高雄5天遊~ part 2

第2日,由於之前果晚太夜瞓, 瑤瑤豬朝早瞓到天昏地暗~ 喊左幾聲要求食奶之後, 就一路係咁瞓, 熊貓因此可以好悠閒咁食返個早餐 (不過好趕, 食得20分鐘咋) 食完早餐, 隻小豬就醒左啦~  乖~

第二日既行程, 主要都係墾丁度, 睇下燈塔 (台灣最南端), 係出火口燒粟米同爆谷(粟米好味), 係貓鼻石影下相(一D都唔似猫鼻LOR), 又行左轉水族館 (海洋公園既好睇D, 不過D企鵝好可愛呀~) 然後就出發返高雄啦~

難得全家幅 (行緊去燈塔)

行緊去貓印石, 大風到傻呀...

係水族館中, 小豬扭計唔肯坐車車, 最後熊熊得左佢出去玩up and down

 喊到眼皮都紅埋, 不過LEI張影得好好呀, 粒牙仔好清楚呀, 返到香港後就埋緊第二隻啦~



由於景點比較多 又大風, 所以全程都係揹豬仔架...瑤瑤豬又係睇下又瞓下, 瞓下又醒下, 不知幾嘆。
LEI一日要係旅遊巴上泵奶,呀, 有小小LEI HEI, 不過都叫OK啦~
返到高雄後的唯一景點就係六合夜市啦~ 好熱鬧呀... 熊貓食得好開心, 咁就又一日啦~

高雄5天遊~ part 1

七個月的月誌, 睇來要同八個月既合二為一LU~ 所以都係講左高雄5天遊先~

高雄5天遊係因為要去飲熊熊表哥結婚餐喜酒, 所以未生BB前已經知道有LEI個旅行架啦~
LEI次旅行係瑤瑤豬第一次離開香港, 第一次搭飛機, 第一次係酒店過夜, 第一次浸溫泉等等,總之有好多個第一次啦~
出發前既準備, 係俾試食BABY FOOD (各種味道), 試飲奶粉, 寫左個又長又多既CHECK LIST, 就出發啦~

第一日, 係搭早機去高雄架, 熊貓就諗住之前果晚幫小豬著好衫, 然後朝早5點起身, 趁小豬仲未瞓醒, 就出發。當然小豬又點會肯呀, 起左身, 都係要食陣奶先, 嘆左5安奶之後, 終於都順利出發 ( 好彩都算食得快), 去到機場, 同其他親戚會合, 一行15個大人加3個小B就出發啦~ 係機場既育嬰室, 貓貓泵埋奶, 小豬就係出面嘆埋早餐剩下的3安奶 就趕住上機啦~ (原來小豬朝早真係食8安架喎, 之前由於一半係埋身既, 所以一直真唔知朝早食幾多...)

小豬第一次搭飛機, 好好奇呀... 咩野都摸一餐, 又唔係好肯坐要企, 不過好彩起飛同降落時都冇因為氣壓而唔舒服, 玩左大半程機, 最後就瞓左LU~ (貓貓一路以為, BB搭飛機, 會有個BB籃俾BB坐, 原來個籃係俾NB架, 好似小豬LEI D SIZE既BB只可以坐媽媽度, 俾條BB安全帶就算。一早預訂既BB餐係 HEIN'S既BABY FOOD, 果汁同蘋果蓉,加加埋埋都要成$50架, 所以要問空姐攞先有... 

落左機, 又搞左一大輪, 先出發去墾丁(個包團, 又有老人家, 又有BB, 行動能力超低 , 不過都係預左既) 可能小豬突然去左個好陌生既地方, 冇咩野安全感, 所以全程都痴實貓貓, 連爸B抱都要喊幾聲呀, 4大家長就更加唔抱得啦...所以第一日, 貓貓做左苦力...
好彩第一日唔算太多行程, 都係搭下車去墾丁, 中間食左飯, 去左浸個所謂既溫泉, 就返酒店LU~

個溫泉講真真係唔多得, 可能大家選左要著泳衣既溫泉, 所以就... 同大陸既溫泉主題酒店真係冇得比, 不過貓貓想小豬試下浸, 所以就保留左個行程。結果小豬唔係太ENJOY呀, 全程都有D緊張 (可能第一次去D咁深水既地方), 又比較熱, 所以玩左陣就起身換衫LU (通常瑤瑤豬沖涼上水都要喊一陣架, 因為唔肯上水, 不過係溫泉就乖乖上水, 冇投訴, 可見唔太ENJOY呀....)

酒店係夏都酒店(即係海角七號既拍攝場地,) 同墾丁大街好近, 返到酒店, 貓貓泵完奶, 小豬又做完大事, 就出左沙灘同草地玩一陣

瑤瑤豬又唔太鐘意草地喎, 推極佢都唔肯爬, 只係坐左係度四圍望就算

沙灘都係抱住影下相算啦~ (貓貓覺得LEI張影得好靚~ )

行完沙灘仲夠時間幫小豬沖個涼, 然後就去食飯LU, 行去食飯既時候, 小豬又瞓左LU, 所以又可以有餐安樂飯食,食完飯小豬就醒左, 終於大家一齊出發去墾丁大街

墾丁大街同台灣既其他夜市唔同, 反而有D似沖繩的大街, D檔仔唔係逼埋一齊, 分得開D, 行人相對又冇咁多, 行得幾舒服。一路上都係逛下食下, 瑤瑤豬就四圍望下, 發下爛, 最後就瞓下覺

返到酒店, 又要執野, 又要洗涼, 又要餵奶, 又要泵奶, 又要洗&消毒奶樽, 仲要食埋宵夜, 熊貓真係好勁呀~~~ 瑤瑤豬仲要由於日頭瞓太多, 夜晚唔肯瞓, 搞到成點鐘先叫瞓左覺, 點知5點幾就起左身, 要塞個奶咀俾佢先瞓返 (係呀, 今個旅行最唔好, 就係小豬愛上左奶咀, 由當左奶咀係牙膠, 到依家, 又可以拎出來, 又可以自己塞返個咀入面, 揮灑自如 )

就咁樣, 第一日完, 但好快就到左第二日...

