運吉

就到聖誕, 就到聖誕...
每年貓貓都好期待聖誕, 因為聖誕係熊貓既拍拖同結婚週年的大日子呀~ 今年仲多左瑤瑤豬同爸B媽咪一齊慶祝呀~
未到聖誕, 就要諗下買咩野做聖誕禮物lu, 本來諗住小豬識得自己企, 又識移下移下移幾步, 就覺得係時候買返架學行手推車俾小豬啦~
係Babies'rus 見到LEI架, 話係6+mth, 啱晒, 所以諗住星期日去試車



點知去到先發覺, 6個月既B係要折左前面塊野, 放係地下玩架, 唔係推車子學行架

咁又係既, 個model B點睇都起碼係1歲B啦~~~
不過, 香港既TOYS'RUS 真係放得好少玩具出來俾人試玩LOR, 上款既學行車, 只係俾你試按下D掣咋, 冇得落地下推來玩
好彩有以下LEI款玩, 不過要排隊

小豬玩得超開心, 不斷係度彈下彈下, 仲一邊彈一邊叫添 (影相都影得唔清呀, 因為隻小豬不斷係度跳...)
雖然LEI款佢玩得好開心, 但熊貓都覺得買來玩個幾月好似好唔抵, 所以都係運個吉吧啦~~玩左陣, 就抱走左小豬LU... 好彩小豬都冇因此而喊...乖囡

小豬第一次食牙仔餅...
瑤瑤豬既活動能力越來越大, 鐘意四圍爬, 四圍搵野咬,最鐘意咬電線而且十分之反叛 (一定要自己拎到既搖控, 先會瞓低慢慢嘆, 人地俾既搖控, 玩一陣就唔要lu) 果晚貓貓剪緊指甲, 隻小豬就不斷咁搞來搞去, 為左要佢坐定定, 開左條牙仔餅俾小豬咬
可能係新鮮野, 小豬乖乖坐係度咬左好耐呀.... 不過咬左咁耐, 條牙仔餅都係原封不動架... 原來牙仔餅好好好硬呀... 小豬一定當左佢係牙膠...

爸B今日要返大陸做野, 臨出門前, 要求要同開心小豬影相...
瑤瑤豬LEI輪夜晚都瞓得唔錯, 被窝又好暖好舒服, 所以每朝瞓醒都心情靚靚, 係咁笑笑笑~
有個成日笑既囡囡, 真係好啦~