早輪見到GALAXY做PROMOTION, HK$1,888可以住2晚, 仲送HK$300.00 飲食券 (星期一至四only), 如果想星期日入住就HK$2,088, 都送HK$300.00 飲食券, 仲可以包埋七.一個假期添。貓貓覺得OK喎, 即買即BOOK, 可惜都BOOK唔到七.一個時間LU (不過睇返轉頭, 好彩BOOK唔到, 如果唔係就要係風雨中遊澳門啦~) BOOK唔到, 就求其揀左個星期日, 貓貓揀左6月16-18日, (當時只係諗住6月17日係瑤瑤豬14個月既日子, 當係慶祝啦, 完全冇諗過係父親節呀...
)6月16日前既果個星期, 成個星期都落雨, 仲要落得好勁下, 所以諗住果幾日都係要落雨架啦。所以星期日朝早好施施然咁出發 (即係食埋晏, 餵埋粥先出發), 可能瑤瑤豬知道有得出去玩, 全程地鐵都好合作。1 點幾去到上環, 估唔到冇咩野人去澳門, 竟然可以搭到1:45班船喎
瑤瑤豬今次過左1歲啦, 所以要買船飛啦~ 所以有自己既位坐啦~大個女啦~
成個船程都算順利, 貓貓帶左芝士條, 星星餅, 又播埋片, 小豬總算自己乖乖坐左差唔多一個鐘, 到差唔多落船先開始扭落地。貓貓已經好滿意啦~
等緊CHECK-IN既時候, 小豬好開心咁四圍走, 又走來搵媽咪, 又走去撩人玩
入到房, 幾唔錯架, 而且都算幾baby friendly, 所有床角, 櫃角, 枱角都係圓架(不過電視櫃既角位係尖既), 啱晒剛剛識行既小豬四圍走 (不過貓貓掛住湊囡, 一張房間相都冇影過呀...)
係房休息左陣, 見個天好似都幾好, 決定去泳池玩。GALAXY出名既人工沙灘, 仲有埋人工浪添。小豬玩得幾開心, 不過可能果日都係落過下雨, 我地去玩既時候又差唔多5點LU, 玩左陣, 瑤瑤豬就凍到口都震埋, 所以立即上水, 返房沖涼。沖完涼, 小豬已經要瞓一瞓lu, 一瞓就瞓到差唔多8點。原本諗住叫room service, 不過估唔到搵唔到想食既野呀, (之前係sheraton 同威尼斯人既room service 都OK架), 所以去返老地方, 食小飛象。由galaxy 行幾分鐘就要舊城區啦, 超方便。
返酒店既時候, 出左意外... 由於小豬一直唔肯向前行, 我地終於將佢強行放上BB車, 諗住幾步路就到酒店, 所以冇幫佢綁安全帶 (亦都因為小豬太掙扎所以冇綁到)
結果, 瑤瑤豬爬左出BB車, 一個前空翻, 跌左落地
(貓貓認, 自己既反應實在係太太太慢啦~ ) 小豬當然係喊到七彩, 不過熊熊就好FIRM咁話, 係PAT PAT落地先... 咁都好D
(夜晚幫小豬換片時, 見到PAT PAT紅左一大片呀... 
) 好彩PAT PAT落地先咋, 嚇死貓貓... 夜晚, 貓貓去左賭場交電費, 熊熊就罕有地做陪瞓員, 好快大家一齊覺覺豬lu~
原來妳地一家去左澳門豪玩, 唔影多d相返黎?
回覆刪除