14個月...

遲左DD既十四個月月記...

十四個月既瑤瑤豬, 23磅重, 未度身高 (2個月重左3磅呀, 不過, 對自己家企磅重通常都重D既...

食野依然係3奶2粥, 不過D粥仔已變左軟飯仔lu... 奶就每餐4-6安不等, 軟飯仔就每餐1碗大人碗, 中間仲有零食, 芝士, 生果, 湯水等。So far. 小豬都鐘意食野, 通常一餐飯仔都可以係3-4個字之內食完, 不過,貓貓成日覺得佢唔咬就咁吞左落肚, 所以好似食得好快咁... 暫時都有對任何食物有敏感既反應 而LEI個月, 小豬陪大人出行食飯時,都會開始食下街外野啦

Poo poo 方面, 都算好正常架啦, 基本上每日2次, 不過有日試過4次, 但D poo poo 都好正常, 所以貓貓都唔太擔心。
瞓覺方面, 依家需要奶咀瞓覺, 咬住奶咀, 係床典返1-2個字, 就會瞓左架啦, 不過睡姿依然好似打風緊。將佢放入睡袋都叫好少少, 有時見佢熱, 放佢出睡袋果晚, 瞓醒隻腳一定係貓貓塊面隔離

動作方面, 最sweet 既係識得"錫錫"啦, 仲要係嘴對嘴呀~ 貓貓既成功率係85%, 熊熊係10%, 嫲嫲既85%, 爺爺係20%, 婆婆係50%. 公公係10%, 所以小豬係鐘意女仔多D架~ 通常小豬係張口俾個濕吻你, 所以錫完通常都係成面佢既口水... 其他既仲係停溜係hello, bye bye, lei D動作, 好似比較慢D, 不過, 嫲嫲都成日有教, 貓貓決定睇輕D, 反正急又急唔到, 無謂俾太多壓力大家啦... 行路方面, 穩左好多, 可以由嫲嫲屋企行返自己屋企啦 (不過行得超耐, 平時10分鐘既路程, 起碼要行30分鐘, 不過都好既, 當係飯後散步啦~)

講野方面, 見到鴨鴨識講 duck 定係" 得" , 唔理啦, 貓貓當係" duck "啦, 其他都係冇進展, 不過BB話真係一大堆, 聽得明既幾乎冇 都係果句啦, 盡左力去教架, 不過都係睇輕D, 反正急又急唔到, 無謂俾太多壓力大家啦...

其他方面, 熊貓每星期都會去游水, 小豬已經變成左小黑豬啦~ 不過佢都好鐘意玩水, 一D都唔驚水, 上個星期去galaxy既人造海灘玩沖浪, 小豬玩得超開心, 每次有浪過來, 佢就會跟住D浪係度"wooo wooo wooo" 咁叫, 好搞笑。

瑤瑤豬, 你依家每日最緊要既野, 就係食食食, 玩玩玩, 瞓瞓瞓 (poo poo 最好留俾嫲嫲啦~)
希望你每日都健康快樂, 媽咪love you~

龍珠B

話說, 星期六下晝,熊熊要幫個租客整野, 於是其它人就係車上等。
做為聽話既市民, 我地當然係開晒車門, 熄匙等啦, 於是等呀等, 等左半個鐘左右啦~ 瑤瑤豬就搖身變成左龍珠B啦~

眼神幾凌利, 個髮型係純天然汗水做架(一D GEL都冇落過架) 完全遺傳左熊熊既北極熊基因(貓貓坐係隔離, 覺得OK, 唔算太熱架)
其實當時既小豬已經好眼瞓啦, 不過太熱瞓唔到, 一開車, 開埋冷氣, 即瞓...

由於LEI個龍珠B Look, 貓貓決定第二日幫小豬整整個頭, 費事佢生熱痱...
雖然貓貓係第二次幫小豬剪, 但熊熊就第一次係隔離。其實全程小豬都幾合作, 睇左電視, 食住星星餅, 都唔多理其他人做緊咩野, 但係熊熊就係隔離好鬼嘈, 不斷驚貓貓剪到佢個寶貝囡 結果...

