第一次食糊仔

瑤瑤豬自出娘胎就係飲媽媽奶, 唯一試過唔係媽媽奶既野就係藥同疫苗口服液 貓貓一直等緊小豬六個月大, 先開始俾佢試糊仔呀~

在正式開始試食前, 貓貓當然做左一輪準備工作啦~
糊仔/ 粥仔
到底自己煲好, 定係買粉沖好呀? 自己煲雖然天然D. 但BB剛開始食既時候, 只食一, 二啖, 煲好似好麻煩喎, 而且, 糊仔中有BB成長所需要既鐵質, 而粥仔係未可以加餸落去之前, 係唔多有營養架, 所以就買粉沖糊仔啦~ 咁邊隻牌子好LEI? 最大路又最平既係雀巢牌, 有機既選擇有HOLLE 同Healthy Times, 仲有唔係有機但又貴既HEINS。Holle 之前被驗出含重金屬, Healthy Times, 又唔係度度有得買, 於是貓貓買左HEINS來試, 試完覺得同雀巢好似差唔多, 但價錢就貴左成倍有多...所以最後都係食返雀巢啦~ (買左果盒HEINS就係婆婆度食啦, 雀巢就係麻麻食啦~ 自己屋企只係得奶奶食~)

餐具
冇點樣搵過相關資料, 不過見到TOMMY 既SPOON 係有熱能感應既, 即係太熱會轉色, 就買左。另外買左一SET處理食物既用品, 就OK啦。

坐椅
瑤瑤豬出世前就買左COMBI既High Chair, 小BB時用來當搖床瞓, 依家就可以用來坐啦~ (拎左去麻麻度) 朋友之後俾左張BUMBO椅俾瑤瑤豬學坐 (拎左去婆婆度) 再加上貓貓又買左條攜帶式既椅套, 又OK啦~

正式開始食人生第一啖糊仔lu...

瑤瑤豬其實一早就準傋好食糊仔啦~ 所以一開始都好合作...對於有野食表現得好興奮呀 

不過, 一開始貓貓又唔係好識餵, 瑤瑤豬又出手幫埋一份 (一手將匙上既糊仔整落自己口內), 所以搞到成手成手臂成面都係糊仔呀... 最後仲索怔搶左個兜仔係度咬呀...

第一次食糊仔,雖然都搞到好混亂, 但都算唔錯呀, 瑤瑤豬第一次都叫食左一湯匙米粉啦...

(由於LEI篇野分左好幾日寫... 寫完既時侯瑤瑤豬己經食左2個星期糊仔啦, 試左菜心, 菠菜同薯仔LU~)
雖然貓貓好唔捨得瑤瑤豬食緊全媽媽奶既日子, 但係又好期待瑤瑤豬可以試多D唔同既味道, 變成隻為食小豬...
做媽媽大概就係LEI種矛盾中, 同BB一齊成長掛~