峇里親子遊... 3.1

第三日有今次親子遊既重頭戲 (我覺得), 就係去動物園啦~ 今日我地包左車, 約左8點半去酒店pick-up (不過司機遲到, 9點先到), 諗住去動物園, 睇梯田同埋去鳥布行下...
包車其實都幾抵, 我地要左架7人車, 最後用左14個鐘, 再加BB car seat, 同埋小費, 用左Rp800,000 (即係HK$550.00) 左右, 雖然我知LEI個價係當地都算貴, 不過我唔得閒搵司機, 朋友就係tripadvisor book 左個, 都算OK啦...司機手車都幾好, 車都乾淨, 冷氣都好夠...

峇里有好似有4個動物園, 較出名既係Bali Safari and Marine Park, 不過個動物園太大, 我地又冇諗住係動物園逗留太長時間, 所以最後揀左去Bali Zoo, 門票好似係USD2X.00 (唔係我去買飛架) Bali Zoo 其實有得騎大象, 可以行好遠啦, 不過我地當然冇玩啦~

細細既動物園,行一圈大概2個鐘左右, 小豬對D動物都好有興趣 (但唔肯落地lor) 

Warm-up 完, 肯落地

去左個新區,D動物會係身邊行來行去, 不過主要都係D孔雀同火雞... 

然後見到有動物介紹, 就即刻坐低睇, LEI隻野好可愛呀... 不過唔知係叫咩野...

另外, 仲有D雀仔既介紹都好精彩, 不過揸機果位掛住自己睇完全冇影相...  小豬都睇得好開心

最後我地去左餵動物...

有得餵鹿同埋山羊同埋兔仔, 不過得鹿可以自由咁行來行去, 所以主要都係餵鹿

D鹿其實都很溫順, 不過會主動過來食菜, 所以我都係好驚咁拖住小豬走來走去, 最後熊熊話, 叫我影相, 唔好拖住小豬, 費事本來唔驚既小豬以為有野要好驚喎... (well , 好啦, 我都鐘意影相... )

係爸B既指導下, 小豬又真係唔驚喎, 又肯餵鹿仔, 又肯摸鹿仔呀...

之後仲俾小豬發現到bunnie (即係兔仔), 小豬好開心咁追住兔仔, 又餵佢食野, 又摸摸...

仲好合作咁同bunnie 影相呀...

LEI個餵動物活動好抵, 我地4大1小, 玩左20分鐘有多, 真係逐條菜葉咁餵架...  Rp20,000

之後熊熊去左餵老虎... 半隻雞, Rp50,000

不過, 熊熊話以後都唔餵老虎獅子啦, 佢話老虎食佢隻雞咁下, 覺得老虎變左做猫仔, 好可悲喎...

餵完老虎, 剛好2個鐘, 我地就走啦... 我覺得Bali Zoo幾適合小B去, 都算有野睇有野玩, 小豬一上車就瞓左覺lu...

難得既食物相... 因為小豬瞓左MA...

我地去左食燒豬飯... 真係超好味呀... 食之前熊熊仲係度講, 應該都冇燒豬整得好食過香港既做法啦~ 食過之後就自打嘴巴, lei 間真係超好味, D豬肉好好好滑又入味

特別影下碗湯, 好味, 入面仲有好多蔬菜, 係跟某個餐送既, 最後我地單點左個湯, 打包俾小豬瞓醒食...

LEI間舖應該好好生意, 上菜上得勁慢,(其實間舖只得燒豬賣架咋, 都唔知點解可以咁慢) 所以枱面放左好多蝦片同花生俾客等緊既時令食 (係收錢既), 蝦片又係好味, 我地走既時候, 又買走左幾包蝦片

整體來講, LEI間燒豬飯舖頭真係好得, 依家望住D相都有D流口水呀...

