2013年1月30日 星期三

嘔嘔驚魂記

今日, 一如以往, 俾99度食完晚餐,餵左瑤瑤豬食左小小香蕉蓉 (不過小豬唔係太鐘意食香蕉, 所以只係小小) 搞掟晒, 就帶小豬俾屋企LU~
熊熊由於備戰馬拉松, 所以貓貓帶小豬返屋企先...

返到屋企, 小豬就爆喊左幾聲, 之後又冇野喎, 於是貓貓就將佢放係間玩具房俾佢自己玩, 貓貓就開始做家務做做下, 就聽到小豬爬出來既聲, 於是要拉拉聲拎佢返房,  仲試過有次佢爬左出廰, 自己扶住茶几企係度, 玩胡椒粉 就咁樣來來回回拎左幾次後, 貓貓係廳既家務終於做得差唔多啦, 於是收左D衫諗住去玩具房折, 順便可以睇住小豬啦~

去到房門口, 就見到牆邊有D黃色野, OMG... 第一下, 貓貓仲以為小豬漏POO POO 添, 再睇真D, 小豬坐左係度, 成身都係果D黃色野  不過佢又冇咩野喎, 冇喊之餘, 仲玩緊手上果D黃色野 於是拉拉聲抱起佢, 抹手手同塊面, 除左D衫 (仲要痴到貓貓成褲都係) 再同佢著返D衫, 又唔係好敢放佢係床, 驚佢又嘔過, 最後都係將佢安置係自己既床仔先 (小豬全程都好似冇野喎, 繼續四圍反, 搵野玩)見到小豬冇事, 就輪到貓貓想喊啦~

處理左佢身上同貓貓身上既黃色野(其實只係除左D衫, 浸住先), 就係時候睇清楚留係現場既黃色野啦, 有葉啦, 有魚啦(所以好腥), 仲有D蕃茄咁上下既野, 觀察完就要清潔啦~ (做左媽媽之後, 真係唔同D, 望住LEI D核突野, 第一件事竟然係睇清楚有D咩野, 然後仲要清潔一大輪) 只係果張地墊就抹左6次, 抹到手軟 (抹抹下既時候, 小豬就開始扭計喊啦, 仲要好慘慘果隻, 唯有洗手抱抱啦, 一抱起即刻冇事) 算啦, 見小豬剛剛嘔完, 就抱下啦...

過左一大輪, 熊熊終於返啦, 於是佢就幫手同小豬玩 (其實係俾小豬玩) 貓貓就繼續抹地洗衫餵奶, 搞完一大輪, 就12點啦, 剛剛夠鐘睇天與地

第一次handle小豬既嘔嘔 (仲要得自己一個), 都叫可以啦, 貓貓估可能又係香蕉出事( 雖然只係小小, 不過之前都試過一次食完香蕉嘔), 所以暫時都係唔好再食香蕉啦~
雖然D嘔嘔衫好核突. 不過貓貓都慶幸到左依家先係第一次(touchwood) 同埋最緊要係小豬冇事(做左媽咪, 真係諗野都唔同D呀)


事發後影架, 睇下小豬係床仔度玩得幾開心, 留返其他野俾可憐既貓貓執手尾...
不過算啦, 見你冇事, 貓貓就安樂晒啦~ (其實都有諗過, 會唔會係佢玩得太喪, 

2013年1月24日 星期四

小豬練仙記

瑤瑤豬吃奶方面, 一向普普通通, 但自從6個月開始吃糊仔之後就開始好左好多, 食埋粥仔, 直情俾人叫佢大食妹... (每日3餐奶, 每餐8-9安, 2餐粥仔, 大人既碗大半元至一碗) LEI個幾月都係咁樣喎, 貓貓真係好心滿意足架, 點知琴日小豬就開始左佢既練仙記啦~

琴日貓貓俾99既第一餐奶係200ml 冰奶加100ml雪奶 (比平時多左1安多D), 諗住瑤瑤應該都食唔晒架, 所以冇特登同99講唔駛餵晒。點知打返去既時候99話小豬食晒10安奶喎~~~  well 食得係好事, 不過10安好似真係有D多喎, 不過係貓貓冇同99講清楚, 所以算...
點知99 3點幾打俾我, 話下畫果餐粥只食左一啖就木咀唔肯食 咁可能係之前食奶食太多, 未肚餓掛, 等4點先餵啦....
點知4點幾打去, 99 話又係食左一啖就木咀, 嗯, 可能仲未餓, 不如skip一餐, 早D餵下餐啦~
點知7點幾返到去, 99 話, 第二餐由頭再煲過D粥, 都係食左小半碗... 貓貓試下D粥, OK呀, 唔難食喎
諗住接左返屋企, 俾佢食佢最鐘意既芝士西蘭花baby food (係呀, 因為琴日已經係第3天冇poo poo啦), 都係食左小小咋..............
夜晚10點幾枝奶又飲得晒喎...

