一連4日既假期, 真係好難得呀。
9月29日
第一晚, 熊貓既朋友來屋企玩... 平時任抱既瑤瑤豬竟然一俾人抱就喊, 仲要扁晒嘴, 超大滴眼淚咁喊呀...
唯有叫熊熊抱返, 俾埋DVD佢睇, 先叫開心返小小。於是貓貓就走去泵奶啦, 點知過左冇幾耐又聽到隻小豬係度喊, 然後熊熊就將佢抱左入房。貓貓試下埋身餵 (通常咁樣都可以止喊架), 不過失敗左, 然後抱又唔得坐又唔得行又唔得搓肚仔又唔得, 仲越喊越大聲, 喊到成頭汗添... 冇計可施, 唯有再試下埋身啦, 今次得左, 隻小豬開始啜啜啜啦~於是啦啦聲叫熊熊左埋枝奶。 ops, 原來係發脾四加肚餓 
(之前果餐餵極都唔係好肯食, 仲要食到5點幾, 仲會諗到七點幾就要喊食架...) 快快手手咁食左差唔多七安奶, 條氣順晒~~
再出去見人時, 終於識得笑騎騎啦~ (不過都係唔多肯俾其中一個FRD抱) 就咁樣食下野吹下水, 一路玩到半夜3點幾喎 (中間瑤瑤豬又食多餐奶, 但就不肯瞓覺覺, 陪住D大人一直到3點幾...
) 送走左D 朋友, 以為可以瞓覺啦, 點知小豬又喊過 (貓貓覺得, 可能太夜瞓啦, 佢唔慣又覺得肚子餓掛) 不過熊貓實在太眼瞓LU, 所以俾左奶咀就一齊瞓LU...9月30日
第二朝餵第一餐奶(0800)時, 瑤瑤豬可以真係太眼瞓啦, 所以全程都係瞓住食奶, 食左5安就收工.. (由食奶到洗臉仔到擦面霜到換片, 瑤瑤豬都係瞓緊覺架
) 一家三口一齊瞓到差唔多12點。貓貓醒左之後, 見到小豬瞓得好得意呀...
佢瞓係熊貓張床同佢自己張床的中間, 中間有條小縫, 於是, 佢就搵隻手托住塊面珠仔... 好似好老積咁...
第二晚, 即係中秋正日, 公公婆婆過來屋企, 同瑤瑤豬玩左陣, 之後就出發去食飯LU...出發前影張相先...
今次瑤瑤豬搖身變返熊貓(女)仔啦~~~
食完飯, 諗住去樓下既公園行下, 賞下月。公園內雖然冇燈飾, 但就有好多大朋友小朋友拎住燈籠螢光棒來湊熱鬧, 好有氣氛架。於是熊貓就帶住瑤瑤豬去感受下節日既氣氛, 熊熊仲帶埋月餅, 開左枝白酒, 諗住係公園開餐添.... (有"諗住", 當然有"點知"啦
) 點知, 剛剛搵到靚位, 坐低, 切開左個月餅, 就開始落雨喎...貓貓唯有咬住啖月餅, 抱住瑤瑤豬沖返上去LU... 哈哈, 就咁樣, 瑤瑤豬既第一個中秋就過左啦~ 返到屋企後, 熊貓就繼續嘆月餅, 瑤瑤豬就嘆奶奶, 嘆完奶奶就被周公子叫左去賞月LU...10月1日
第三日, 今日早起...
餵完朝早枝奶奶, 一家三口就齊齊瞓覺覺。 不過今日瞓到10:30就起身LU.. 因為要將瑤瑤豬送去婆婆度, 然後熊貓就去朋友屋企玩LU... 好彩瑤瑤豬都好乖 (可能對佢來講, 都係同平時一樣, 食完早餐奶奶, 媽咪爸B就會唔見左, 然後, 到夜晚又會見返佢地啦~~~) 貓貓玩得好開心, 雖然輸左 MJ...
10月2日
第四日... 來到今日, 先知琴晚的意外原來咁大件事... 貓貓好慶幸一家人可以齊齊整整咁渡過每一日呀... 雖然生活平淡, 但都好知足架啦~~~
瑤瑤豬, 希望你日日都咁開心, 都要珍惜依家所擁有既開心時光呀～ (媽咪知你唔明架啦~
)
沒有留言:
張貼留言