峇里親子遊... 2

第二日, 一大早熊熊就同契爺出發去潛水啦~ 我同小豬同朋友T就留係酒店泳池玩

晨早起身, 仲好眼瞓呀 (梗係啦, 琴晚差唔多成點先瞓, 朝早9點就俾我整醒啦~)

不過都好快裝好身, 準備玩

酒店早餐, OK啦, 每日都係幾款鮮搾既果汁, 椰青水, 各式香草水, 有一款好味但應該好肥既鮮果smoothie, N款生果... 其他既面包,粥粉面飯都有...  (不過我一張相都冇影到 XD), 網上見話有得叫main menu上既野食, 不過現場睇又好似冇喎, 總體來講都可以, 不過冇驚喜

小豬當然係食得唔多啦... 不過好彩每日都食左半碗仔既青菜蘑菇雞肉米粉, 有士多啤梨既日子就會勁食士多啤梨, 其他生果都唔多食... 蛋呀, 包呀都係食幾啖就俾返我啦~ 雖然係咁, 但相比起上次去沙巴已經算係食得好D啦~ 

小豬食完, 其他人未食完時, 只可以靠iphone 啦... 不過都係第一餐有用, 之後果幾日, 小豬都係拉住爸B, 要去餵魚...

食完早餐就去游水啦~

果日既天氣好好, 好猛太陽, 但係D泳池水就真係超凍...

小豬玩左陣水, 就上水飲水... 

由於落水又驚佢凍親, 上水又勁曬, 最後係溫水池玩左陣, 玩到1點幾, 就執野走人去食lunch 啦 (原本諗住係pool side 食架ma...) 果餐lunch (都係冇影相), 小豬好曳, 自己

唔食野 (食左幾條長通粉) 就係咁要餵魚魚, 朋友T話見到小豬咁既樣, 令佢唔想生B喎... =.="

食完lunch, 熊熊同契爺已經話潛完水回程中啦~, 所以啦啦聲返房同小豬沖涼。係房hea 左陣就出去金巴蘭海灘睇日落同食晚飯啦~

影張全家幅先, 可惜小豬係搭的士時, 已經去左搵周公玩啦.... 我地趁機係後面果檔粟米檔買左枝辣既粟米食, 不過我都係鐘意唔辣既

行行下, 小豬瞓醒啦~

可惜LEI個時候, 熊熊已經行得好遠,去搵地方開餐啦~

唯有同小豬2個人影張相啦~

我: 太陽伯伯就來收工啦, 快D同佢講bye bye 啦~

小豬: 太陽伯伯bye bye, 聽日見啦~

然後, 太陽就勁快咁插落海lu~

係餐廳叫左set, 有蟹有蝦有魚有蜆有串燒, 唔貴但同之前果日差好多, 之前果間真係又平又靚又好味呀... 初時以為係set dinner 先係咁樣, 所以再多左碟大蝦, 都係唔得呀...  相對之前果日真係有D失望呀... 食完野就打的返酒店lu...

峇里係好得意既地方, 佢地每個景點/ 餐廳都同的士司機夾埋架, 無論你想去邊, 的士司機都會介紹都會有佣收架... 相對, 出每個景點/餐廳, 都有司機係度, 可以盡情講價

返到酒店, 再沖涼, 然後朋友就來我間房飲酒叫room service...  小豬冇份食, 因為沖完涼冇耐佢就瞓左lu... 

峇里親子遊... 1

yeah... 又有得去旅行啦, 今次仲要係越級挑戰, 去峇里...
點解話係越級, 因為今次要飛差唔多5個鐘先到峇里, 而以小豬坐飛機既往績, 真係有D滴汗...

