生活趣事

睇來開左個"生活趣事" 既題目後, 以後就唔駛諗標題, 日日生活趣事啦~

LEI輪瑤瑤豬食夜晚餐奶又唔乖左, 以前餵9安奶係4個字左右架. 之後諗住訓練下佢自己食,佢都可以自己食4-5安架, 再之後就病左啦, 病好左後就開始好扭計, 好爛玩
自己拎住食果2安奶, 就食下又拎出來玩下, 不過都算快, 5分鐘左右啦, 然後俾枝大既佢, 就開始玩野, 食幾啖, 就轉身玩一陣, 貓貓忍唔住出手, 幫佢拎住奶樽都係好小小。食衛100ML時, 更加係FING開枝奶, 要自己起身玩 唯有抱住佢再餵啦~, 食10ML, 就玩一玩, 再食幾啖, 又再玩 鬧佢幾句, 好DD, 食15ML啦, 再玩...
成餐奶足足要餵40分鐘, 但佢又唔係唔食架喎, 只係心野... 貓貓諗住, 停餵媽媽奶後, 搵一晚, 佢唔食就唔餵, 由佢,  (點解要停餵媽媽奶先? 媽媽奶已經開始限量供應啦, 唔好浪費啦~~~)
um... 以上掛住玩唔食奶既事, 唔太趣LEI...

琴晚, 小豬掛住玩唔食奶時, 剛剛電視播緊新聞, 講習近平當選為新既中央領導人, 背景就係一班人一齊拍手。瑤瑤豬見到, 就跟住一齊拍手, 仲一邊拍, 一邊笑添 貓貓見到笑到碌地

琴晚.... 突然諗住之前買既毛毛頭箍, 就拎左出來玩
唉, 睇下小豬幾唔鐘意, 帶左上去, 就9秒9咁除左落來, 一D都影唔到相呀...
其實都幾可愛呀....