愉快週末

每個愉快既週末都由返PG開始

今堂已經開始慶祝聖誕啦~ 課室擺左好多聖誕裝飾俾大家影相, 而全堂主要都係唱歌, 跳舞, 同埋... 等, 等派禮物, 等一齊拆禮物, 等數一二三一齊出去執禮物... 基本上小豬都玩得好開心, always跟住音樂左扭右扭 (之後係街聽到jungle bell都會好開心咁左扭右扭)

well... Lei張野既重點, 係冇一張係望鏡頭架, 無論係企定定俾你影, 定係玩緊既時候, 都係好有性格咁唔望... 哼............

PG之去左婆婆度玩, 公公婆婆買左聖誕禮物俾小豬呀... 不過唔記得影相, 小豬玩得好開心~ 返屋企時, 已經開始凍....

俾人抱到成隻糉左, 唯有玩下條脷啦~~~ 我伸, 我卷, 我舔... 不過搞到成面口水, 風一吹凍凍地添, 都係舔返乾先... XD

星期日, 瑤瑤豬被迫瞓到十一點幾 (由於我唔肯起身, 小豬見我唔起身, 佢又繼續瞓喎... 我見佢瞓緊, 又一齊瞓多陣, 結果齊齊瞓到十一點幾, 爽~~~~) 食完午餐, 出發去IKEA玩

熱賣助學公仔當然係賣晒啦~ 不過有其他野玩.... 睇下熊熊幾興奮, 小豬就一臉茫然, 唔知發生咩野事... 去IKEA想買個櫃, 不過想要既顏色唔會再出啦~~~ ops... 咁唯有去食下野啦~~~食完野就入左深井探朋友仔... 堡仔好可愛, 又好大個仔呀... 可惜掛住玩, 返到屋企先醒起一張相都冇影呀~~~ 唯有下次補返啦~~~ :P

-- 

今朝起身, 好凍呀... 拎返件熊仔衫出來俾小豬扮爸爸...

朝早起身, 未瞓醒, 面冇表情, 不過都係唔望鏡頭...

lei 個角度, 幾有肉底喎... 幾好~~~

突然諗起上年既相, 果時圓碌碌好可愛呀, 咁就一年lu...

  

又到聖誕...

又到聖誕又到聖誕...
聖誕節一向係熊貓家最重視既一個節日,  因為熊貓家就係四年前既聖誕節誕生架... (其實係熊熊怕自己日後唔記得會被扭耳仔, 所以揀左個全世界都會記得既日子...XD)
上年湊住8個月大既瑤瑤豬, 覺得自己好忙, 所以好求其咁放左棵聖誕樹就算 (連相都冇影到呀...) 今年, 小豬識行識走, 諗住早D擺返D野出來, 等佢可以感受下聖誕氣氛...

年年棵聖誕樹都係果棵, 所以會諗下D主題/ 主色。 今年揀左紫紅色 (不過熊熊稱之為見唔到綠色既聖誕樹 =.=") 露台門本來最好係用七彩既啫喱貼, 不過驚小豬係走去搞, 又驚佢放落口, 所以就改用雪花條 (做左媽媽之後, 連屋企docration 都要諗下, 會唔會有潛在既危險...)七彩啫喱貼就留返俾廁所既鏡啦~ 雖然簡簡單單, 但都幾有聖誕氣氛呀~ XD

小豬對於屋企新添置既聖誕樹好有興趣, 成日走去搞, 一開始仲成棵俾佢整跌添... 小豬當然冇事 (因為棵樹好輕), 不過棵樹就傷啦 (其實係我傷就真)

最傷係LEI D 係迪迪尼買返既吊飾, 好靚架MA,仲好貴添 (買既時候諗住之後都可以用架) 點知棵樹跌一跌, 就爛左4粒 , 其他平平吊飾又冇事喎... 唯有收起幸存者(4粒), 留返幾年後用啦~~~ 

--

同場加映, 呆豬一隻

Lei 個小朋友, 近期瞓覺好唔乖, 係咁同我玩, 到11點都唔肯瞓, 熄晒燈都仲要爬上我個身度跳跳跳。第二朝又唔肯起身, 基本上都係瞓住來換衫架, 有時瞓住抱上車去99度添...