到左今日,諗住11點俾多次BABY FOOD, 等佢快D有poo poo, 點知99又打來話小豬唔肯食呀...........

哎呀, 倒底發生咩野事呀... 如果食滯左都唔駛滯咁耐掛, 都只係食多左小小者
好彩都仲精靈活潑, 希望陣間果餐肯食啦~



ops... 戴左發夾都唔似女仔... 點算好~

2013年1月18日 星期五

九個月... 啦...............

堅持堅持... 希望每月巡禮可以堅持落去啦 (雖然已經跳左個8個月)

九個月既瑤瑤豬, 身重有19.5 lb, 大概71CM啦 (全部靠估)

食野方面, 已經係8個月左右改為3奶2粥, 仲試過食baby food。
飲奶方面, 朝早依然會埋身親熱一番, 再補4-5安樽仔, 11點半果餐同臨瞓前果餐就飲8-9安奶 。睇健康院既書仔, 似乎飲得太多奶啦。指引話, 大概每日飲20安奶就OK啦, 瑤瑤豬大概飲緊25-27安奶呀, 不過見冇影響佢食粥既胃口, 就算啦~做緊奶媽既貓貓依然希望小豬食多D奶架啦~ (有私心)
食粥方面, 由8個多月開始食粥, 一開始一日一餐, 好快加到1日2餐。自從有高人指點, 用肉或魚煲湯, 然後再煲粥 (當然粥內仲要加菜呀 肉呀, 瓜呀, 魚肉呀等等), 99煲既粥材料十足, 多到貓貓擔心餸多過粥呀。瑤瑤豬好識食呀, 好味既粥, 可以食一大碗(成人既飯碗), 冇咁好味既就半碗啦~~~
Baby food 方面, 去旅行果5日, 每日食2餐, 相對粥來誁, 小豬唔係好鐘意BABY FOOD, 通常食到一半就開始扭來唔肯食lu, 貓貓估可能同D質感有關, 小豬已經唔鐘意食太稀既野LU,
生果方面, 依然係蘋果為主, 梨都鐘意食, 試過食提子, 不過貓貓覺得太甜, 就冇再俾小豬食。LEI輪食多左火龍果, 通便MA (雖然小豬唔多鐘意, 通常食左1X啖, 就開始木咀)
飲水方面, 小豬鐘意飲水多過有味既飲品, 例如稀左既蘋果汁, 紅蘿卜水都馬馬地鐘意飲, 水就好小小,都會飲幾啖既, 學習杯, 依然係玩具


Poo Poo 方面, 自從6個月開始食固體, 就一直都唔係咁好。通常都要3日先一次, 有試過4日先一次架 (做左人媽媽先知道, 有便便係幾咁重要。記得某奶粉廣告, 話便便係好基本既野, xxxxx... <- 諗lei段對白既人, 肯定未做過媽媽....) 有時d poo poo 太硬, 會一邊痾一邊哭架 不過去旅行果幾日, poo poo 就幾好, 差唔多可以日日都有, 可能baby food 入面有足夠既纖維掛。旅行返來之後, 貓貓想左好多方法, 例如每2-3日食一餐baby food, 煲紅蘿卜水, 食火龍果... 暫時, 食火龍果好似有用D, 不過都係要多觀察觀察。容易痾既時候, 小豬係會有一個痾poo poo 樣架, 除左玩緊既時候會突然唔郁, 仲會擺出一個尷尬樣, 再加幾聲"嗯", 就搞定, 唔容易痾既時候, 小豬就會一邊痾, 一邊喊架~ (真係陰公豬啦~)

行動方面, 已經係行動力十足, 不斷又爬又坐又企,四圍係度搞搞陣。旅行完返來, 將衣帽間改為BB爬爬房, 初初果幾日, 仲肯係入面玩, 之後就識得自己爬出來LU... 試過有一次爬到書房爬書架 ,然後, 對手唔夠力, 成個向前跌...  lei 個係看牛生活既開始。最近幾日, 終於識得bye bye 啦, 你同佢揮手講bye bye, 小豬又會識得揮手喎... 除左bye bye 外, 仲識得拍手喎 (不過, 小豬鐘意幾時拍, 就幾時拍, 你叫佢拍, 佢係唔會睬你架...)

