無辦法啦, 係屋企又有多野做, 就算冇咩野做, 又想同瑤瑤豬玩下, 話晒佢清醒咁見到媽咪既時間, 一日得2個幾鐘咋... 公司又好多野做, 又想快D做完快D泵奶快D衝返屋企湊小豬, 所以一篇BLOG係要分2-3日先可以慢慢寫成架...(希望LEI個BLOG唔好好似之前果2個既下場啦~
)講返正題, 瑤瑤豬6個月啦~~~~~
收到的生日禮物, 係係大脾上拮左3針啦~
陰公豬LOR, 仲要今次去健康院等打針, 等左好耐, 等到小豬瞓左覺添。 所以打針既時候, 佢一俾人吵醒就開始喊, (心情唔靚先開始打針喎, 當然喊得大聲D架啦) 兩大行眼淚係咁流, 最後要出動埋奶咀先叫冇事咋...6個月既瑤瑤豬, 16.1磅, 依然係排50多小小, 身高唔知 (大概有68CM掛), 頭圍都係唔知道架 (貓貓覺得, 其實順手度一度, 就唔識D媽媽係度自己估估下啦, 雖然佢係覺得正常先唔識再MON住, 不過自己度真係好唔準架MA), 健康院既姑娘好係咁E評估下瑤瑤豬既發展 (係咁E俾佢試下企, 係咁E俾佢自己坐, 係咁E俾玩具, 睇下小豬會唔會伸手去拎, 又睇下識唔識左手交右手, 右手交左手咁啦~) 不過個姑娘係咁E得好緊要, 連貓貓問多幾個問題, 都覺得有D煩 (貓貓都係問下有關食固體食物既問題咋, 佢講到我好似有返工抑鬱咁
) 當然, 小豬就一切都正常, 係個中等B
其實LEI個月, 瑤瑤豬真係大得好快架, 學識左多野添。
食野方面, 由於之前病烏, 病完之後食奶奶已經冇再挑戰新高啦~ 回落返180-210ml 左右, 一日五餐, 差唔多6個月既時候開始試糊仔 (so far 都叫食可以, 所以應該好快會減一餐奶啦~) 瑤瑤豬已經好認得奶樽啦~ 想食既時候, 會望住個奶樽, 張開個口, 甚至自己挺起身去食奶樽, 唔想食既時候, 就發脾四咁, 99完全投晒降...
動作方面
依家已經可以坐直啦, 一開始小豬仲係需要2隻手撐住坐, 但有一日, 佢發現咁樣坐原來好穩陣喎, 於是就拎左隻手出來食喎, 結果當然係變左狗吃屎啦~~
不過果日之後, 小豬就越坐越直, 越坐越穩陣啦~
另一個大進步, 就係小豬終於識得轉返身啦~經過左幾日既練習, 已經可以好熟練咁轉身再轉平, 由左轉到右邊, 不斷咁碌來又碌去, 好爽呀~~~ (佢就爽啦~ 難為我地要牛咁睇咁望實佢呀), 試過有次差小小就由沙發度跌左落地添...
另一方面, 瑤瑤豬已經好想爬啦, 成日都抬起個PAT PAT (俾人打呀~
)
個樣好似越來越女仔啦~ 依家出街已經好少被人問係男仔定女仔啦~ (不過, 可能同貓貓成日將佢打扮到成日迷人PINK LADY有關掛....
) 但係唔知點解, 個個都依然話佢係隻迷你熊熊...
BB豬, 媽咪希望你可以健康成長, 乖乖食多D野, 日日都開開心心啦~~~
貓貓一直等緊小豬六個月大, 先開始俾佢試糊仔呀~
) 再之後, 又俾貓貓搵到間專剪BB頭既SALON, 一百蚊, 都唔算好貴呀... 但又唔知隻小豬今次會唔會咁順灘俾人搞佢個頭LEI...
唯有叫熊熊抱返, 俾埋DVD佢睇, 先叫開心返小小。於是貓貓就走去泵奶啦, 點知過左冇幾耐又聽到隻小豬係度喊, 然後熊熊就將佢抱左入房。貓貓試下埋身餵 (通常咁樣都可以止喊架), 不過失敗左, 然後抱又唔得坐又唔得行又唔得搓肚仔又唔得, 仲越喊越大聲, 喊到成頭汗添... 冇計可施, 唯有再試下埋身啦, 今次得左, 隻小豬開始啜啜啜啦~於是啦啦聲叫熊熊左埋枝奶。 ops, 原來係發脾四加肚餓 
(之前果餐餵極都唔係好肯食, 仲要食到5點幾, 仲會諗到七點幾就要喊食架...) 快快手手咁食左差唔多七安奶, 條氣順晒~~
再出去見人時, 終於識得笑騎騎啦~ (不過都係唔多肯俾其中一個FRD抱) 就咁樣食下野吹下水, 一路玩到半夜3點幾喎 (中間瑤瑤豬又食多餐奶, 但就不肯瞓覺覺, 陪住D大人一直到3點幾...
