發燒烏...

5月1日, 勞動節
本來諗住去公園玩, 如果再好天D, 可以去游水, 結果起身抱抱隻小豬, O... 發燒烏...
冇咳, 冇鼻水, 冇嘔, 冇其他病症, 只係個身熱啦啦, 探熱, 37.2-37.3 中徘徊, 又唔算燒, 不過貓貓相信自己既手感, 摸落去熱啦啦
即刻埋退燒貼(唔知點解, 今次小豬好唔鐘意, 貼親都係咁掙扎), 留係屋企休養
發緊燒既瑤瑤豬, 都算精神, 食得又玩得, 又肯飲水又肯瞓覺, 所以觀察下先, 到左夜晚都係有燒, 所以餵左次退燒藥(好似打戰緊)

5月2日
未起身就摸摸小豬條頸, 好似仲熱左, 探熱37.4-37.5度, 但係手感再熱左喎, 所以都係睇下醫生啦~
9點05分打去樓下間9點先開門既診所, 已經排到12個啦, 醫生要10:15先返, 每個病人會睇5-10分鐘, 姑娘叫貓貓自己"因"返時間, 落去喎, 11點幾打去, 仲有4-5個, 就到啦, 執野出門去到, 仲要等多3個, 搞到12點先有得睇
去到症所, 探熱, O... 38.6度,  即刻用自己果枝探, 36.8忍唔住要講正廢柴, 想即刻掉左買返枝百靈牌
醫生問左一輪, 懷疑係玫瑰疹 係玫瑰疹的好既一面係BB唔係好辛苦, 基本食得玩得瞓得, 出左疹就會退燒, D疹又唔痕又唔痛, 3日左右就會退, 又唔會留疤, 唔好既一面係D燒可以好高, D疹又可以好得人驚, 同埋, 下次BB再高燒, 就會係因為其他再嚴重既問題啦~ 另外就係, 小豬一日未出疹, 一日未可以確診為玫瑰疹, 但出左疹就會退晒燒, 所以LEI個病醫生都只可以係事後孔明。除左食退燒藥之外, 都冇其他藥, 唯有觀察。每次睇醫生都係咁, 醫生問完有冇胃口, 貓貓都會答OK, 然後, 返屋企後, 小豬就會開始冇胃口touchwood, 下次都係要諗清楚先答

下晝貓貓返工, 99湊, 都係咁上下, 不過發緊燒既小豬點都係有D呆, 仲有燒, 不過唔係好勁, 食野食得麻麻,但又唔算完全唔食。夜晚睡覺前就好精靈啦, 一探熱, 原來退左燒。9點幾餵過藥, 12點幾就冇再叫醒佢餵藥。

5月3日
零晨5點, 小豬係度EERR, 一摸... 哇, 辣手到LEI...  探熱, 40.3度 醫生一早預告左係有高燒, 貓貓係網上見玫瑰疹之前都會有40度既燒, 所以先冷靜地冇送她去醫院咋
即刻起身諗住餵藥, 餵水, 開燈一睇,成塊面紅卜卜, 紅過紅蘋果。 可能真係好唔舒服, 小豬食藥都冇掙扎, 只係係度喊
食完藥, 再瞓過, 但貓貓好擔心小豬會因為高燒而抽筋等, 唯有攬住佢瞓, 如果有咩野事, 貓貓都可以即刻知道。隻手墊住係小豬既頸下, 一陣就覺得熱到頂唔順, 可想而知, 小豬真係好高燒呀 
食完藥後1個鐘, 貓貓幫佢探多N次熱, 確定退緊燒, 退到39度左右,即係D藥有效用, 先繼續攬過瞓覺
結果熊貓一家今朝齊齊瞓過籠, 再探熱, 37.9, 咁都好D, 小豬又有返D精神食奶同笑笑啦
真係嚇死貓貓
送左小豬去99度, 繼續觀察

希望快D出疹啦~ (醫生說要燒3,5,7日呀..) 希望真係玫瑰疹啦~~~