講野方面, 已經好穩定地日日係度babababababa啦, 得肚餓同喊既時候先會係mamamamama... (生女啦, 生女就係咁樣架啦, 媽咪對佢幾好都𠃑, 都係爸B行先架....) LEI幾日, 係揮手bye bye 時, 有時都會有埋類似"bye bye"既音, 99 當十足十係講緊bye bye 啦~ LEI2個月, 小豬鐘意講野左好多呀, 又鐘意尖叫,非常之大聲...開心既時候, 一邊尖叫一邊拍手, 喊既時候, 有時會一邊喊一邊fing手, 好搞笑...


仲有, 就係終於係8個月多小小既時候, 出第一隻牙仔啦, 出牙還算順利, 除左小小扭計外, 都冇咩野唔舒服, 去到1月頭既時候, 出埋第二隻牙仔啦, 依家已經唔係冇牙妹啦~ 出左牙仔既瑤瑤豬好得意呀 (雖然, 貓貓都會掛住未出牙仔既小豬) 仲有仲有, 係LEI2個月中, 瑤瑤豬參加左3個婚禮, 1個旅行同埋人生中第一個聖誕節呀...

識爬出房既小豬.... 影唔到相啦~~~


坐車車, 出街街, 當然要SET返個靚頭啦~


你係邊位呀, 做咩野影我相 (媽咪都唔認得, 衰豬...)


唔理你, 自己玩波先~






2013年1月14日 星期一

高雄5天遊~ part 3

第三日係今次旅行既主菜, 大表哥既婚禮呀~~
可能當日係好日, 所以, 要係中午去飲。由於D長輩要早D去到飲茶, 所以都係晨早起身, 去到酒店呆坐
瑤瑤豬去到都幾精神 但玩左幾玩, 嘆埋枝奶, 就開始大覺瞓LU~ 連上台影相, 都係抬住瞓到好香既小豬一齊架咋 (手都就來斷...)影完相又係等呀等... 差唔多開席既時候小豬瞓醒啦~ 不過就拉濕左醜死怪呀... 啦啦聲拎佢出去換片又換衫 (仲要大庭廣眾上演香豔, 但又有小小臭既除衫好戲) 換完片, 已經有得食啦~~~ yeah ~~

台灣既飲宴餸同香港有D唔同, 所以貓貓覺得好有新鮮感呀, 再加上熊貓果枱有幾個BB, 少左幾個大人, D餸食極都食唔晒, 好好味呀... 不過掛住食, 完全唔記得影相 (唉, 依家都真係唔記得左 食過D咩野呀, 應該有烏魚子, 龍蝦做既冷盤, 有蒸鮑魚...其他唔記得LU~) 總之就係又多又好味啦


hoho... 原來有影MENU喎, 見到就記得好多都好好味, 可惜上羊排時已經飽到上心口, 所以一啖都冇食呀

lei個係花好月全圓, 亦係唯一有影相既一道餸, 係餐前小甜食, 好味 ~

食到散場, 又搞左一輪, 先有旅遊巴接返我地。原本諗住返左酒店再出去遊愛河, 可惜時間真係好緊, 而有D老人家們由於一早出左門口, 去左下晝就差唔多要插返陣碗, 所以臨時取消左個遊船河行程(都好既, 其實貓貓都唔係真好想遊船河)返酒店抖左陣, 就出發去食超極好味既海鮮啦~~~
間舖頭係大表哥介紹(同埋單)既, 好似係段人頭計架 (唔知幾錢), D海鮮真係好得, 生魚片, 涷蟹, 花螺, 烤墨魚等(其他唔記得左lu~) 而小豬係我地食緊既時候, 好乖咁覺覺豬, 一路到食完先起身呀~ 抵鍚 (如果有機會再去高雄, 一定會去多次果間野, 當然要問左大表哥相關既資料啦~)




食到飽飽又返酒店啦~ 以為咁就完左第三日? 當然唔係啦~ 返到酒店, 餵完糊仔, 沖完涼, 熊貓決定帶埋小豬同貓爸媽一齊再闖夜市, 今次係瑞豐夜市 (原本諗住最後果晚去, 之後醒起瑞豐夜市係星期一係唔開架, 好彩記得者~) 瑞豐同六合好唔同,反而同仕林有D相似, 都係一個好大既室內棚中, 密密麻麻咁有好多檔, 講好行當然係六合好行D (猶其係貓貓仲要揹住隻豬仔) 不過瑞豐都有好多好野食, 有貓媽搵左好耐既臭豆腐, 貓貓鐘意既蕃薯QQ蛋(一共買左3份呀), 仲有當然係木瓜奶, 苦瓜汁等, 湯包就都係六合果間好味D~ 玩到11點幾要返去啦, 因為要餵小豬啦~