17.2磅, 69CM, 繼續係中碼B一個
食野方面, 已經係4奶1糊仔啦~ 一早起身, 都係埋身溫韾一番 (依家瑤瑤豬每日都係啫長個咀係到搵食, 個樣好搞笑架。好想影低佢, 不過, 通常未影到, 隻小豬已經開始發脾四係度喊lu~
為免吵醒爸B, 都係快D俾佢食啦~) 埋完身再補1-2安樽仔。朝早11:30果餐大概8安左右, 然後就係糊仔餐, 晚餐就7安唔到, 臨瞓奶就8安左右。暫時都仲可以係媽媽奶加糊仔, 雖然貓貓都想小豬可以再肥D, 不過佢唔肯再食都冇法, 都係健康最重要。糊仔方面, 大概有2安奶溝15克米粉再加當日既食物蓉 (加加埋埋大概都有5-6安掛...
) 試左既野食, 有菠菜, 菜芯, 薯仔, 甘荀, 雞肉, 三文魚, 節瓜, 南瓜, 豆腐同番薯。除左唔鐘意食甘荀之外 (係超級唔鐘意, 食多啖都唔肯) 其他都食得唔錯, 頭果十幾啖會搶食添呀飲水方面, 開始食糊仔就開始用學習杯俾水佢飲, 都叫肯飲水既, 不過鐘意咬個杯多D lor... (有時唔俾佢玩, 仲會發脾氣添~)
動作方面, 隻小豬今個月有好大既進步呀, 由月頭開始想爬想爬咁, 之後就識爬LU, 如果用搖控或者iphone引佢, 仲可以爬得好快添
月中既時候識得扶住野自己企啦, 瑤瑤豬好鐘意企, 一企就係度笑, 仲自己係度un un un 呀。學左扶住企無耐後, 就開始八八掛掛咁去伸手去拎櫃面既野, 有時一隻手拎唔到, 仲會伸晒2隻手去拎呀 (又會識得夾住床框先伸手架喎~
) 再整整下, 可能發覺伸2隻手都唔夠長, 就會自己移下移下, 由床頭移左去床尾呀...(不過唔知佢係點移架LEI, 一次都見唔到呀...
)
脾氣方面, 可能開始出牙仔啦, D脾氣臭臭呀, 一唔順心就係度喊 (以前喊親都有眼淚架, 依家識得假喊LU~) 瞓覺方面都冇之前咁好, 以前瞓醒會笑笑架, LEI輪瞓醒會喊呀
可能又係關出牙仔事掛anyway, lei個月係充滿住驚喜架, 好似每日放工返去, 小豬都唔同左, 真係好得意呀, 不過係媽咪心中, 你永遠都係剛剛出世果舊可愛既面粉豬呀~
沒有留言:
張貼留言