開學第三日

今日係小豬第一日自己返學, 雖然只係一個鐘, 我都幾緊張下... :P 諗左好耐唔知小豬會唔會喊呢...

雖然小豬晨咁早(7點9左右)就被人拉左起身 , 不過佢心情都唔錯... 只係著鞋既時候唔肯著黑色皮鞋, 要著白色波鞋喎... 講左一輪, 再加上我展示俾小豬睇今日我都係著黑色皮鞋後, 終於搞掟... 換好衫出門時, 小豬不停玩緊佢既人名帶... 

行到上車時, 我見到佢其中有隻襪有D dirty, 搞左2下覺得有D臭臭... 再睇下.. 原來小豬人生第一次踩C....................O................. 人生第一個狗C運... 換來我抹餐C.............. (都唔知係佢行運定係我行運... =.=")

冇預計中咁塞車下 (我地都提早左幾多出車既), 9點前返到學校... 一去到校門口, 有好多老師掛住隊來接學生... 將小豬既小手交左俾其中一位老師後, 小豬就頭都唔回 (bye bye 都冇聲)咁跟左老師入左學校lu... (我覺得小豬果下可能未知發生咩野事) 就咁樣, 順利地完成左第一次送返學...

一個鐘後, 就來接返小豬啦~ 等接小朋友既家長好多... 係一條長龍 (同當年去排迦南交form 有得揮...) 夠鐘, 家長就可以入學校... 再排隊... 排返自己果班... 排多陣, 就入去接啦...  

D小朋友一見到家長, 就開始演奏大合唱啦~個個一見到家長就變身成為樹熊, 攬到家長實一實... 我見有D眼淺既家長, 都跟住個小朋友一齊眼紅紅咁行出來添...

係課室外, 偷影四圍望既小豬, 應該係度搵我掛...

見到我之後, 超開心咁想衝出來, 但被老師一把拉住左... :P

老師話, 小豬一開始扭計咁喊左陣, 仲嘔左一啖野添... 然後老師碌大隻眼望實佢, 小豬就唔喊lu... 哈哈, 幼稚園老師真係經驗豐富, 咁樣都可以叫到小豬唔喊, 我真係從來都未試過... :P

搞完小豬, 影返張相先...

然後小豬都變身成為樹熊lu...

我估我永遠都會記得第一次接放學時, 小豬見到我時果種期待同開心既表情, 可能好快小豬就會掛住玩唔想有人接放學lu...