今次去5D4N, 坐香港航空既機 (agent 仲幫我拎左個靚價) 第一次坐, 其實都唔錯, 冇遇到傳說中既超極delay, 去程delay 左1個鐘左右 但係機師揸快左半個鐘多D (由4個鐘55分鐘, 變成左4個鐘10分鐘) 所以去到峇里時, 只比schedule 遲左小小

係機場排隊時, 香港航空真係多人到LEI... 小豬係周圍玩左一陣已經要抱, 於是出動hip seat (第一次正式出街用, 小豬都幾鐘意, 我覺得都可以接受, 雖然都係之前條揹帶好用DD)

係候機室見到有個細細既kid corner, 雖然真係細細, 不過都夠小豬玩左陣

係飛機上, 我買左好多貼紙俾小豬玩, 不過都係頂得一陣, 又睇左陣電視, 又玩ipad, 又玩電話, 又食野, 仲不斷咁爬來爬去之後, 終於到峇里啦...  (4個幾鐘係完全冇瞓過架...每次去旅行最頭痛既就係搭飛機lei part)

去到峇里, 已經係下晝5點半啦, 再出海關, 又搞一大輪之後終於向酒店出發... 我地去左的士站叫的士, 網上睇blog 時話果度D價錢會好D, 不過我地覺得都幾貴, 而且我地4個大人加一隻豬, 再加4件行李, 結果要分2架的士, 每架係Rp125,000, 就來同包車半日差唔多啦~ 係的士上, 小豬瞓左... =.="

大概半個鐘後, 我地到左酒店, rimba bali, lei 間酒店幾值得推介, 佢係出名既ayana 既姐妹酒店, 就係ayana 隔離。我係網上搵到個超平既package, 4晚連稅連早餐, 每間房係HK$4950.00。雖然rimba望出去冇海景 (得山景), 但住rimba D房睇落新D, 又靚D, 又可以免費用埋ayana 既所有facility (同埋超靚海景), 所以我覺得好超值

個lobby 好靚...

房都靚, 又好大, 最正係個好大既圓型浴缸, 小豬係泳池玩完水, 好多時都係係浴缸玩多一輪水先安樂

影完房相, 即刻出發去搵野食... 我地近近地去左金巴蘭沙灘食海鮮。 熊熊相中左間叫Lai Cafe 既舖, 所以打的直接去左果度。 去到既時候已經9點幾, 所以個海係黑mama既一片, 吹住海風食海鮮, 正...  

係海邊係用candle 照明架, 小豬見到就係咁吹...

努力食粟米中, 不過影到爆晒光...=.="

點解有個咁既表情呀?

我地order 左, 烤魚, 烤蝦, 烤蜆, 烤墨魚, sate同印尼炒面, 樣樣都好味, 只係印尼燒烤, 個醬好重, 仲幾辣, 所以小豬一D都冇得食, 所以order 左雜菜俾佢, 配住白飯, 都算係LEI幾日食得最好既一餐... lei 餐好好味, 又好平, 4大1細食左唔駛Rp800,000咋 (即係HK$550.00左右)

食完飯, 去左買sim 卡同入左D零食就返酒店啦~ 第一晚, 小豬係酒店好興奮, 結果陪熊熊一齊睇左半場世界杯, 半場既時候熊熊即刻熄電視, 小豬先瞓左咋, 不過我都一齊瞓左覺 XD

小豬與小狗

星期日, 去朋友屋企 Housewarming...
朋友屋企養左隻狗仔 (北京狗? ), 我地睇住佢大架, 細個既時候超可愛, 依家已經大過小豬lu... 未去之前, 我就同小豬講, 星期日會帶佢去同狗仔玩... 小豬好開心. 因為佢勁鐘意狗仔, 平時係屋企附近見親狗仔都好開心咁指住同埋扮佢地吠...

星期日去到朋友屋企, 小豬見到小狗勁開心, 係咁追住隻狗仔, 可能太熱情嚇親佢啦, 所以狗仔係咁對住小豬吠喎... 小豬見到狗仔吠, 一D都唔驚, 仲係咁笑添 =.=" 然後, 繼續追住隻狗仔...
結果, 成晚熊熊同朋友都好唔得閒, 一個要看狗, 一個要看豬, 仲要協商幾時放邊個落地 XD
我就一路MJ, 一路睇戲... :P

朋友話, 小豬太天真啦, 所以先會唔驚 (其實我見到狗仔還咁吠都幾驚架), 以為狗仔係度同佢玩 (係唔係因為我成日同小豬講, 話星期日會帶小豬同狗仔玩, 所以小豬一直都覺得狗仔係玩緊架lei?)

