忙碌的早上

熊熊返左大陸既早上, 貓貓就要單打獨鬥啦,好多時, 瑤瑤豬都鍚住媽咪,會瞓住覺等貓貓可以做晒D野, 先幫佢換片換衫出門口架
不過,  琴晚, 瑤瑤豬就好乖咁,唔到10點就瞓左, 一路瞓到今朝8點 (即係, 貓貓未做晒野, 佢就醒左啦~)
估佢都瞓唔返架啦, 唯有幫佢著件背心仔, 放佢係地下自己玩, 貓貓就繼續泵奶,執野, 梳洗, 換衫等等...

路過小豬既時候, 見到佢係度自轉除背心喎, 雖然好搞笑, 但係都不以為然, 繼續忙碌地準備出門
而小豬見到貓貓時, 就例牌笑晒咁諗住爬過來, 點知...
"叭"一聲, 成隻豬趴左係地下喎, 小豬果下好驚訝 (其實係除背心除左一半就諗住爬, 被背心CLICK住左)
然後就開始大喊啦~~~
貓貓見住佢趴左係度, 笑到停唔到呀... 唯有一路笑一路ho 返啦~

ho 完一輪, 又放佢係地下自由活動...返來見到

ops... 仲搞到一地都係棉花棒...

咁樣幾時先可以出門呀....