K1 面試... 1

N班大作戰完成好似冇幾耐, 又到K1啦~
其實對於小豬依家讀緊既果間, 我覺得so far 都幾好, 只係貴左D, 所以K1主要想搵D一條龍既學校又或者試下D再出名D既幼稚園 (主要係熊熊係咁叫我報 =.="), 當係玩下啦 (實在唔敢抱好大期望
最後, 預計會報10間, 其中3間一條龍學校未開始報, 其餘既7間已經出晒面試時間表啦。 有2間撞左時間, 所以我地只會去其中一間...
面試前既準備工作係...

報名相

其實我覺得未必有好大作用, 不過每年有張靚相都幾開心...

然後, 係戰衣...

襯左2套,可以以防萬一

再然後,當然係幫小朋友準備面試啦... well, 呢方面除左PG有安排左1-2次既mock interview (其實係俾我既)之外, 其實我冇幫小豬做D咩野特訓, 唱歌同玩玩具就平時做開既, 教形狀都係平時做既 (佢D形狀係上2個星期先開始OK D, lei 樣野有D小朋友歲幾就識啦~ =.=") 顏色既中文有時仲係講到亂晒咁, 不過英文就OK啦... 其他, 就希望小豬當日心情靚靚又遇到個笑容好DD既老師啦~

---

上個星期五, 係小豬第一個K1面試... 

間幼稚園其實同小豬依家讀緊既好類似 (好似小豬既校長係lei間既校董?), 不過LEI間學費平D, 所以諗住見來warm-up 下...  而事實證明真係要warm-up架, 我....

去到學校, 我先發覺, 又冇幫小豬帶水, 冇安慰零食, 冇濕紙巾, 冇帶小玩具, 簡單來講就係咩野都冇帶 =.=" 好彩學校開放左個playground俾小朋友玩住來等, 個滑梯又好滑好好sir, 小豬玩得好開心, 雖然媽咪咩野都冇帶, 但小豬又一樣都唔需要...

去面試, 分為2 part, 1 part 係家長面試, 由我負責, 另一part 係小朋友既group interview, 由熊熊負責...

家長部份, 有2個家長輪住來答, 共4條問題,  每人每題45秒 (其實我覺得一個個見都係差唔多者, 雖然我隔離既家長好鬼勁, 令我覺得自己D答案好似小學生咁...=.=")

小朋友部份, 跟據熊熊既講法, 小豬係零反應... =.=" 連自己叫咩野名都唔肯答 =.="

熊熊話, 個老師係個好肥既印籍女仕, 可能小豬有D驚掛, 全group 7個小朋友, 得1個小朋友係有講到自己叫咩野名, 之後有講故事時間和跳舞時間, 但小豬 (同埋其他小朋友)都係冇咩野反應, (其實講既故事係有關猴子食生果, 小豬應該係識晒啦... 唱歌都只係唱Hello Song 同Head and Shoulder , 小豬平時係屋企係一邊唱一邊作動作架) 所以今次既面試係百分之百失敗架... :P

不過唔緊要啦, warm-up 下啦, 希望來緊既面試好運D啦~

臨入學校前, 影張相先...

好乖咁企定定俾我影, 不過個樣唔駛咁唔满意掛...

都係有得玩先開心~

來緊既一星期就in埋報左名既果幾間幼稚園啦, 要加油呀~

Halloween Party

係開始寫K1大作戰前, 都係寫返D開心野...
小豬期待已久既Halloween Party, 終於係星期二完成左啦 (我估應該係老師成日都講, 所以小朋友真係好好好期待呀, 小豬從大半個月前就不斷提住Halloween, 成個星期前就多左個party , 變成左Halloween Party, 之後就不斷講不斷講, 一日要講成幾十次... =.=")

學校係成個月前就出通告, 叫家長準備, 係24號就話有halloween gift, 就係魔鬼角頭箍, 披肩同南瓜頭啦~ 小豬超合作俾我裝上身影相 (雖然所謂既gift 係包係雜費中既, 不過我覺得都好過冇呀, 而且小朋友真係好開心喎)

我幫小豬準備既甲蟲裝, 影左N張都影唔到

買既時候, 諗住10月尾會凍, 甲蟲裝可以加長袖衫同襪褲 (點知一D都唔凍)

參加party 時, 自己執左下個頭箍 (原本果個豎唔起)

熊熊既lei 張相影得唔錯, 可惜影唔到對翼

換個角度, 即刻肥美左... XD

學校既佈置都幾有心機架...

party 開始啦~~~

實際都係唱下歌, 跳下舞, 有魔術表演, 又有D遊戲, 個幾鐘, 都算係咁上下啦~

好幾多影相既時間, 所以我估家長都唔會悶掛 (我覺得唔悶, 但係熊熊係度打機=.=")

不過, 家長太太太熱情, 我好難幫小豬影相呀~

完左成個party後, 學校又送左招牌既popcorn俾大家食, 小豬食到唔肯放開個杯呀... 

星期三輪到其他班開party, 所以小豬放假

今日同聽日, 學校都叫大家可以著halloween 既衫返學. 所以lei 個係今日返學既look

聽日就會著返甲蟲衫啦 (諗住著多次, 抵D XD), 不過唔知點樣揹書包LEI?

逢年過節就係時候搵舊相 (覺得自己已經好似阿婆咁... =.=")

上年影完LEI張相, 就開始戒奶咀啦~

雜記

記一

佔中前段, 陪小豬瞓覺時, 都會開住電視煲新聞, 睇下睇下總會神色凝重 (我估...) 有一次, 睇睇下, 小豬突然扑過來, 將我頭擰向佢, 同我講, "冇事架, happy~~~" 然後, 將手指放係我既嘴角上, 夾硬向上篤... 篤左幾下後, 又自己做返happy 個樣, 繼續講緊 happy...