由下晝3點幾開始, 到6點幾既時候, 狗仔已經開始頂唔順啦, 主人抱住既時候就開始釣魚啦, 可惜精力旺盛豬又點會放過狗仔lei... 於是繼續我追你吠既活動... 8 點幾我地就走啦~ 唔到9點, 朋友就SEND來狗仔既瞓覺相lu, 而小豬係車都瞓左lu... 可能佢地一齊係周公度繼續啦

Vivi, 我地下次再玩過~~~

戒片大作戰... 1

夏日炎炎, 正好戒片... 等小豬唔駛包住條片片咁熱MA... 而最緊要係99都覺得係時候戒片片啦~
戒片用品
- 小廁板, 62一早買左(一早係指小豬6-7個月既時候)
- combi既potty, 上年買左, 小豬基本係當玩具玩
- 小底底 N條
- 面褲 N條

正式戒片係5月頭啦, 一開始, 99每日要洗一盆褲仔...過左個幾星期後, 99話小豬開始好D啦, 起碼wee wee 後會同99講"嫲嫲濕濕" 不過都係唔肯坐potty, 所以就直接抱小豬坐小廁板, 坐過幾次之後就開始肯坐啦~ 6月開始, 99話帶小豬去會所玩同落公園玩都可以唔包片片啦~ yeah~~~
有時唔包片時, 都會叫"急急" 不過就好細聲, 好多時都會miss 左聽唔到... :P
我已經覺得進度幾理想架啦~ (當然都辛苦晒99係咁洗褲仔)

雖然進度幾理想, 不過我真係瀨野瀨過唔少次...
- 星期六日自己湊既時候, 雖然冇諗過要將戒片進度推向一個新階段, 但都起碼唔想退步掛... 於是我好緊張地半個鐘問小豬一次要唔要wee wee...  小豬有得玩當然話唔駛啦~ 結果大大泡wee wee 留左佢睇開既書上面 =.="

- 由於99落公園係唔包片既, 所以接返屋企時都話唔駛包... 結果走到半路 (99屋企行返屋企, 大概10分鐘唔到路程), 小豬用從來冇咁細既聲線同我講 "急急"... ops... 唯有返到屋企先善後啦~

- 剛過既星期日, 繼續唔包片... 小豬繼續周園搞搞震, 試過幾次放佢上potty 板上, 小豬都好反抗, 我緊小豬會因為咁而唔鐘意坐廁板, 唯有不斷問佢駛唔駛wee wee... 結果, 係佢擺出個poo poo 樣時, 我第一時間抱佢入廁所, D 褲仔已經濕左, 但佢都有wee wee 左D, 問佢駛唔駛poo poo, 佢又冇反應... 天真既我就咁放過左LEI隻豬... 結果, 唔到5分鐘, 佢既poo poo 樣又出左來, 雖然都係第一時間入廁所, 但底褲仔已經不保... 望住5分鐘前先換落來, 濕濕既褲仔, 同5分鐘後保唔住既底褲仔... 有D想喊... (我真係有諗過不如掉左條底褲仔啦, 不過, 好似好浪費...)

我諗戒片路上應該仲有好多挑戰, 例如出街搵廁所, 戒疴poo poo落片度, 戒夜片等, 不過我開始覺得慢慢來都係件好事, 大人同小朋友都唔會咁大壓力 (主要係來緊返學只返2個鐘,  就算著住片都唔係好大問題者... :P)

唔扭計既小豬, 都算又可愛又靚女... 

(戀女既媽媽... :P)

不過成日都係突然變身成為T2小魔怪...

(果日喊左9個字, 只係唔肯坐BB車...)

但轉頭又會扮cute, 睇下有冇人俾佢電到 

(通常爺爺係最冇抵抗能力的... XD)