Merry Christmas~~

瑤瑤豬既第一個聖誕節, 沒怎麼特別慶祝, 反而熊貓就不斷出去玩了整個假期

換上了聖誕裙的瑤瑤豬, 好可愛耶~~~~ 

揀相 @ Face

12月14日放工去揀相, 揀相前已經同熊熊講, 唔會加錢買相 (不過, 未影相前, 貓貓已經俾左錢加多10張啦~ )

去度睇相, 嗯... 冇貓貓想像中咁好 (因為瑤瑤豬影相日, keep 住笑, 所以貓貓以為會有好多影得好好既相架), 當然其實都唔差既

warm-up 相, 已經笑得好開心啦~

兔女郎LOOK, 好可愛呀~ LEI 個LOOK買左好多張相

好鐘意LEI張呀, 好有feel, 瑤瑤豬又坐得好可愛

熊貓衫, 同D 熊啤啤一齊, 又幾似熊貓喎~

唯一一張喊既相, 貓貓覺得喊個樣都好得意呀... 
婆婆話, LEI張相 證明瑤瑤豬第時都係讀唔到書架啦, 一見到書就喊... 都唔緊張啦, 最緊要身體健康者~

家庭照... 揀左好多下, 雖然唔算特別靚 (主要係熊貓唔靚, 小豬仲係好可愛下架...)

影完家庭照後, 諗起仲有件黃色冷衫未影, 就著左影埋, 可惜, 黃色同background既白色太近LU~
瑤瑤豬來到LEI度, 傻左..  係咁伸脷, 差唔多張張相都可以見到佢條脷仔...

個SALES 見熊貓揀晒相咁, 就冇再SELL 佢D package 啦 (LEI次影相, 買groupon, $268, 再加多10張相同一個相框, 共$868, 但佢D package 最平都要再加$4800, 最貴要加$8688喎.... 點會有人買架....)
最後個sales 就叫熊貓去睇埋當日影既video, 一睇.... 哎呀... ... 中伏... 乖乖放低成千銀, 帶左隻video 返屋企...
嗯... 貓貓覺得個video 係今次影相影得最好既一part, 由於個cam man 係跟住小豬影架, 影得超自然, 超可愛
$1030. 貓貓覺得值呀~


影完今次, 唔知熊熊幾時先會肯再影相LEI...

第一次去飲..

12月8日, WM的大大大日子, 亦係瑤瑤豬第一次去飲呀...

WM二人相識於中學,有很特別又搞笑既相識過程, 希望佢地白頭到老啦~ 由於2人係中學相識, 所以好特別咁揀左係中學行禮, 好得意呀~ 由於M係熊貓既大學莊友, 所以熊熊做左M既兄弟,而貓貓就會出席晒WM既註冊同飲宴啦~熊貓最後仲向難度挑戰, 帶埋瑤瑤豬去飲呀... (可惜, 可能當日太忙, 竟然一張全家幅都冇影到呀...)

當日, 熊熊一早起身去做兄弟, 貓貓就一早約左公公婆婆來湊小豬,因為果日朝早, 貓貓仲要返工呀... 準時一點去到九龍塘搭朋友既順風車, 去屯門觀禮, 觀完禮之後, 又再趕返屋企, 泵奶, 接瑤瑤豬去沙田飲。來來回回到lei... 好彩大部份車程都有人接, 如果搭港鐵就真係頭都暈呀

貓貓事先要公公婆婆俾小豬瞓足覺, 沖埋涼, 香噴噴咁出發啦~

6點幾先到酒店時, 小豬有D呆呆地, 因為係車上眠左15分鐘, 可能未夠呀,  warm-up 左一輪之後, 就開始有返笑容啦~ 仲好好咁任抱,邊個抱又得, 見唔到媽咪又得, 得左... 小豬第日應該係果D, 俾人抱走左都唔喊既小朋友呀...

anyway, 小豬果日既表現都叫唔錯, 雖然四週圍有好多新野睇, 但都肯乖乖飲左6安奶, 又肯自己坐係BB椅度, 見到有人同佢玩, 就不斷笑笑笑。 初時以為小豬會係新人入場熄燈時驚, 又冇喎; 又以為坐唔耐, 但係又坐左好耐下喎 (中間當然有人陪佢玩, 有餅仔俾佢食), 以為去到10點幾會開始扭眼瞓, 但係拍極都唔肯瞓喎 (但11點幾上到車, 就即刻瞓著左..)

同場仲有好幾個差唔多大既BB仔呀, 雖然今次大家都冇交流, 但係再大D就可以一齊玩啦~

雖然今日貓貓趕場趕得好辛苦, 但係好開心又好順利咁帶到隻鄉下小豬出來見下世面, 唯一美中不足既就係冇影全家幅呀 (所以LEI 篇blog係冇相架).............
唔緊要啦, 好快就有下次.. 仲要係難度十級跳, 年尾帶埋小豬去高雄飲呀.... 期待...