全職媽媽+人奶B

瑤瑤豬一直以來都係人奶B, 除左頭果幾日食過幾餐奶粉外, 之後一直都由貓貓全權提供佢既饍食。不過, 由好早開始, 瑤瑤豬就係一半埋身餵, 一半食奶樽, 所以佢又唔會好抗拒奶樽既... 之後由於放完產假,埋身餵既次數由一日3-4次, 減到得朝早果半次咋 貓貓雖然好鐘意埋身餵果種好親密既感覺, 但係為左瑤瑤豬可以食多D, 都冇法啦 (埋身餵既時候, 瑤瑤豬通常只食10分鐘就瞓左LU, 再加上之前佢食得唔太好... 所以用奶樽好計數D)

唔係埋身餵既時候, 貓貓就會泵奶, 用奶樽餵, 奶量來講都仲叫穩定, 返左工之後, 就每日係公司泵2次, 係屋企泵2次。
其實泵奶係一件幾浪費時間既事, 熊熊已經幾個奶泵改為雙泵, 每都泵都要20-30分鐘 (未改之前係差唔多一個鐘架.....), 所以每日食飯既時候得返一半, 放左工又要泵完奶先走得 (每個剛返工既媽媽都會想一放工就搭火箭返屋企架, 不過為小豬既五餐, 都係要見少陣架啦~~~)

見到早輪淘寶整既一段關於背奶媽媽既video, 貓貓真係覺得好感動呀 (其實自從生左瑤瑤豬之後, 貓貓已經變成左隻感性貓lu~) 貓貓覺得自己已經係好幸運, 雖然要返工, 但始終係自己既地方, 泵奶儲奶都係好容易既, 而且仲可以每日繼續煲代茶, 99阿媽既湯水都經常有, 可以令媽媽奶量繼續平穩發展。雖然身邊既人 (包括熊熊)都唔想貓貓餵完6個月之後繼續, 但係貓貓仲係覺得媽媽奶對bb來講係最好既, 所以可以既話, 貓貓仲想做多一陣背奶媽媽~~~~

除左泵奶外, 貓貓會覺得全職媽媽最大既遺憾係唔可以見證住瑤瑤豬既每一個第一次, 不過又係果句, 都冇辦法架啦~ 始終都係要返工。

瑤瑤豬, 雖然你每日只會見到媽咪大概3個鐘左右(其他時間8-9個鐘 你都覺豬豬緊), 但係你要知道媽咪真係好想成日都痴住你架...你要掛住媽咪, 但又唔好太掛住喎~~~~