一個失手, 變左斜陰既傻豬豬啦~
再加上, 貓貓努力剪薄左小豬D頭髮, 依家佢瞓醒, 個頭好似打完風咁, 仲要又紥唔到辮, 又夾唔到髮夾... (ops...)
唯一既好處, 就係唔驚生熱痱... 
希望D頭髮快D生返出來啦~

證件相 II

最後, 貓貓都係帶左瑤瑤豬出去影相

影相果日, 都叫好順利, 小豬心情大好, 食住星星餅, unun腳, 唔駛10分鐘就完成任務。影相既姐姐說, 小豬好搞笑, 識得自己對住個鏡頭笑喎~ (其實依家D BB, 個個都識架啦~, 不過, 貓貓都係好開心~)

當日拎左2件衫俾攝影師揀,一件係黃色裙, 一件為POLO SHIRT, 最後攝影師都係揀左裙, 話會Formal D喎, 仲有就係帶頭cool,會睇落斯文D喎~  又係既, 即刻女仔左影左唔知幾多張之後, 攝影師以佢專業既角度揀左5張俾貓貓揀... 唔... 最後揀左上面果張, 都幾可愛呀...
貓貓覺得個攝影師都幾識做生意.... 因為係果5張相中, 有一張一睇就知唔可以用來做證件相, 但係貓貓又好難抗拒既相, 結果, 又係俾錢買左..

果2隻牙仔真係好可愛呀, 不過, 笑得太勁啦~ 唯有留返自己欣賞啦~

BTW, 婆婆說影得失真喎~ 

早到的下水禮....

早係復活節既時候, 貓貓就想俾瑤瑤行下水禮啦, 不過真係幾大風又有D凍喎, 於是一等就等左個幾月。
其實貓貓係唔識游水架, 見小豬好鐘意玩水, 所以就想俾佢早D落水, 早D習慣下腳唔到地既感覺, 大個唔好好似貓貓咁, 只係鐘意游乾水

第一次係五月中, 婆婆屋企樓下既泳池, 可能座向既問題, 下晝去, 冇太陽, 雖然個天都熱熱地, 但就唔算太熱, 所以玩左陣, 小豬就嘴唇有D紫紫地, 即刻抱上屋企沖返個熱水涼...

雖然只係玩左一陣水, 但係要拎好多野落去呀.... 而熊熊就好俾心機咁係咁吹...

第二, 三, 四次都去左樓下既泳池。上個星期超好天, 所以好多BB一齊行下水禮, 瑤瑤豬見到其他BB好開心呀... 腳踢踢咁玩左個幾鐘。而剛剛個星期日, 玩左陣就開始落雨啦, 所以就轉戰室內池。不過室內池細好多, 始終未咁好玩。下個星期去澳門, 可以係人造沙灘度玩啦, 希望到時好天D啦~

落左4次水, 玩得最開心既, 都係上星期果次, 不過其中有件插曲。話說熊熊吹漲左個青蛙仔後, 就將小豬放左上青蛙仔度, 然後好開心咁一推,將青蛙仔推左出去, 點知青蛙仔飄左冇幾遠就反艇喎, 而小豬就雙腳向上。熊熊當然係即刻抱起個囡啦 (貓貓當時呆左..)之後, 小豬要媽咪抱, 唔睬爸B喎, 可能飲左幾啖水掛, 所以有D想喊, 又喊唔出咁, 不過玩多一陣就唔記得LU.... 諗返轉頭真係幾危險喎, 不過又幾好笑~ 之後熊貓就小心好多啦~, 不過小豬自此鐘意左飲泳池水, 成日自動波咁張大個嘴係度飲水

其實每次去玩水, 瑤瑤豬都好開心, 不過玩左之後貓貓就要手抱小豬同佢洗頭沖涼 (仲要洗埋自己), 都好辛苦下, 好彩每次用毛巾將小豬裏實後, 小豬都會乖乖坐係度, 等貓貓可以抹乾自己, 換好衫 (上個星期, 冇抹自己, 就搞左小豬先, 結果咳左成個星期)


貓貓鐘意LEI張, 好似好型咁, 不過實情係, iphone 未影得切, 小豬個頭已經轉左去第二度lu...