體重: 7.2 KG / 15.8磅
身長: 約65 CM
食量: 1日食5餐, 除朝早果餐外, 每餐食200-230ml (朝早埋身餵10分鐘, 再補樽仔, 50-100ml) 時間方面, 快既話大概20分鐘左右, 但有時扭計既話, 要成1個鐘架... 不過有進步既地方係有時瑤瑤豬就算醒左, 都肯食奶啦 (比起之前醒左就係咁頂住個奶咀, 拍奶樽, 踢腿等, 要好好多啦~~~) 有時, 仲會2隻手捧住個奶樽呀 (但係多數會伸埋隻手指入口, 搞搞震
), 不過整體來講都算有進步啦~
動作: 終於有想企既意欲啦~ (好多BB2-3個月就已經想企啦,睇來小豬係隻懶豬豬), 扶住佢企係度, 佢係好開心, 再加上如果有人拍手話佢叻叻, 佢就仲笑得仲得意呀~
坐就差唔多可以自己坐啦~ 雖然仲係青蛙式, 但係就已經可以HOLD好耐啦~ 最鐘意就係自己坐係度睇電視, 一路睇就一路笑... 如果有人同佢玩得話, 仲會笑到咔咔聲呀~ 自從4個月時學左轉身, 就成日自己係度轉, 可惜依然未識轉返轉頭, 成日俾隻手CLICK住左...
另外, 瑤瑤豬已經好想向前爬, 不過換來既不斷向後移呀... 
由於貓貓見到model B 實在太可愛了, 所以忍不住買回家幫瑤瑤豬可愛一番... 出來的效果都幾好呀, 雖然 都係幾似男仔...
LEI個先係瑤瑤豬既真面目啦~~
睇來淑女都係冇佢份LU~
沒有留言:
張貼留言