T2事件簿...II

T2繼續中...

琴日, 小豬3點幾先開始瞓晏覺, 一瞓就瞓左差唔多3個鐘, 最後俾我捉佢起身 (費事夜晚好夜先瞓啦~) 起身後既小豬, 玩左一陣就準備俾佢食晚飯啦~

首先, 唔肯坐係自己張highchair 度, 所以喊... OK... 咁坐係自己既凳仔度啦~
然後, 望住碗粥, 又喊...  嗯... 碗粥都唔係好醜樣者... 不過唔食就唔食住啦...
咁小豬唔食, 我同熊熊就飲湯先啦...  小豬見到我地飲湯... 又喊...
以為佢都想飲, 就俾左一啖佢啦... 點知, 佢喊多下...
Ops... 咁既係點嗎?
最後, 小豬要我抱住... 熊熊就自己飲湯... 我試幾次想飲埋一份, 點知一拎起個碗, 小豬又喊喎...
=.="
搞左3-4個字後, 小豬突然指住個碗, 話豆腐 (其實係淮山)... 然後就開始食我D淮山喎, 食食下仲食晒添... 食完後, 仲自己坐低, 食左半碗粥添...
真係R晒頭, 都唔知發生左咩野事...