今日出門前, 見新聞話有20度, 諗住唔駛著太多, 就加左件背心出門, 一出門, 大風到lei... 下次出門前都係去露台feel 下先... lei 期D菌好多又好強呀, 真係好驚呀...

面試... take 7

十二月既面試又開始啦, 幸好今個月只有2場面試, 熊貓都係以去玩既心情, 睇下互相適唔適合

今次係老牌(名?)幼稚園- 樂基 , 不過問過下D朋友,到底出名係邊, 又唔係好答到. 熊熊仲問我, 間學校係咪樂基兒開既... =.=" anyway, 報左名就去見識下啦~
去到 , 應該真係有好長歷史, 係學校幫手既舊生應該仲大過我...好多... :P

好多人去面試呀, 我地係第一日朝早11:45果批, 叫號碼已經叫到500幾啦... 咁in 2日咪in 成2千幾人?  學位好似得87個...  Ops... 當玩下啦~

排左陣隊, 有得入去學校啦 (不過全程唔俾影相) 入到學校有D露天既地方俾小朋友玩, 學校都搬左D益智遊戲出來, 不過, 瑤瑤豬剛剛坐低諗住玩, 就俾人叫左號碼去第二個地方排隊...  係呀, 又係排隊。 排隊既地方, 可以見到另一個露天既playground, 有D戶外遊戲, 同埋D車車, 可惜封住左,冇開放俾小B玩, 一班家長同小B只有得個望同等字 =.=" 瑤瑤豬有幾次都突破重圍衝入去, 都係熊熊捉返來,, 等左15分鐘左右, 終於有得入去啦, 不過入到去繼續係等... (in 左咁多間, 真係第一間要小朋友係冇玩具既情況下呆等咁耐啦~ 雖然D miss 同 helper 不時同我地講要多小小時間就得...)

等既過程中, 搵野同瑤瑤豬玩... 我地同小豬仲玩緊指五官既時候, 隔離既小朋友分別用中英普數1-10... 哈哈, 仲以為自己去錯左考K1既地方添... 依家D小朋友真係好叻呀...
又等多起碼10分鐘, 終於有得去interview 啦, 係group interview, 由一個NET帶住小朋友玩遊戲, 另外2個老師負責俾分掛...
task 1, 要家長係flash 卡度, 揀一款覺得小B最有興趣既交通工具, 小B就係個玩具籃度揀返一款交通工具玩具, 睇下一唔一樣... 結果係唔同架, 個gp 有6 pair, 得小豬同隔離個小朋友係match 唔到架 (係考家長了唔了解小朋友?)
task 2, 拎架van 仔出來, 舉高 ... 做到
task 3, 拎架的士出來, 放在大脾上... 拎到, 不過冇放係大脾上
task 4, 輪留出去放好個玩具籃... 做到
task 5, 家長輪留答, 小B鐘意睇咩野故事書 (亂咁講左... =.=")
家長答緊時, 小豬已經冇耐性啦, 聽到隔離房有音樂, 就自己起身跟住音樂搖來搖去
task 6, 輪到我地唱歌啦, 瑤瑤由於剛剛跳完, 所以冇反應 =.="
task 7, 唱goodbye song
全個過程, 幾似一堂濃縮左既PG, 不過對於小B既耐性係一大考驗
結果會係1月10日以書面通知...
應該不抱希望, 好似明慧既校長咁話, 唔錄取唔係小朋友唔好, 只係學位唔夠多啫...

