初時(年初六)朝早, 貓貓覺得瑤瑤豬有D熱, 可能有小小燒, 又有幾聲咳(真係得幾聲咋), 但係見小豬又冇野, 又玩得又食得, 就諗住算啦, 唔好新年去睇醫生啦 (主要係因為超多人去睇醫生, 貓貓差唔多7點打去BOOK, 診所竟然話你係排第28個,醫生平均5-10分鐘睇一個病人啦, 你自己計好時間先落來啦
O, 咁即係幾點呀?不過去到夜晚, 小豬咳多左呀,去到第二朝時, 仲飲飲下奶咳, 搞到嘔左小小奶出來呀...所以都係去睇醫生吧啦~
醫生說, 小豬有小小燒啦, 喉嚨有小小紅, 不過氣管同個肺聽落都冇事..XXX..XXX... 返去飲多D水啦~ (咁都好D, 好驚會影響到氣管, 手尾就會好長lu...)
睇完醫生餵粥, 可能因為小豬不斷一邊玩一邊食, 結果嘔
嘔完哄左佢瞓覺, 摸下個額頭, 好熱呀...
個面仔都變得紅卜卜呀, 但係今日熊貓既朋友過來團拜喎, 唯有希望小豬瞓多D, 一陣唔好太扭計啦~好彩瞓醒之後, 都幾好心情, 雖然都仲有燒, 又唔肯/ 冇胃口食粥仔, 但都叫肯同人玩, 俾人抱
飲完大半枝宵夜奶後就俾爸B心口到瞓左LU, 半夜都係yaya左幾下星期日同星期一既情況都差唔多, D燒就時有時冇, 不過都係38度之內, 但咳咳就嚴重左好多呀, 日頭都叫好D, 一到夜晚就係咁咳咳咳, 咳到冇晒機, 唔咳既時候, 呼吸都好大聲, 因為有痰CLICK左係喉嚨。星期一晚既奶奶就係咁跳到嘔晒出來呀, 枝奶有成290ml 架, 分左2次餵, 佢就分左3次嘔光光... 仲要嘔到喊呀
心痛死貓貓... 果晚最後決定佢咳既時候都唔好抱佢起身, 驚郁到佢又再嘔過, 有幾次小豬瞓瞓到就來嘔咁, 不過又吞返落去
然後去到下半夜就好安靜咁瞓啦~ 而且完全冇胃口食野呀, 一日食既粥比平時一餐都仲要少, 仲要只肯食白粥...去到星期二晚, 99雖然話瑤瑤唔係好咳, 但接返屋企就勁咳, 咳到喊,好陰公豬呀, 於是, 貓貓決定第二日又帶瑤瑤豬去睇醫生lu..
D睡袋俾小豬嘔污漕晒, 要著豆豆睡袋啦~ 不過好彩著下, 就來著唔落Lu~
雖然果處, 瑤瑤豬好乖咁飲咁奶, 但LEI枝奶最後都落唔到小豬既肚, 嘔晒出來lu~
醫生說, 都估到D咳咳嚴重左 (又唔早講), 但病症同病菌係要分開睇架, 即係咳嚴重左, 唔代表病得重左, D病菌可能已經少左啦 (係架咩
) 又問貓貓係咪小豬係咪第一個B(即係話貓貓太緊張啦...
咁見隻小豬咳到嘔, 咳到冇晒心機, 做媽媽既當然會緊張架啦~) 最後仲要加一句, 一早叫你帶佢來打流感疫苗架...
well... Lei 個醫生平時俾貓貓既感覺都好好架, 不過今次就串串LOR, 可能佢自己當日都好病好唔舒服掛~~~
換過D藥之後, 小豬既病終於好得七七八八, 八八九九啦~ (不過新藥可能幾難食, 次次食都好似劏豬咁...
)來到今個星期一, 小豬既病終於好晒啦~ D胃口都返晒來, 好似仲食多左, 要補返果幾日冇胃口食既野咁...
好返晒既小豬好開心呀...
(BTW, 點解個樣一D都唔BB既, 貓貓仲好鐘意小豬既BB樣呀....)雖然小朋友既成長過程中, 總會不斷咁病病病, 不過每次病做媽媽既都依然會緊張同心痛架.. 所以希望小豬病小D, 強壯D啦~~~
) 希望係99度都可以KEEP住啦~ (最好俾晒嫲嫲嘆
)
, 算啦, 小豬鐘意就好啦)LEI期興, 開心既時候, 就算坐係high chair度都會不斷咁跳跳跳, 又鐘意係床企既時候, 放手, 然後成個人向後跌 (Ops... 超危險, 點解BB會鐘意埋LEI D野架....) 仲有就係隻小豬真係超八掛LOR, 飲緊奶, 食緊粥 時, 一有聲就會四圍望, 所以餵粥時就要成間屋靜晒先得 (咁樣係唔好架....
) 超極鐘意有BB既廣告, 猶其係奶粉廣告, 一聽到就會好認真咁睇, 睇到定晒格咁 (如果嘆緊奶時, 都要自己坐起身睇, 睇完就會瞓返低繼續嘆奶)
)
