咩咩下水禮

5個月大既咩咩其實已經落左水一輪啦... 趁記得, 要快D寫低...

首次落水... 係屋企浴缸... 試下水溫先...

咩咩同小豬一樣好鐘意水... 所以落水一D都唔驚, 仲好開心添

當時係4個月10日

(小豬當年第一次落浴缸係5個月... 之後就病左... 再之後就已經係10月, 所以冇得再玩水)

係屋企玩左幾次後, 就去泳池游水啦...

啱啱果7.1 去左佛山既某渡假村 (地方普通啦)但勝在人唔多

去左3日2夜, 小豬同咩咩就玩水玩足咁多日

咩咩一開始落水, 可能D水有小小凍, 所以有D驚, 不過好快適應, 玩得好開心

第二日落水時, 玩左陣, 仲爽到瞓著左 XD 

(不過可能因為咁而凍親個肚仔, 返到香港肚仔痛左幾日=.=")

當時係4個月27日

去完泳池, 就去沙灘玩啦...

咩咩又冇咩野喎...係海度浮下浮下好舒服呀...

結果... 當然係又瞓左啦... XD

今次見佢瞓左就啦啦聲抱佢上水啦...

lei 個係5個月3日...

好啦... 人仔細細既咩咩就咁樣完成左佢人生既第一個下水禮啦... 

過多2年就可以正式學游水啦... XD

P.S. 小豬係沙灘玩得勁開心... 完全影唔到相=.="

未走就已經開始問下次幾時再去玩啦...