---
放榜成績更新
共in 左7間, 有5間出左成績, 1間聽講出左, 但我未收到信, 1間1月先出
有2間rejected, 係呀, 係reject letter 連後補都冇
有3個offer, 其中2個係am, 1個pm
暫時最想讀既係俾pm offer 既am 班, 希望轉得到啦~

---

hoho, lei 輪識做小檬哥哥既招牌動作啦~ 不過通常要媽咪係隔離做埋一份, 瑤瑤豬先肯做...

 

星期六搭港鐵入屋企時, 可能冷親呀, 又係咳到冇朋友... 星期日啦啦聲帶小豬去睇醫生, 好彩只係普通感冒, 肺同氣管都冇問題...
LEI輪小豬成日都病呀, 所以都係俾佢著多幾件衫...
個頸巾圈好好用呀, 應該都幾暖, 可以護住D氣管, 希望唔好成日都咳咳啦~
淘返來, HK$10.00 有找...

第一次迪迪尼之旅... 下集

迪迪尼酒店都幾好瞓, 我同瑤瑤豬都瞓得唔錯, 熊熊就慘D, 因為佢唔慣小豬瞓隔離, 仲時不時被小豬既旋風腿伸左幾下... 不過佢好早就要起身啦~ 是日重點係迪欣湖既半馬...

而我同瑤瑤豬都比平時早起, 去迎接爸B衝線 (ops... 太早起身... 個樣真係嚇死人... =.=") 原本諗住返去再補下眠, 不過小豬醒左又點會咁容易可以俾我地補眠呀, 都係食個早餐, 再去玩啦~

 


食自助早餐, 都幾好, 早餐通常都有好多野啱BB食, 粥, 面包, yogurt, wuffle, 河粉, 蛋, 生果... 數數下, 分分鐘小豬食得仲多過我... XD, 而最緊要就係, BB係免費架...

仲有mickey 同佢一齊影相... 開心C...

再入場, 當日天氣好好呀, 仲又曬又熱添 (不過天文台話果日係凍喎...)

入左場之後, 搭左2程小火車... (因為要留低架BB車先可以搭火車, 但當日係星期日, 所以到站後唔可以唔落車, 要落車再排過隊, 先可以搭返去拎車... Lei 個安排真係幾滴汗架, 好彩唔係好多人排隊咋)

 

去左反斗奇兵大本營, 迷離莊園同灰熊山谷度, 行下... D 遊戲好似唔太啱小豬, 所以最後決定行過就算
本來打算去玩winnie the pooh,  不過超多人排隊呀, 所以放棄, 改玩小小世界...  吸取左第一日抱到手軟既教訓, 拎埋揹帶去排隊, 點知...

瑤瑤豬不敵揹帶既催眠效用, 係就來排到既時候, 變成左咁樣喎... 仲要點搞都唔醒... 咁一場排到, 都要上船睇下架... 熊熊跑完半馬又話好攰喎, 閉目養神, 留返我一個係度 "世界都係小小小, 小得真係妙妙妙..."

由於瑤瑤豬瞓左, 熊熊說佢可以自己睇住佢, 俾我去玩迷離莊園... yeah... 想玩左好耐呀...

排左差唔多九個字, 嗯... 我覺得mama 地, 相比係東京同LA既幽靈公館差好多呀... 幽靈公館真係好正架, 如果香港迪迪尼有就好啦~ 玩完之後去同熊熊同小豬會合。見小豬醒醒地, 但又剛剛過左花車巡遊既時間, 於是諗住去睇多次小小世界 (係呀, 估唔到去迪迪尼玩2次既遊戲係小小世界呀...=.=")

 

由於巡遊緊, 所以好少人排隊, 抱住小豬上船果下, 佢仲未醒晒, 不過之後就睇得好開心啦~

玩埋之後, 就走lu... 今次都叫幾成功呀~~~~
再一次證明熊貓係幾好彩架, 因為到屋企出地鐵時, 又落緊大雨lu~

第一次迪迪尼之旅

熊熊生日, 我地帶左瑤瑤豬去海洋公園, 今次就去迪迪尼,  今次仲住埋酒店添 , 當係我既生日禮物喎... (其實係熊熊第二日要去迪欣湖跑半馬, 方便佢自己咋...)

