2014年9月23日 星期二

返學第二病 + 週記2 之 中秋節

月頭先寫完返學第一病, 都未到月尾就要寫第二病....  =.="

星期五nap 完後, 99話有D咳同幾多鼻水, 體溫高左DD, 37.3-37.4左右啦...  返到屋企冇餵藥, 唔想小豬食太多藥... 果晚瞓得唔好, keep 住瞓瞓下咳醒,

第二朝有D燒, 38度左右, 餵左一次退燒藥... 個人都好精神, 所以帶左佢返PG (不過係PG度咳真係好似放咁毒, 下次都係唔好啦...) 之後仲去左商場度玩左陣... 夜晚又有D燒... 為左令小豬夜晚好瞓D, 所以我拎返1月去旅行配既平安藥, 俾小豬食埋咳水同收鼻水既藥, 果晚瞓得好好多...

星期日朝起身, 都係有DD燒, 37.6-37.7左右, 係婆婆既魔音之下, 都係帶小豬去睇醫生啦 (lei 輪超多人病, 醫生超好生意, 婆婆樓下果個兒科, 9點打去冇人聽, 諗住落去book, 點知唔到9:15落到去, 已經全日fully booked... =.="), 唯有打返去平時睇開既蔣醫生, book 左11:45, 最後12:40先有得睇... 醫生話我既處理手法都好正確, 當然睇下醫生穩整D lor... 醫生D 藥同我俾小豬食果D差唔多一樣, 不過份量就多左DD (應該係小豬大個左所以要食多D掛)...  見小豬全日都好精神, 食完lunch, 帶左小豬去公園放左電, 之後就冇晒燒啦~ 咳同鼻水都叫好左DD啦~

最慘係, 我又被傳染... 以前我真係一年先病2-3次, 小豬一開學, 1個月我就病左2次呀... =.="

------------------

寫返中秋先...  (哈哈, 好遲呀... )

中秋正日, 要返學, 學校話要著唐裝, 於時我臨時臨急搵lei件



叫小豬拎住佢自製既燈籠影張相者... 影左N張都冇張好...


由於99要拜神, 所以帶埋小豬返公司玩下...
順便絷返個中式小小既辮... 

返99度做節, 小豬有得玩螢光棒... 開心到佢呀...


食完飯, 例牌去樓下平台度賞月
今年個月就好大呀, 初時仲擔心會落下添...

大人賞月, 小朋友就跑來跑去, 再跑來再跑去...


叫小豬同爸B影返張相... 
Well, 我盡左力架啦~

中秋翌日, 放假, 約左朋友去探B玩狗同MJ... 由於媽咪我主力MJ又驚狗, 所以一張相都冇影到呀...  據報小豬玩得好開心, 係咁追住D大大隻既狗, 陪玩既爸B同契爺俾人放晒電呀... 由於冇nap度, 小豬夜晚食左大半碗飯後, 就主動要求攬住我, 唔到10秒就去左搵周公啦~~~



心血來潮, 搵返2年前既相... 
邊個來架, 肥嘟嘟咁可愛既...
XD








2014年9月18日 星期四

29個月

遲左一日寫, 不過都要寫下, 因為係最後一個2字頭月份...(時間總係飛逝, 覺得自己飛咁快地老緊... =.=")

身高體重.... 好耐冇度, 應該29磅以上, 90+ cm 掛

食野, 同之前差唔多。返左校之後, 我係返學路上俾小豬食D早餐, 通常都係蒸D饅頭, 燒賣, 或係粟米或自家製面包(不過小豬超唔俾面, 食面包時都食好小... >.<) 最鐘意食淨饅頭... 放學後, 會俾小豬食D生果 (小豬依然係餓鬼上身咁... :P) 近期新寵係奇異果, 日日一上車就話要食奇異果...  午餐晚餐都係99搞既, 聽講都食得可以, 週末我地出街既話, 就會俾小豬係街食野, 通常都係食中菜, 因為小豬既至愛係白飯, 最勁果次係冇餸既情況下, 食左大半碗白飯 (係茶樓果D堆到成座山既白飯) 早晚奶都繼續係每餐6安, 依然用緊奶樽, 我仲未諗到如果唔用奶樽,  朝早6點果餐奶要點搞...所以都係用住先啦~

瞓覺... 返左學之後瞓少左好多呀... 因為小豬依然夜晚夜一夜先瞓 (起碼都要11點), 朝早就8點俾我叫起身, 下晝nap 就要nap 2-3個鐘, 根據99既講法, 係叫極都唔肯瞓, 瞓左就叫極都唔肯起身... 週末同我地出街玩, 就可以skip左個午睡時間, 夜晚就8點瞓到第2日9-10點... (似足我呀... :P)

戒片方面, 今個月開始就冇著片返學啦, 至今都算OK, 好少失手, 99話瞓完晏覺後, 好多時條片都係乾架, 出街 (就算著住片)都會同我講濕濕/ 急急, 等我同佢去廁所(當然有時係報流料, 只係想出去行下) poo poo 片都仲係零進展, 可能開始有D習慣係夜晚poo poo, 所以99又好少同佢戒poo poo 片,.小豬又C係要企係度先會poo poo, 呢個問題都幾頭癢..

