早係上個星期五, 熊熊就話有D感冒同咳。平時熊熊唔舒服都係出廰瞓, 但今次, 佢可能見瑤瑤豬已經大個D, 而且自己又唔算太嚴重 (其實都咳得幾勁架...) 所以就冇出廳瞓... 去到星期一(即係9月17日), 貓貓放工去99度, 見瑤瑤豬面紅紅咁, 摸落手又覺得有D熱, 但當時冇探熱針係手, 熊熊又話冇咩野, 所以就算啦, 返到屋企幫小豬探熱又冇燒, 所以就瞓左覺LU~
第二日朝早, 起身餵奶時, 貓貓覺得瑤瑤豬比平時熱, 探左熱係37.5-37.6左右 (當時, 熊貓都以為38度先叫發燒, 因為健康院話要到38度先好俾退燒藥), 見小豬又好精神, 又食到奶, 所以照常送佢去99度, 然後返工。返工既時候, 打左幾次電話俾99, 知道瑤瑤豬食奶食得唔好, 只食左一半就用左個幾鐘, 而身溫都一直係37.7-37.9 附近。再加上上網CHECK左, 先發現原來BB, 37.5 就叫發燒啦~~於是即刻飛返屋企帶瑤瑤豬去睇醫生。去到99度, 小豬剛食完奶, 再量一量體溫, 38.9度
好彩返緊屋企既時候, 已經係醫生度BOOK左, 去到等左3個字就有得睇, 再量體溫, 就回落返37.9度啦(貓貓覺得可能係食奶時, 小豬比較熱, 所以先會見到38.9度LEI個溫度LEI) 醫生話, 應該係病毒性感冒, 開左退燒藥, 止咳藥同鼻水藥。小豬係醫生睇佢喉嚨時, 忍唔住喊左幾聲, 就返屋企LU...返屋企後, 先係最大既挑戰
首先, 瑤瑤豬出世到依家除左奶奶同2次輪狀病毒口服液外, 就咩野都未食過, 連水都冇飲過, 今次醫生說除左要多飲水外, 仲要食藥。所以, 瑤瑤豬既第一次食藥, 反應好大, 喊得好大聲, 仲不斷掙扎, 餵到第三種藥既時候, 就嘔晒出來LU 於是幫小豬再餵藥, 再沖涼, 小豬又再喊過LOR...可能瑤瑤豬真係好攰, 所以果晚只係抱住佢食奶, 食完佢又瞓過, 去到半夜又要餵藥... 於是又嘔過...
第二日, 原本要去大陸幫太麻麻慶祝生日, 可惜瑤瑤豬病左去唔成, 於是貓貓就留係香港睇住小豬, 而熊熊一家就要返大陸食飯 (好彩貓爸爸咁岩放假可以幫下手) 瑤瑤豬成日都有D 呆呆地, 食奶又食得唔多 (大概得一半既食量啦~)不過食藥就食得好左DD啦... 不過, 整體來講小豬都係隻乖豬, 唔係好扭計, 只係半夜餵藥時, 又嘔過...
唉, 見住小豬食得果小小奶, 但又因為食藥而嘔晒
, 貓貓同自己講, 下次熊熊咳既話, 一定一定一定要瞓廳
到第三日, 小豬差唔多退左燒啦, 又變返隻活潑豬, 食藥方面, 發現將佢平放係床, 將每種藥分3小份, 趁佢唔為意就餵小小, 小豬一食到藥就即刻苦口苦臉... 不過好彩冇再嘔LU, 然後就輪到貓貓去睇醫生LU...
生完第一次病之後, 貓貓發現, 小豬既Poo Poo 一直都唔係咁好, 有D水水地, 問過醫生, 又話可能係食左藥, 都正常既, 貓貓唯有再睇下啦~~~
瑤瑤豬, 你要做隻強莊小豬呀, 媽咪鍚晒~~~~
), 不過整體來講都算有進步啦~
另外, 瑤瑤豬已經好想向前爬, 不過換來既不斷向後移呀... 
)
)
) 貓貓覺得自己已經係好幸運, 雖然要返工, 但始終係自己既地方, 泵奶儲奶都係好容易既, 而且仲可以每日繼續煲代茶, 99阿媽既湯水都經常有, 可以令媽媽奶量繼續平穩發展。雖然身邊既人 (包括熊熊)都唔想貓貓餵完6個月之後繼續, 但係貓貓仲係覺得媽媽奶對bb來講係最好既, 所以可以既話, 貓貓仲想做多一陣背奶媽媽~~~~
)
)