由於買左2日既入場券, 所以星期六果日好夜先入場。 上完PG, 俾小豬食埋個晏, 正式出發。 首先去左青衣城個板長醫肚, 小豬食左半個柚子素面, 其他時間都同後面位個哥哥仔 (可能3-4 歲掛) hi來hi去, 玩得好開心

本來諗住去青衣既路上, 小豬就會瞓晏覺架, 點知一直都好精神咁玩玩玩.... 玩到係欣澳站等咁迪迪尼車時就瞓左啦~

繼續瞓.... 仲要全程同一個post...

到左迪迪尼, 仲瞓緊。費事吵醒佢, 我地唯有放棄搭shuttle, 改以散步走去酒店, 都幾遠下喎...

不過又好少可以咁悠閒地散步既....

等check-in中...

上到房, 諗住抱佢上床瞓啦~ 點知一抱到上床就醒啦, 仲即刻好精神啦~ 都好可以出發去玩lu..

等shuttle 時影張相先~

入到迪迪尼已經係4點lu... 見瑤瑤豬LEI期好鐘意帶頭cool, 諗住買個minnie 頭cool 俾佢啦~

點知, 小豬唔太鐘意, 係咁拎落來, 而且個頭COOL 可能有D重, 帶得唔係好穩.... 見瑤瑤豬唔多鐘意, 就決定... 慳返... XD

原來瑤瑤豬一早心有所屬, 一見到D汽球就係咁波波波波咁叫...咁D汽球又真係幾靚既, 仲識著燈添,  雖然又貴又唔放得耐, 不過算啦 (之後全靠LEI個汽球, 小豬lei 個trip先肯乖乖坐係BB車上咋, 都算物有所值啦~)

見木馬唔太多人, 所以就玩左先~ 可能唔係第一次玩, 所以今次唔驚, 一坐上去就識得拉住扶手, 全程都好開心...

本來諗住去玩埋小飛象, 不過條隊好長, 放棄, 改去同mickey影相 (Lei幾個活動, 對我來講都係第一次咋, 以前來迪迪尼, 第一時間就奔向機動遊戲啦~) 小豬見到mickey 好興奮, 未輪到佢既時候, 真係拉都拉唔住, 輪到佢既時候, 有小小怕醜, 不過都肯過佢同mickey 玩

見瑤瑤豬同mickey 玩得開心啦, 於是帶佢去同pulto影相, 點知出事...
一見到pulto 即刻變身為樹熊, C都唔肯落地, 仲爆喊左幾聲...=.="

唔影相, 又周圍行下, 見4D電影冇咩野人, 就膽粗粗帶埋瑤瑤豬入去試下...

等緊既時候, 好得戚咁玩緊眼鏡... 入到去, 我地已經特登搵左D 靠邊位坐, 以備有咩野冬瓜豆腐可以即刻走人... 果然, 開場唔到2分鐘, 當Donlad Duck 衝出來時, 瑤瑤豬就爆喊啦... 即刻走人...都叫入過戲院2分鐘呀... :P

唔睇戲, 改搭船仔呀... 可惜小豬應該被嚇親, keep 住係樹熊mode, 一定要我抱, 爸B抱都喊... =.=" 好後悔冇拎埋條揹帶去排隊, 結果抱到手都軟... 可能依然嚇親緊, 所以全程船仔都冇咩野反應...

都係食飯最開心... Ar...m...

食完飯, 就睇煙花啦~ 本來都有D擔心小豬會驚, 幸好, 她都有睇, 仲手指指添...

睇完煙花, 傻熊貓三人組以為仲有得玩, 原來香港既迪迪尼8點就收啦... (對上N年冇來過普通日子既迪迪尼... 明明LA既迪迪尼係玩到12點架MA...)

返到酒店, 瑤瑤豬勁開心咁行來行去, 左搞右搞, 原來對佢對講, 酒店房先係最開心既地方... =.="