媽媽節

LEI個係貓貓既第二個媽媽節, 對上果次, 仲坐緊月, 所以冇慶祝, 今次就輪到搬緊屋, 所以個母親節BUFFET係慶祝搬完屋, 冇小豬份

慣例提早星期五為媽咪同99慶祝母親節, 不過好似冇人記得屋企多左媽媽, 所以由揀地方到book 位都係由LEI個冇人記得既媽媽負責架 揀左係鴻星食第二場, 鴻星近年既價錢大眾化左DD, 不過就坐得逼左, 好彩D野食都算唔錯 ( 其實貓貓都唔係好記得食左D咩野, 因為隻小豬係隔離冇停過LOR) 好彩一早叫99切定盒橙, 咁都叫坐一陣, 上菜之後, 又食左2啖炒飯(出門口前已經食左粥啦~) 之後用星星餅又可以坐多陣, 再之後就要又要企身, 又要落地啦, 於是貓貓抱佢出去行一陣, 然後爺爺接力, 再公公出埋去, 餐飯就越食越少人LU~

原來係抱左去樓下既遊樂塲, 玩得好開心~~~

星期六, 去完PG, 就要返99度啦,有人食完粥宋瞓夠, 一臉不爽
 熊貓LEI日要搬屋( 其實同座由樓上搬去樓下, 都幾方便, 所以熊熊說要自己搬喎) 搵左2個猛男幫手, 又真係好快手地, 唔駛2個鐘就將大件傢俬搬好啦, 之後就不斷執執執...

星期日既母親節, 貓熊要係屋企繼續執屋, 就將小豬放係婆婆度。小豬見到媽咪出街冇帶埋佢, 哭到勁大聲喎 (等緊LIFT都聽得好清楚), 平時返工前放佢係99度, 都會哭2下, 但冇咁誇張。睇來 我可愛既瑤瑤豬又大個左啦~ 夜晚同左3個猛男一齊食buffet慶祝搬完屋呀 如果可以帶埋小豬就好啦, 不過帶埋佢, 貓貓就冇得食啦~  食完buffet, 湊返小豬, 一齊返新屋覺豬豬...

第一晚都算瞓得幾好, 小豬中間有醒過下, 不過咬住奶咀又好快瞓返LU~

朝早起身好開心... 所以張張相都係濛架...
瑤瑤豬, 你快D諗定下年母親節送咩野俾媽咪啦~