返學方面, 好鐘意返學, 每日都係笑住入學校, 笑住等我去接佢。 最近幾日, 入左學校會轉身同我講bye bye 啦 (望住小豬大得咁快, 真係有D唔捨得) 係屋企成日都係提住miss choi 同 miss yoki (小豬既班主任), 問小豬miss choi 同佢講咩野, 佢會話 " Iris, 唔好走, 坐定定... " (俾佢笑死...) 不過老師話小豬有進步 , 呢個我都覺得... 一開始返學時, 小豬見到我, 就會不顧一切咁衝出來, 依家佢會坐係自己個位度同我揮手, 等老師叫先出來 (仲會推埋張櫈添)

講野方面, 返左學之後都講多左野, 係屋企會唱D我冇聽過既歌, 最勁果次係打風係屋企果日, 佢瞓醒, 一坐起身, 就係度講" good morning miss choi, good morning miss yoki, good morning classmates, i'm iris, how are you, i'm fine, hahaha..." 哈哈, 第一次聽佢講咁長既人話, 都幾surprise 架, (雖然有D字都係我估下既), 不過之後叫佢講次俾熊熊聽, 就唔肯lu...  我估小豬果下係發夢返緊學呀...

好耐冇影既瞓覺相, (因為通常我都同小豬一齊瞓左lu... XD)


今期大熱既兔仔耳頭cool, 小豬都好鐘意, 指明要帶呢個先出門...

小豬既另一至愛頭飾, 就係帶帽啦...

中秋節, 學校要求著唐裝, 臨時臨急咁, 本來想TB, 又驚趕唔切, 
最後係深水埗既檔仔搵到佢...
中式得來, 又有D活潑, 最緊要係只係$39.00咋, 著一次都唔肉赤... 
點知真係著得一次咋, 返學返來就已經爛左DD啦, 要補返先可以著來夜晚賞月...


有得玩就成隻甩繩馬騮咁... 
雖然只係樓下超細遊樂場(得一座野咁大把), 不過都可以玩到身水身汗咁...

最鐘意都係見到小豬開心笑 (lei 張笑得有D假)
下個月就係2歲半啦...
媽咪希望你每日都健健康康開心笑啦... 
返學唔好俾老師投訴就OK啦~ XD












2014年9月15日 星期一

週記1

雜文一大堆, 都係寫個週記算lu...

9月6日, 星期六
由於PG話要改星期日先返喎, 所以星期六就留係屋企
瞓醒同小豬去超市行左陣

佢話要幫手喎, 所以拎紙巾...
行左陣, 開始玩野, 一陣放低盒紙巾"了"鼻C,一陣又放但紙巾坐係上面,一陣又話同我交換(我拎住枝柔順濟),交換唔夠5秒又再交換返, 最後當然係我拎埋盒紙巾, 佢就自由奔放啦~ 
食完飯, 再玩左陣水彩, 就去婆婆度lu...

9月7日 一號風球
星期日先來返PG, 真係幾麻煩... 我真係真係交埋LEI期錢就唔返啦(呢句已經講左好幾次lu...)

小豬有得出街總係心情大好...
本來諗住返完PG去沙灘, 但掛左1號風球, 就諗住轉去行下商場, 買餸返屋企... 點知上完堂勁好陽光喎 (後來就知味道) 所以最後去左郊野公園野餐...
對上果次去郊野公園係上年10月, 當時小豬仲唔算好識行斜路, 所以基本都係我揹住行... 今年已經變左甩繩馬騮lu..
呢D咁合家歡既活動又點少得公公婆婆呀...  帶埋公公婆婆既另一好處就係多個人幫手追馬騮... (我老豆話, 佢追到氣咳... XD)

愉快既野餐時間, 只有1個鐘咋... 之後就開始落雨... 連腸仔都未煎好就走人lu...(都話係俾落堂時既陽光欺騙左... )







