愉快星期天

通常既星期六日, 貓貓都會帶瑤瑤豬去婆婆屋企,等2老可以多D見下粒孫 (等貓貓可以放假去行街~) 不過, 剛剛過左既星期日, 公公唔舒服LEI, 所以唔去婆婆屋企啦(希望公公快D好返, 身體健康啦~~~)

又通常, 小豬星期日會跟貓貓一齊瞓到11點左右架 (當然朝早奶都係要飲既, 最多飲完再瞓過) 不過LEI日,小豬9點幾醒左, 就係床玩玩玩, 可憐貓貓一個星期唯一既一日補覺日, 就咁半睡半醒中渡過 (咁熊熊去左邊? 佢之前果晚陪公公係急症室罰坐到4點, 等報告, 所以返來做左廳長啦~), 12點幾餵完奶, 煲落粥, 貓貓就自己帶小豬去剪頭髮啦~ 熊熊就可以繼續補眠 (羨慕呀~~~)

去到剪髮舖, 好多人呀, 唯有留電話再行下街啦, 小收獲係瑤瑤豬架。行行下, 小豬就瞓左LU, 之後就開始剪啦~ 全程小豬都係瞓著架, 雖然係俾醒下, 但又會繼續瞓喎, 所以過程都好順利, 唯一唔好既係, 貓貓揹住小豬瞓, 所以髮型師姐姐唔係好見到成個髮型呀, 不過算啦~, 都冇所謂啦~

hoho , 新髮型都幾可愛呀, 椰蓋頭~ 不過, 就又變返男仔LU~
不過, 髮型師姐姐一開始就以為瑤瑤豬係男仔呀

剪完頭髮, 急急腳返屋企餵粥, 沖涼, 之後又出門啦~ 因為要去公園玩呀 瑤瑤豬咁大個第一次去咋 (雖然平時, 99會帶佢去樓下既公園睇魚魚, 又會去會所玩車車, 但就第一次去遊樂場玩) 貓貓都覺得好興奮呀~
去到公園, D設施都好多呀, 又有好多大大小小的小朋友玩緊, 於是熊貓就同小豬一齊玩SIR滑梯 (熊熊係上面放手, 貓貓係下面接住) 玩左幾次後, 瑤瑤豬開始識笑啦~然後就去玩貓貓想左好耐既BB鞦韆啦~~ 初初仲有D擔心小豬會驚, 好快就發現佢不知玩得幾開心,對腳仔係咁fing fing fing ,好得意呀。到熊貓停手唔推佢既時候, 佢仲會發下發下, 好似想自己推自己咁, 超搞笑。玩左陣, 就帶小豬去玩其他野LU (因為BB鞦韆好多人等架) 之後又玩左幾條SIR滑梯 (個公園入面至少有10條)
玩左大半個鐘就走LU~ 今次好開心, 下次再玩過~

玩得幾開心~~~

離開公園後, 去左超市買晚餐, 然後就返屋企啦~

一直到返屋企既路上, 小豬先肯覺覺豬咋 (所以全日只係瞓左1個鐘多DD)