果下真係幾surprise... 一來小豬竟然見得到我唔開心, 仲識過來安慰我, 二來又覺得, 真係要多謝企係最前線既學生, 佢地努力爭取既未來, 小豬都會有份享用, 自私既我真係唔希望小豬第時大個仲要企出街頭爭取同一樣既野...

記二

剛過既一星期可謂係小豬既多災多難週, 星期一定二既時候, 小豬自己衝左入廁所, 諗住拎洗水液洗手 (玩水就真), 點知拎唔穩, 枝大半满既洗手液就咁撞左落塊面度, 我係廚房聽到小豬係廁所喊, 衝去睇佢, 已經係一面淚水, 再加地上有枝洗手液 (所以個案發過程係我想像出來既) 初時唔知撞到邊, 夜晚換衫時就見塊面瘀左...

之後果幾日, 老師都叫我幫小豬擦喜療妥...  其實爺爺日日都諗住幫小豬擦, 不過小豬唔肯, 要自己擦, 結果擦到成隻花面貓咁, 跟據爺爺講, 枝喜療妥俾小豬3日就擦晒啦... =.="

去到星期五, 塊面上既瘀終於散得7788啦, 小豬就開始開學後既第3次咳同鼻水啦, 仲傳左俾熊熊 (由於有傳俾我, 所以我相信今次既病菌冇上次咁利害, 於是朝早同臨瞓前就餵小豬食咳藥水同收鼻水藥, 等佢瞓覺時可以瞓好D...)

去到星期六, 我地係婆婆度臨走時, 我行左入房換衫, 小豬又跟埋入來... 我換完衫走去廳執野 (諗住小豬都會跟出來). 剛剛到廳時(其實即係行左唔夠10步), 就聽到房入面嘭一聲, 跟住小豬就係度喊啦... 衝入房見到小豬果隻喊法, 就知大件事啦... 拿拿聲周圍摸下, 就見到佢左面額頭起左個瘤 (仲大個個5蚊銀)...小豬狂喊完一輪就冇喊啦, 我就打俾熊熊睇下駛唔駛入院檢查下, 結果熊熊話前額應該冇事既, 如果個人都精靈, 就係屋企觀察下 (當時佢行緊山, 打左N次先打得通) 於是我決定係婆婆屋企留宿 (touchwood, 有咩野事都多2個人幫手)

跌完之後既小豬有D受驚, 唔係好肯落地, 要公公婆婆抱住, 而且絕對唔俾人碰佢既前額, 我本來諗住幫佢貼下退燒貼, 當係冰服, 點知小豬一見到退燒貼就又喊過, 唯有由得佢...

等小豬瞓左覺後, 再睇下, 已經退左個瘤啦... 只有青青紅紅既一片, 只係紅紅既地方摸落去有D淋淋地... 

觀察左日幾, 個人幾精靈, 同平時一樣咁爛玩, 同平時一樣唔肯瞓晏覺, 但一瞓又瞓好耐, 同平時一樣咁食左幾啖飯就開始搞搞陣, 我估應該冇事掛, (真係嚇死我...)

記三

星期一, 同一日知道3個人離世既消息... RIP

一個係FB 既 Fans page 既主角, 雖然同佢素未謀面, 但佢因為生BB而出事, 個BB只比小豬細半年咋, 當時小豬仲係個BB, 所以我對呢D新聞特別敏感... 小BB係出世後既半年左右就離世了, 而媽媽依家都離開左, 可能也是個即定的結局

第二個係我大學既師兄, 上莊, 雖然一向唔熟, 而且1X年冇見, 但對於佢既離世依然覺得好震驚和難過, 昨天不時都會想起他那128K的說話速度和神態

第三個係朋友既公公, 都算有一面之緣, 早幾日先聽講身體不適, 估唔到咁快就走左, 不過對老人家來講, Lei 個都係種褔氣...

只能說生命無常, 時間有限, 要好好珍惜身邊的人, 也要為身邊的人好好珍惜自己...

週記3 之去公園

係冇野做既週末,本來應該去游水, 不過過左中秋後, 就唔落水啦, 所以改為帶小豬去公園玩, 放下電... (不過通常被放電果個係我... =.=")

發覺阿媽屋企樓下既playground 都唔錯, 雖然得一組玩具, 不過勝在少人玩, 又好啱小豬既年紀玩, 所以佢依家每次去婆婆度, 都要停底, 睇下有有機會玩左先上婆婆度...

有時覺得小豬應該要改名做馬騮...

買左滑板車俾小豬...

個樣睇落幾似模似樣, 但實際係慢過佢自己行路既...

係小豬未識玩之前, 當係等小豬行慢D啦

遲D小豬識玩既時候就...  (到時先算啦)

Popcorn果邊個公園仔, 只係可以影下小豬玩swing

小豬一落地, 就一枝箭咁走左出去, 我係後面追都追唔切...

熊熊一齊既話, 就會去寶康公園...

果度真係勁多野玩, 玩到小豬唔肯走

叫小豬走時, 佢仲不斷咁話要SIR 滑梯 (但其實佢玩左成個鐘都只係SIR左1,2次滑梯咋)

不過去公園玩都係要小心D, 去寶康公園果次, 就見到個小朋友(6-7歲掛), 唔知點樣玩到暈左, 要CALL白車... 另一次係popcorn既公園仔, 見到爸爸好緊張咁四圍搵個囡, 好彩最後都搵得返... 所以去公園真係要望到實一實...