9月6日, 星期六
由於PG話要改星期日先返喎, 所以星期六就留係屋企
瞓醒同小豬去超市行左陣
佢話要幫手喎, 所以拎紙巾...
行左陣, 開始玩野, 一陣放低盒紙巾"了"鼻C,一陣又放但紙巾坐係上面,一陣又話同我交換(我拎住枝柔順濟),交換唔夠5秒又再交換返, 最後當然係我拎埋盒紙巾, 佢就自由奔放啦~
食完飯, 再玩左陣水彩, 就去婆婆度lu...
9月7日 一號風球
星期日先來返PG, 真係幾麻煩... 我真係真係交埋LEI期錢就唔返啦(呢句已經講左好幾次lu...)
小豬有得出街總係心情大好...
本來諗住返完PG去沙灘, 但掛左1號風球, 就諗住轉去行下商場, 買餸返屋企... 點知上完堂勁好陽光喎 (後來就知味道) 所以最後去左郊野公園野餐...
對上果次去郊野公園係上年10月, 當時小豬仲唔算好識行斜路, 所以基本都係我揹住行... 今年已經變左甩繩馬騮lu..
呢D咁合家歡既活動又點少得公公婆婆呀... 帶埋公公婆婆既另一好處就係多個人幫手追馬騮... (我老豆話, 佢追到氣咳... XD)
愉快既野餐時間, 只有1個鐘咋... 之後就開始落雨... 連腸仔都未煎好就走人lu...(都話係俾落堂時既陽光欺騙左... )
媽媽幫小豬扮唔做造型,好可愛呀!
回覆刪除多謝... XD
刪除第3張相同平日好唔同, 但又好girly可愛, 下次影多d依個look ar :)
回覆刪除因為果張冇左額前果D留海呀...
刪除