG話最少要識唱一首中文歌喎... 其實, 小豬都識唱"我是隻茶壺"既, 不過大部份人聽唔明者...)

病病方面, 小豬係2歲生日前 (即係去上海前) 又病左次甘既, 食左第2次抗生素... 今次小豬食藥真係好乖, 完全冇反抗, 食完藥仲主動飲水, 仲會自己拍手話叻叻... 雖然食藥好乖, 但都係希望小豬唔好成日病啦~ 1-2歲好似加加埋埋病左5次呀... 遲D仲要返學添...

含住維他奶既包包樣, 你話如果平時都係包包樣有幾好lei...

難得企定定俾我影相

唔夠一秒就走左lu...

見我地走左唔等佢, 又喊住咁跑返過來...

依家隨時隨地都可以影到既豬嘴相... XD