基本上, 貓貓覺得瑤瑤豬9個月同10個月唔係有好大既唔同
體重, 20.5lb, 身高 72cm, 牙仔依然得2個半隻 (未出得晒)
體重方面, 依家保時係50左右啦, 但身高就從2個月時排90, 跌到依家50多小小咋
, 熊熊話可能小豬唔係好夠鈣喎... 
咁點算, 唔通貓貓又要食返鈣片 (不過依家其實已經開始收緊奶, 都唔知有冇用) 貓貓就覺得可能同小豬既粥仔有關, 佢6個月前身高都一直係75以上架, 即係唔關d奶事啦~ 總之頭痕啦~
食野方面, 飲奶依然同9個月同一模式, 量都差唔多 (不過前2日小豬病病呀, 所以胃口差左) 粥就2餐 (貓貓再三提醒99唔識咁重料架, 食米係好重要架) 食野之種類唔係有好大唔同, 不過唔同既魚就食過唔少 (食得最多好似係黃花同倉魚) 試過俾小小粟米佢食, 不過唔係好鐘意, 生果就試左藍莓 (唔鐘意) 同士多啤梨 (超鐘意), 可以自己拎住一粒, 係咁咬下咬下... 依然鐘意飲水, 唔鐘意飲有(甜)味既水...
(不過係好事, 唔似貓貓超好甜 :p)Poo Poo 方面, 係過年自己湊既10日有好大既進步, 每日都有一次送俾熊貓嘆, 有時仲有2次添 (可能佢想一人一次唔駛争
) 希望係99度都可以KEEP住啦~ (最好俾晒嫲嫲嘆
)動作方面, 差唔多可以自己企啦, 試過放手自己企過幾秒咁大把啦~ 唔係幾時先識完全放手LEI? 可以自己扶住沙發, 床邊自己行 (當然要有足夠既吸引力, 如電話, 遙控等, 佢先肯行啦~) 但爬就已經爬得好快啦, 熊貓終於都係開放個廳俾小豬爬啦, 咁就唔駛下下都要捉返佢返玩具房。試過有幾次, 貓貓係廚房整野, 小豬就不停咁係門口拍門, 超搞笑。9個月就開始識既bye bye 同拍手, 今個月唔多鐘意玩LEI, 不過差唔多10個月既時候, 又拎返出來玩, 仲要玩得好興奮添(即係完全唔聽指令
, 算啦, 小豬鐘意就好啦)LEI期興, 開心既時候, 就算坐係high chair度都會不斷咁跳跳跳, 又鐘意係床企既時候, 放手, 然後成個人向後跌 (Ops... 超危險, 點解BB會鐘意埋LEI D野架....) 仲有就係隻小豬真係超八掛LOR, 飲緊奶, 食緊粥 時, 一有聲就會四圍望, 所以餵粥時就要成間屋靜晒先得 (咁樣係唔好架....
) 超極鐘意有BB既廣告, 猶其係奶粉廣告, 一聽到就會好認真咁睇, 睇到定晒格咁 (如果嘆緊奶時, 都要自己坐起身睇, 睇完就會瞓返低繼續嘆奶)講野方面, 音都係大致mama, baba, dada, nana, 奶奶咁上下, 不過, 貓貓懷疑佢識得分babamama啦, 見到貓貓會baba 幾下, 然後就開始mamama..... 見到熊熊就會bababa... 不過見到其他人都係bababa.....依家鐘意長篇大論, 仲要好大聲添
幾想唔識佢呀...今個月開始返playgroup, 返左幾堂, 暫時都唔覺好有用, 不過貓貓就學左幾首安眠曲, 幾好駛好用架~
另外就係今個月係農曆新年呀, 瑤瑤豬第一次行左花市, 又一次過見左好多人呀, 好彩佢都唔算怕生, 唔算太失禮, 仲第一次返左大陸見過太嫲嫲同契公公添
就係臨10個月既時候,小豬又病左啦~ 今次真係陰公豬啦~ 係咁咳咳, 食少左奶同粥之外, 就試過幾次咳到嘔呀... 睇左醫生, 話氣管冇事, 食下藥就應該冇事啦, 希望小豬快D好返, 唔好成日呆呆豬, 變返為食豬啦~~~
最鐘意同爸B玩騎搏馬 (其實應該係熊熊鐘意俾個囡騎
)
古靈精怪既小人仔...
BB與 sake~~
沒有留言:
張貼留言