今日好似(因為已經唔記得左~
) 去左3個景點, 朝早去左佛光山。係一個好大又好靚既景點, 聽講係新裝修完架。 熊貓分別揹左陣瑤瑤豬, 係入面逛左2個幾鐘先走人。成個景點都好靚, 好莊嚴, 雖然貓貓唔係佛教徒, 但係果度都感覺到果份既寧靜 (好彩瑤瑤豬全程都好乖, 冇扭計, 又冇大聲叫 
)佛光山之後就去左一個客家村 (好似係客家掛~ 又唔記得左
) 食晏同埋,學整擂茶, 個景點超多人呀, 領隊說係因為果日係台灣既假期, 所以D出晒來玩, 平時得小貓3,4隻咋。今日食飯既時候, 小豬冇瞓到呀, 好彩間餐廳有BB櫈 (當時既瑤瑤豬仲肯乖乖坐BB櫈, 然後自己玩, 依家隻衰豬坐幾坐就要扭出來玩LU
)瑤瑤豬就自己坐係度玩紙杯同紙巾(好唔環保LEI) 唔記食左D咩野, 都係過得去啦~ 食完飯, 等左陣, 就去學整擂茶。擂茶其實係加左芝麻, 花生等果仁類, 磨成粉之後, 再用茶冲開來飲, 我地所謂既"學整" 就係自己用棍將D果仁磨成粉。 其實都幾好飲架, 不過果時顧住同小豬玩, 冇買返包磨好既返香港飲.. ...飲完茶既下一個景點係狗不打英國領事館 (好似係咁上下既名) 要行一條長長既樓梯...
有D氣咳, 上到去, 其實冇咩野睇, 不過算係企高D, 望遠D啦~~本來之後仲有買手信既景點架, 不過LEI個團老人家又多, BB又多,真係零行動力, 所以都係SKIP左個景點, 直接去食晚飯LU~
去左唔知邊度食打邊邊放題 (開正熊熊果範... 開心死佢)
3個BB排排坐high chair, 超搞笑
D野食都幾好, 台灣的放題真係正過香港多多聲...
食完飯 返酒店, 又係一輪惡戰後, 小豬終於瞓左啦... 然後, 有班傻佬結伴一齊去左酒店樓下睇"煙花" 倒數
果班傻佬搵左個有利位置, 又SET好晒野, 準備睇煙花, 點知, 幾秒後, 就睇完煙花啦~
班香港來既傻佬, 一定以為場煙花起碼有香港放果D咁長呀...
睇完煙花, 宵夜, 然後返酒店lu...第五日, 2013年的第一日, 亦係成個團既最後一日啦~
朝早check out 左之後, 去左個唔記得叫咩野名既島 (太耐啦~
)效遊... 睇下海, 踩下單車, 飲下奶, 食左大量街邊檔...然後就要去機場啦~
貓貓記得預早左好多下去到機場, 然後就呆等... 高雄既機場, 真係有D細, 冇咩野行, 成團人係機場呆等2個鐘就上機返香港啦~
回程既機好爆, 大家都坐得幾迫, 小豬仲爆喊左好耐呀...
喊到差唔多落機先好D, 返到香港, 一上車, 就即瞓...
(如果係飛機上瞓, 你話幾好呀....)就咁樣, 唔到8個月既小豬就完成左佢人生第一個旅行啦
~ (真係辛苦晒自己呀..) 其實係"的"起心肝寫埋最後2日行程既今日, 小豬已經去多左2次澳門啦, 帶佢出門已經越來越容易啦~ yeah~~~~
沒有留言:
張貼留言