2014年9月2日 星期二

戒片大作戰... 2

小豬戒片情況都係咁上下, VV既日頭片基本算係戒左, poo poo片係零進展, 夜晚就未開始戒...
由於係咁樣, 99湊小豬時, 基本都唔駛著片, 但我同小豬出街時都係唔敢, 於是99星期一湊返小豬時成日都投訴, 退步左... =.="

返左學3個幾星期, 都有幫小豬著片返學, 不過我見小豬都算適應返學既生活, 所以琴日就同老師說, 不如今日開始唔著片返學啦... (返學果程車都係有著片既, 係入學校前除片...) 老師關照左要帶多2套衫, 仲要帶全套...
等lift既時候, 總會影相... 但通常都唔靚, 因為小豬總係走來走去, 一係就唔望鏡頭, 叫佢笑又笑得好假, 而最緊要係, 剛剛起身總係眼腫面腫咁... 

今日去接小豬時, 心情緊張 (仲緊張過第一日去接小豬放學). 見到小豬仲係著住校服, 安樂晒... 
老師話, 小豬冇主動說要去VV, 不過老師帶佢去VV時, 佢都肯... yeah 第一日唔著片返學都算成功啦... (唔好自满呀... 要繼續 :P)

接左小豬, 帶佢去多次VV (其實學校既小朋友廁所真係好得意呀, 好想影相, 不過有其他人係度, 都係算啦... ) VV完又可以自己洗手, 掉紙巾... 都算幾好啦~ (都係果句, 唔好自满, 要繼續 :P)

唔知我幾時有勇氣, 可以帶住唔著片既小豬出街lei... 諗起都有DD驚...


2014年9月1日 星期一

返學第一病

唉... 小豬話晒都係個食足一年既人奶B, 但真係成日都病...  返學唔夠2個星期就已經病左一次lu...

話說21號(星期四)晚, 我帶小豬返屋企之後, 習慣性地摸下佢額頭... O... 好熱...  於是即刻探熱... 38度, 我諗住會唔會係啱啱行返屋企有D熱, 於是等多陣再度, 都係38度左右, 唯有餵個退燒藥 (小豬自從2歲果次病左, 好乖咁肯自己食藥之後, 今次大部份時間餵藥都冇難度, 佢仲要自己去開雪櫃, 說要食藥添... =.=") 當時阿囡除左有D燒之外, 個人都叫好精神, 99仲說佢果晚食野食好好添, 於是我好阿Q咁希望小豬第二朝就可以退燒返學...


第二朝, 7點半起身幫小豬探熱, 38度, 冇得返學, 於是我都可以瞓多一個鐘, 幫小豬貼左退燒貼就送左佢去99度, 99 話小豬冇咩野, 係有幾聲咳... 
果晚, 熊熊出左街, 小豬係11點幾左既時候先來poo poo, 然後12點幾時, 原本瞓左既小豬突然咳醒左 (果時我都瞓左),然後咳到嘔... 好彩我係佢嘔之前將佢抱起左, 雖然都係嘔到一地都係, 但都好過一床都係呀... 

星期六, 已經冇燒啦, 不過D咳就嚴重左D, 由於冇燒, 所以都有帶小豬去PG

星期日朝早, 幫小豬探熱, 見佢都燒返DD, 到38度左右, 於是都係帶左小豬去睇醫生...
醫生說係冷氣病喎...  (即係係冷氣房太耐, 一凍一熱好易病, 再加上D冷氣太乾, 所以令個情況一直都冇好轉), 幸好喉嚨冇紅, 個人都算精神情況會好慢好慢咁好返, 不過星期一都係唔好返學... =.="
於是, 小豬返左12日既學(當時計), 就有3日唔駛返學, 1日紅雨, 2日病假...

星期一上晝, 99咁啱唔得閒湊小豬, 於是我放假半日湊佢。見佢好精神就帶去出去行下, 食個lunch (不過小豬LEI日胃口超差, 只係食左幾啖飯), 食蛋糕就好小小, 但都唔多...

星期二, 小豬終於可以返學啦... 雖然都係有D咳, 不過都算啦... (如果要等小豬唔咳先返學, 真係有排等呀, 佢到今日都仲咳緊... 唉...)
lei 日發現原來小豬冇胃口係另有原因呀, 原來佢個口生左粒大痱滋, 唔怪得唔肯食野啦. 於是我請佢食左幾日既奇異果, 痱滋好返, 佢就有返胃口啦 (不過個人就瘦左成個碼, 又跌出左好辛苦先去到既13KG lu...)

雖然返學第一病都唔係嚴重, 不過希望小豬都係健健康康, 病少D啦.. 唔該...